യൂണിവേഴ്‌സിറ്റി ആന്റ് ഫുഡ്‌സേഫ്റ്റി അപ്പലേറ്റ് ട്രിബ്യൂണലിന്റെ ഔദ്യോഗിക ക്യാമ്പ് മാര്‍ച്ച് എട്ടിന് തൃശൂര്‍ പി.ഡബ്ല്യൂ.ഡി റസ്റ്റ് ഹൗസില്‍ നടക്കും. ആ ദിവസത്തില്‍ പോസ്റ്റ് ചെയ്ത കേസുകളുടെ വാദം കേള്‍ക്കുന്നതോടൊപ്പം കാസര്‍ഗോഡ്, കണ്ണൂര്‍, വയനാട്, കോഴിക്കോട്, പാലക്കാട്, മലപ്പുറം, തൃശൂര്‍, ഇടുക്കി, എറണാകുളം ജില്ലകളിലെ ഫുഡ്‌സേഫ്റ്റി  ആക്ട് 2006 ന്റെ പരിധിയില്‍ വരുന്ന കേസുകളും യൂണിവേഴ്‌സിറ്റി കേസുകളും അപ്പീല്‍ ചട്ടങ്ങള്‍ക്കനുസൃതമായി  ഫയലില്‍ സ്വീകരിക്കുമെന്ന് യൂണിവേഴ്‌സിറ്റി ആന്റ് ഫുഡ്‌സേഫ്റ്റി അപ്പലേറ്റ് സെക്രട്ടറി അറിയിച്ചു.

പി.എന്‍.എക്‌സ്.790/18

ദേശീയ സ്‌കൂള്‍ കായികമത്സരങ്ങളില്‍ കേരളത്തെ പ്രതിനിധീകരിച്ച് 2012-13, 2013-14, 2014-15, 2015-16 വര്‍ഷങ്ങളില്‍ ഒന്ന്, രണ്ട്, മൂന്ന് സ്ഥാനങ്ങള്‍ നേടിയ കായിക താരങ്ങള്‍ക്ക് കാഷ് അവാര്‍ഡ് തുക യഥാക്രമം 25000, 20000, 15000 രൂപയും പരിശീലകര്‍ക്ക് 5000 രൂപയും നല്‍കാന്‍ സര്‍ക്കാര്‍ തുക അനുവദിച്ച് ഉത്തരവായി. അര്‍ഹരായ കായികതാരങ്ങളുടെ ലിസ്റ്റും അപേക്ഷാഫോറവും ഇത് സംബന്ധിച്ച സര്‍ക്കുലറും www.education.kerala.gov.in എന്ന വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്.

പാലക്കാട് വ്യാവസായിക ട്രൈബ്യൂണലും ഇന്‍ഷുറന്‍സ് കോടതി ജഡ്ജിയും എംപ്ലോയീസ് കോമ്പന്‍സേഷന്‍ കമ്മീഷണറുമായ സാബു സെബാസ്റ്റ്യന്‍ 2018 മാര്‍ച്ച് 5, 6, 12, 13, 19, 20, 26, 27 തീയതികളില്‍ പാലക്കാട് റവന്യൂ ഡിവിഷണല്‍ മജിസ്‌ട്രേറ്റ് കോടതി ഹാളിലും (ആര്‍ഡിഒ കോര്‍ട്ട്) 8, 16 തീയതികളില്‍ പെരിന്തല്‍മണ്ണ സബ് ഡിവിഷണല്‍ മജിസ്‌ട്രേറ്റ് കോടതി ഹാളിലും 2, 23 തീയതികളില്‍ മഞ്ചേരി ഇന്ദിരാഗാന്ധി ബസ് ടെര്‍മിനല്‍ ബില്‍ഡിംഗിലെ ഒന്നാം നിലയിലെ കോടതി ഹാളിലും തൊഴില്‍ തര്‍ക്ക കേസുകളും ഇന്‍ഷുറന്‍സ് കേസുകളും എംപ്ലോയീസ് കോമ്പന്‍സേഷന്‍ കേസുകളും വിചാരണ ചെയ്യും.

പി.എന്‍.എക്‌സ്.788/18

നെന്മാറ സാമൂഹ്യ ആരോഗ്യ കേന്ദ്രത്തിലേക്ക് ഫാര്‍മസിസ്റ്റ്, ഡ്രൈവര്‍, സെക്യൂരിറ്റി, എക്‌സ്‌റേ ടെക്‌നീഷ്യന്‍ കം ഇ.സി.ജി ടെക്‌നീഷ്യന്‍, ഡാറ്റ എന്‍ട്രി ഓപ്പറേറ്റര്‍ തസ്തികകളില്‍ ദിവസവേതനാടിസ്ഥാനത്തില്‍ നിയമനം നടത്തും. ഉദ്യോഗാര്‍ത്ഥികള്‍ ബയോഡാറ്റയും സര്‍ട്ടിഫിക്കറ്റിന്റെ പകര്‍പ്പുകളും സഹിതം മാര്‍ച്ച് 15 ന് മുന്‍പ് നെന്മാറ സാമൂഹ്യ ആരോഗ്യ കേന്ദ്രം സൂപ്രണ്ടിന് അപേക്ഷ നല്‍കണം. ഫോണ്‍: 0492-3242677.

പി.എന്‍.എക്‌സ്.787/18

കൊല്ലം ഇന്‍ഡസ്ട്രിയല്‍ ട്രൈബ്യൂണല്‍ സുനിത വിമല്‍ 2018 മാര്‍ച്ച് 24 ന് പീരുമേടും ആറ്, 20 തീയതികളില്‍ പുനലൂരിലും മറ്റു പ്രവൃത്തിദിനങ്ങളില്‍ ആസ്ഥാനത്തും തൊഴില്‍ തര്‍ക്ക കേസുകളും എംപ്ലോയീസ് ഇന്‍ഷുറന്‍സ് കേസുകളും എംപ്ലോയീസ് കോമ്പന്‍സേഷന്‍ കേസുകളും വിചാരണ നടത്തും.

പി.എന്‍.എക്‌സ്.786/18

സംസ്ഥാന പരിവര്‍ത്തിത ക്രൈസ്തവ ശുപാര്‍ശിത വിഭാഗ വികസവ കോര്‍പ്പറേഷനില്‍ നിന്നും വായ്പ എടുത്ത് തിരിച്ചടവ് കാലാവധി അവസാനിച്ചവരും കുടിശ്ശികയായി കിടക്കുന്നതുമായ വായ്പകള്‍ മാര്‍ച്ച് ഒന്നു മുതല്‍ 31 വരെ ഒറ്റത്തവണയായി അടയ്ക്കാം.  വായ്പാ അക്കൗണ്ട് തീര്‍ക്കുന്നവര്‍ക്കും കുടിശ്ശിക മുഴുവന്‍ ഒറ്റത്തവണയായി അടയ്ക്കുന്നവര്‍ക്കും പിഴപ്പലിശ പൂര്‍ണമായി ഒഴിവാക്കി നല്‍കുമെന്ന് മാനേജിംഗ് ഡയറക്ടര്‍ അറിയിച്ചു.  തിരുവനന്തപുരം, കോട്ടയം, കോഴിക്കോട് മേഖലാ ഓഫീസുകളില്‍ കുടിശ്ശിക നിവാരണത്തിനായി പ്രത്യേക കൗണ്ടറുകള്‍ പ്രവര്‍ത്തിക്കും.

പി.എന്‍.എക്‌സ്.785/18

തിരുവനന്തപുരം ഗവ: ആയൂര്‍വേദ കോളേജ് ബാലചികിത്സാ വിഭാഗത്തിന്റെ നേതൃത്വത്തില്‍ കുട്ടികളിലെ ബ്രോങ്കിയല്‍ ആസ്ത്മയ്ക്ക് സൗജന്യ ചികിത്സ നല്‍കുന്നു.  ശ്വാസകോശ വികാസ പരിശോധന (Spirometry), ശ്വാസകോശ വികാസത്തിനുതകുന്ന യോഗാഭ്യാസ പരിശീലനം, മരുന്നുകള്‍ എന്നിവ ലഭിക്കും.  ഗവണ്‍മെന്റ് ആയൂര്‍വേദ കോളേജ്, സ്ത്രീകളുടേയും കുട്ടികളുടേയും ആശുപത്രി, പൂജപ്പുരയിലെ ഒ.പി. വിഭാഗം എന്നിവിടങ്ങളില്‍ രാവിലെ എട്ട് മുതല്‍ ഉച്ചയ്ക്ക് ഒന്നു വരെ ചികിത്സ ലഭിക്കും.  അഞ്ച് മുതല്‍ 12 വയസ് വരെയുള്ള കുഞ്ഞുങ്ങള്‍ക്കാണ് പദ്ധതിയുടെ പ്രയോജനം.  വിശദവിവരങ്ങള്‍ക്ക് : 0471-2350938, 9961198611.

പി.എന്‍.എക്‌സ്.784/18

വനിത-ശിശു വികസന വകുപ്പ് നടപ്പിലാക്കുന്ന കേന്ദ്രാവിഷ്‌കൃത പദ്ധതിയായ സംയോജിത ശിശു സംരക്ഷണ പദ്ധതിയില്‍ നിന്നും ജെ.ജെ.

പ്രവാസി ഭാരതീയര്‍ (കേരളീയര്‍) കമ്മീഷന്റെ സിറ്റിംഗ് 12 ന് രാവിലെ 11 മണിക്ക് തിരുവനന്തപുരം തൈക്കാട് ഗവ. ഗസ്റ്റ് ഹൗസ് കോണ്‍ഫറന്‍സ് ഹാളില്‍ നടക്കും. പരാതികള്‍ നേരിട്ട് സ്വീകരിക്കും.  പ്രവാസി ഭാരതീയര്‍ (കേരളീയര്‍) കമ്മീഷന്‍, നോര്‍ക്ക സെന്റര്‍, തൈക്കാട് പി.ഒ., തിരുവനന്തപുരം - 14 എന്ന വിലാസത്തിലെ nricommission@kerala.gov.in, secycomsn.nri@kerala.gov.in എന്നീ ഈ-മെയില്‍ വിലാസത്തിലോ പരാതികള്‍ അയയ്ക്കാം.

പി.എന്‍.എക്‌സ്.782/18

ജില്ലയില്‍ ഉപതെരഞ്ഞെടുപ്പ്  നടന്ന വടശേരിക്കര പഞ്ചായത്തിലെ മണ്ണീറ വാര്‍ഡില്‍ എല്‍.ഡി.എഫ് സ്ഥാനാര്‍ത്ഥി റ്റിജോ തോമസ് 45 വോട്ടിന്‍റെ ഭൂരിപക്ഷത്തില്‍ വിജയിച്ചു ആകെ പോള്‍ ചെയ്ത 848 വോട്ടില്‍ 404 വോട്ടാണ് റ്റിജോയ്ക്ക് ലഭിച്ചത്. യു.ഡി.എഫിലെ രശ്മി സജീവിന് 359 വോട്ടും ബി.ജെ.പി സ്ഥാനാര്‍ത്ഥി സുലേഖ സേമരാജന് 85 വോട്ടും ലഭിച്ചു.