*എഴുത്തച്ഛന്‍ പുരസ്‌കാരം സച്ചിദാനന്ദന് മുഖ്യമന്ത്രി സമ്മാനിച്ചു

2017 ലെ സംസ്ഥാന ചലച്ചിത്ര അവാര്‍ഡുകള്‍ പ്രഖ്യാപിച്ചു. സാംസ്‌കാരിക വകുപ്പ് മന്ത്രി എ.കെ. ബാലനാണ് അവാര്‍ഡുകള്‍ പ്രഖ്യാപിച്ചത്. മികച്ച നടനായി ഇന്ദ്രന്‍സ് (ആളൊരുക്കം, ഒരു ലക്ഷംരൂപയും ശില്‍പവും പ്രശസ്തി പത്രവും), മികച്ച നടിയായി പാര്‍വതി (ടേക്ക് ഓഫ്, ഒരു ലക്ഷംരൂപയും ശില്‍പവും പ്രശസ്തി പത്രവും)എന്നിവര്‍ തെരഞ്ഞെടുക്കപ്പെട്ടു.   നഷ്ടപ്പെട്ട മകനെ തേടി ഇറങ്ങുന്ന ഒരു പിതാവിന്റെ  നിസ്സഹായതയും അന്വേഷണത്തിന്റെ ഒടുവില്‍ മകന്‍, മകളായി മുന്നിലെത്തുമ്പോഴുള്ള അന്തഃസംഘര്‍ഷങ്ങളും അയത്‌ന ലളിതമായി പ്രതിഫലിപ്പിക്കുന്ന അഭിനയ മികവാണ് ഇന്ദ്രന്‍സ് കാഴ്ചവച്ചത്.

*രാജ്യത്തിന് മാതൃകയെന്ന് മുഖ്യമന്ത്രി പിണറായി വിജയന്‍

വനിതാദിനത്തില്‍ പെണ്‍കരുത്ത് വിളിച്ചോതി 6000 ഓളം സ്‌കൂള്‍ വിദ്യാര്‍ഥികളുടെ കരാട്ടെ പ്രദര്‍ശനം ഗിന്നസ് ലോക റെക്കോര്‍ഡിലേക്ക്. കാര്യവട്ടം ഗ്രീന്‍ഫീല്‍ഡ് സ്‌റ്റേഡിയത്തില്‍ ജില്ലാ പഞ്ചായത്തിന്റെ 'രക്ഷാ' കരാട്ടെ പരിശീലന പദ്ധതിയുടെ ഭാഗമായി സംഘടിപ്പിച്ച കരാട്ടെ ഡിസ്‌പ്ലേയാണ് സ്ത്രീശാക്തീകരണത്തിന്റെ വിജയപ്രകടനമായി ചരിത്രം സൃഷ്ടിച്ചത്. മുഖ്യമന്ത്രി പിണറായി വിജയന്‍ 'രക്ഷാ' കരാട്ടെ പ്രദര്‍ശനം ഉദ്ഘാടനം ചെയ്തു.

കേരളത്തിലെ കായിക രംഗത്തെക്കുറിച്ച് ആധികാരികമായ വിവരങ്ങള്‍ അടങ്ങിയ ഒരു സ്‌പോര്‍ട്‌സ് ഗൈഡ് പ്രസിദ്ധീകരിക്കാന്‍ സര്‍ക്കാര്‍ തീരുമാനിച്ചു.  കായിക രംഗത്ത് സര്‍ക്കാര്‍ മേഖലയിലുള്ള സ്റ്റേഡിയങ്ങള്‍, മറ്റു കളിസ്ഥലങ്ങള്‍ എന്നിവയെക്കുറിച്ചുള്ള വിവരങ്ങള്‍ക്കു പുറമേ സ്വകാര്യമേഖലയിലെ കായിക സൗകര്യങ്ങളെക്കുറിച്ചുള്ള വിവരങ്ങള്‍കൂടി ഇതില്‍ ഉള്‍പ്പെടുത്തും.  അതിനായി  (കളിസ്ഥലം, പ്രാക്ടീസ് ചെയ്യുന്ന ഇനം, സ്ഥിതിചെയ്യുന്ന സ്ഥലം, ഉടമസ്ഥന്റെ പേര്, ഫോണ്‍ നമ്പര്‍ എന്നിവയുള്‍പ്പെടെ) മൂന്ന് ദിവസത്തിനകം അതത് ജില്ലാ സ്‌പോര്‍ട്‌സ് ഓഫീസര്‍മാരെ അറിയിക്കണം.