വിദ്യാര്‍ഥികള്‍ ശേഖരിക്കുന്ന പ്ലാസ്റ്റിക്കുകള്‍ സ്‌കൂളുകളില്‍നിന്ന് സംഭരിച്ച് പുനരുപയോഗം സാധ്യമാക്കുന്ന ജില്ലാ ഭരണകൂടത്തിന്റെ കലക്‌ടേഴ്‌സ് അറ്റ് സ്‌കൂള്‍ പദ്ധതി വിജയവഴിയിലൂടെ ഒരു അധ്യയന വര്‍ഷം പിന്നിടുന്നു. പദ്ധതിയില്‍ മികച്ച പ്രകടനം നടത്തിയ സ്‌കൂളുകള്‍ക്ക് കലക്ടറേറ്റില്‍ നടന്ന ചടങ്ങില്‍ പി.കെ ശ്രീമതി എം.പി ഉപഹാരം വിതരണം ചെയ്തു. പങ്കാളികളായ 150 ഓളം സ്‌കൂളുകള്‍ക്ക് സര്‍ട്ടിഫിക്കറ്റുകള്‍ നല്‍കി. അക്ലിയത്ത് എല്‍.പി സ്‌കൂള്‍ അഴീക്കോട്, ചിന്‍മയ വിദ്യാലയ തളിപ്പറമ്പ്, എസ്.എന്‍ വിദ്യാമന്ദിര്‍ തളാപ്പ്, കടമ്പൂര്‍ ഹൈസ്‌കൂള്‍ എന്നിവയാണ് മികച്ച പ്രകടനം നടത്തി ആദ്യ നാല് സ്ഥാനങ്ങളിലെത്തിയത്.

    കാസര്‍കോട് മണ്ണു പര്യവേക്ഷണ മണ്ണ് സംരക്ഷണ വകുപ്പിന്റെ കീഴിലുള്ള പരിശീലനകേന്ദ്രത്തിന്റെ ആഭിമുഖ്യത്തില്‍ സ്പീഡ് വേ ഇന്‍ കോണ്‍ഫറന്‍സ് ഹാളില്‍  മംഗല്‍പ്പാടി, ബദിയടുക്ക, ചെമ്മനാട്, മുളിയാര്‍, ബെള്ളൂര്‍ പഞ്ചായത്തുകളിലെ ജന പ്രതിനിധികള്‍ക്കും നീര്‍ത്തടകമ്മിറ്റി അംഗങ്ങള്‍ക്കും ഉദ്യോഗസ്ഥര്‍ക്കും മണ്ണ് ജല സംരക്ഷണ പ്രവര്‍ത്തനങ്ങളുടെ ആവശ്യകതയും വിവിധ സംരക്ഷണ മാര്‍ഗങ്ങളും എന്ന വിഷയത്തെക്കുറിച്ച് ഏകദിന പരിശീലനപരിപാടി സംഘടിപ്പിച്ചു. 

        കാഞ്ഞങ്ങാട് ബ്ലോക്ക് പഞ്ചായത്തിലെ അമ്പലത്തുകര ഡിവിഷനില്‍ നടന്ന ഉപതെരഞ്ഞെടുപ്പില്‍ സിപിഐ സ്ഥാനാര്‍ത്ഥി ഓമന.പി 3690 വോട്ടിന്റെ ഭൂരിപക്ഷത്തില്‍ വിജയിച്ചു.ആകെ പോള്‍ ചെയ്ത 5825 വോട്ടില്‍ 4513 വോട്ടാണ് ഓമനയ്ക്ക് ലഭിച്ചത്. എതിര്‍ സ്ഥാനാര്‍ഥികളായ ശോഭന.കെ (ബിജെപി) 823 വോട്ടും സുശീല (ഇന്ത്യന്‍ നാഷണല്‍ കോണ്‍ഗ്രസ്) 489 വോട്ടുമാണ് നേടിയത്. അജാനൂര്‍, മടിക്കൈ പഞ്ചായത്തുകളിലെ 14 ബൂത്തുകളിലാണ് വോട്ടെടുപ്പ് നടന്നത്.
 

 
    ഒരു ജനതയെ വായനയുടെ ലോകത്തേക്ക് നയിച്ച പി.എന്‍ പണിക്കരുടെ 109-ാം ജന്മദിനാഘോഷത്തോടെ എക്കോ ഡിജിറ്റല്‍ ജന്‍വിജ്ഞാന്‍ വികാസ് സംസ്ഥാന യാത്രയ്ക്ക് കാസര്‍കോട് സമാപനമായി. സാമാന്യജനങ്ങളെ അറിവിലൂടെ സമ്പന്നമാക്കി, ശാസ്ത്രത്തിലൂന്നി ശക്തമാക്കുക എന്ന ലക്ഷ്യവുമായി തിരുവനന്തപുരത്ത് നിന്ന് ആരംഭിച്ച് 14 ജില്ലകളിലെ 140 ഗ്രാമപഞ്ചായത്തുകളിലൂടെ 33 ദിവസമായി നടത്തിയ പര്യടനമാണ് സംസ്ഥാനത്തിന്റെ വടക്കേയറ്റത്ത് സമാപിച്ചത്. പി.എന്‍ പണിക്കര്‍ക്ക് പ്രിയപ്പെട്ട നാടായ കാസര്‍കോട് ഇതാദ്യമായി അദ്ദേഹത്തിന്റെ ജന്മദിനത്തിന്റെ സംസ്ഥാനതല ആഘോഷങ്ങള്‍ നടത്തിയതും വേറിട്ട അനുഭവമായി. 

2018-19 വര്‍ഷത്തില്‍ മത്സ്യഫെഡ് നടപ്പിലാക്കുന്ന മത്സ്യത്തൊഴിലാളി അപകട ഇന്‍ഷ്വറന്‍സ് പദ്ധതിയില്‍ അംഗമാവാന്‍ അവസരം. അപകട മരണമോ, അപകടത്തെ തുടര്‍ന്ന് ഭാഗിക അംഗവൈകല്യമോ സംഭവിക്കുന്നവര്‍ക്ക് നിബന്ധനകള്‍ക്കു വിധേയമായി 10 ലക്ഷം രൂപ വരെ ആനുകൂല്യം ലഭിക്കാവുന്ന പദ്ധതിയില്‍ 376 രൂപ പ്രീമിയം നല്‍കി മാര്‍ച്ച് 31 വരെ അംഗങ്ങളാകാം.  മത്സ്യത്തൊഴിലാളി വികസന ക്ഷേമ സഹകരണ സംഘങ്ങള്‍ വഴിയാണ് അംഗങ്ങളാകേണ്ടത്.  കൂടുതല്‍ വിവരങ്ങള്‍ മത്സ്യഫെഡ് ജില്ലാ ഓഫീസ്, ക്ലസ്റ്റര്‍ ഓഫീസ്, പ്രാഥമിക സഹകരണ സംഘങ്ങള്‍ എന്നിവിടങ്ങളില്‍ ലഭിക്കും.
പി.എന്‍.സി/389/2018

കല്ല്യാശ്ശേരി അഡീഷണല്‍ ഐ.സി.ഡി.എസ് പ്രൊജക്ടിന്റെ പരിധിയില്‍ വരുന്ന 109 അങ്കണവാടികള്‍ക്കാവശ്യമായ  പ്രീ സ്‌കൂള്‍ കിറ്റ്  വിതരണം ചെയ്യുന്നതിനും ആക്ടിവിറ്റി ബുക്ക്, അസസ്‌മെന്റ് കാര്‍ഡ്, സാക്ഷ്യപത്രം എന്നിവ പ്രിന്റ് ചെയ്ത് നല്‍കുന്നതിനും ക്വട്ടേഷന്‍ ക്ഷണിച്ചു. മാര്‍ച്ച് 9 ന് വൈകിട്ട് 2 മണി വരെ ക്വട്ടേഷന്‍ സ്വീകരിക്കും.
പി.എന്‍.സി/389/2018
 

റേഷന്‍കാര്‍ഡ് പുതുക്കുന്നതിന് ഇതുവരെ അപേക്ഷ സമര്‍പ്പിക്കുവാന്‍ ബാക്കിയുള്ളരുടെ അപേക്ഷ ഇനി മുതല്‍ ബുധനാഴ്ചകളില്‍ മാത്രമേ സ്വീകരിക്കുകയുള്ളൂവെന്ന് തളിപ്പറമ്പ് താലൂക്ക് സപ്ലൈ ഓഫീസര്‍ അറിയിച്ചു. അപേക്ഷകര്‍ താമസ/ഉടമസ്ഥാവകാശ സര്‍ട്ടിഫിക്കറ്റ്, വരുമാന സര്‍ട്ടിഫിക്കറ്റ്, ആധാറിന്റെ പകര്‍പ്പുകള്‍, 2 പാസ്‌പോര്‍ട്ട് സൈസ് ഫോട്ടോകള്‍, മുന്‍ഗണനാ കാര്‍ഡിന് അര്‍ഹതയുള്ളവര്‍ ആയത് തെളിയിക്കുന്നതിനുള്ള  രേഖകള്‍ സഹിതം താലൂക്ക് സപ്ലൈ ഓഫീസില്‍ അപേക്ഷ സമര്‍പ്പിക്കണം.
പി എന്‍ സി/500/2018 
 

കണ്ണൂര്‍ ഗവ: വനിതാ ഐ.ടി.ഐ.യില്‍ ഫാഷന്‍ ഡിസൈന്‍ & ടെക്‌നോളജി ട്രേഡില്‍ ഒഴിവുള്ള ജൂനിയര്‍ ഇന്‍സ്ട്രക്ടര്‍ തസ്തികയില്‍ ഗസ്റ്റ് ഇന്‍സ്ട്രക്ടറായി താല്‍ക്കാലിക നിയമനത്തിന് താല്‍പര്യമുള്ളവരില്‍ നിന്നും അപേക്ഷ ക്ഷണിച്ചു.   ഒരു വര്‍ഷത്തെ പ്രവൃത്തി പരിചയത്തോടെ അംഗീകൃത യൂണിവേഴ്‌സിറ്റിയില്‍ നിന്നുള്ള ഫാഷന്‍ ഡിസൈനിങ്ങ്/ടെക്‌നോളജിയിലുള്ള ബിരുദം(4 വര്‍ഷം), 2 വര്‍ഷത്തെ പ്രവൃത്തി പരിചയത്തോടെ ഫാഷന്‍ ഡിസൈനിങ്ങ്/ ടെക്‌നോളജിയിലുള്ള 3 വര്‍ഷ ഡിഗ്രി/ഡിപ്ലോമ/സി.ഡി.ഡി.എം(എ.ഐ.സി. ടി.ഇ) അല്ലെങ്കില്‍ 3 വര്‍ഷ പ്രവൃത്തി പരിചയത്തോടെ ഫാഷന്‍ ഡിസൈന്‍ ടെക്‌നോളജി/ഫാഷന്‍ ടെക്‌നോള ജിയില്‍ എന്‍.ടി.സി/എന്‍.എ.സി.

തളാപ്പ് സുന്ദശേ്വര ക്ഷേത്രത്തിലെ ആറാട്ട് ഉത്സവദിനമായ ഏപ്രില്‍ 2 ന് വൈകിട്ട് 4 മണി മുതല്‍ കണ്ണൂര്‍ താലൂക്ക് പരിധിയില്‍ ജില്ലാ കലക്ടര്‍ പ്രാദേശിക അവധി പ്രഖ്യാപിച്ചു.
പി എന്‍ സി/500/2018