നാടിന്റെ വികസനത്തിന് വൈദ്യുതി അത്യന്താപേക്ഷിതമാണെന്നും അതിനാലാണ് വൈദ്യുതി മേഖലയ്ക്ക് നാട് വലിയ പ്രാധാന്യം നല്‍കുന്നതെന്നും മുഖ്യമന്ത്രി പിണറായി വിജയന്‍ പറഞ്ഞു. അനര്‍ട്ടിന്റെ അക്ഷയ ഊര്‍ജ അവാര്‍ഡുകള്‍ വിതരണം ചെയ്യുകയായിരുന്നു അദ്ദേഹം. 

വലിയ ജലസേചന പദ്ധതികള്‍ കേരളത്തില്‍ പ്രായോഗികമല്ല. എന്നാല്‍ ചെറുകിട പദ്ധതികള്‍ സമയബന്ധിതമായി തീര്‍ക്കാനുമാവുന്നില്ല. ഈ സ്ഥിതി മാറണം. നമ്മുടെ പ്രവര്‍ത്തന സംസ്‌കാരം മാറിയെങ്കില്‍ മാത്രമേ ഉദ്ദേശിച്ച ഫലം നേടാനാവൂ.  കഴിയുന്നത്ര വൈദ്യുതി സ്വന്തമായി ഉത്പാദിക്കാനാവണം. വാങ്ങുന്ന വൈദ്യുതിയെ ആശ്രയിച്ച് തൃപ്തിപ്പെടാമെന്ന് കരുതുന്നത് ഗുണം ചെയ്യില്ല. 

കേരളത്തിലെ സര്‍ക്കാര്‍/എയ്ഡഡ്/സ്വാശ്രയ ആയുര്‍വേദ/സിദ്ധ/യുനാനി കോളേജുകളിലെ 2018 -19 അധ്യയന വര്‍ഷത്തെ ആയുഷ് ബിരുദ കോഴ്‌സുകളായ ബി.എ.എം.എസ്, ബി.യു.എം.എസ്, ബി.എസ്.എം.എസ് എന്നിവയിലെ പ്രവേശനം സി.ബി.എസ്.ഇ നടത്തുന്ന നാഷണല്‍ എലിജിബിലിറ്റി കം എന്‍ട്രന്‍സ് ടെസ്റ്റ് (NEET -UG 2018) ലെ പരീക്ഷാഫലത്തിന്റെ അടിസ്ഥാനത്തിലായിരിക്കുമെന്ന് ആയുര്‍വേദ മെഡിക്കല്‍ വിദ്യാഭ്യാസ ഡയറക്ടര്‍ അറിയിച്ചു.

പി.എന്‍.എക്‌സ്.773/18

ആയുഷ് നടത്തുന്ന അണ്ടര്‍ ഗ്രാജുവേറ്റ് കോഴ്‌സുകളിലേയ്ക്കുളള പ്രവേശനം നാഷണല്‍ എലിജിബിലിറ്റി -കം- എന്‍ട്രന്‍സ് ടെസ്റ്റ് മുഖേന മാത്രമേ നടത്താന്‍ പാടുളളുവെന്ന് നിഷ്‌കര്‍ഷിച്ചിട്ടുണ്ടെന്നും സംസ്ഥാനത്തെ 2018 -19 അധ്യയന വര്‍ഷത്തെ ബി.എച്ച്.എം.എസ് കോഴ്‌സിലേയ്ക്കുളള പ്രവേശനം മെയ് ആറിന് സി.ബി.എസ്.ഇ നടത്തുന്ന നീറ്റ് (യു.ജി) 2018 പരീക്ഷയുടെ അടിസ്ഥാനത്തില്‍ തയ്യാറാക്കുന്ന മെരിറ്റ് ലിസ്റ്റില്‍ നിന്ന് ആയിരിക്കുമെന്നും തിരുവനന്തപുരം ഗവ. ഹോമിയോപ്പതിക് മെഡിക്കല്‍ കോളേജ് പ്രിന്‍സിപ്പാള്‍ അറിയിച്ചു.

പി.എന്‍.എക്‌സ്.772/18

കേരള സഹകരണ ട്രൈബ്യൂണല്‍ മാര്‍ച്ച് അഞ്ച്, 13, 21 തീയതികളില്‍ ആസ്ഥാനത്തും എട്ടിന് എറണാകുളം ഗസ്റ്റ് ഹൗസ് ലൈബ്രറി ഹാളിലും 16ന് ആലപ്പുഴ പോലീസ് ക്രെഡിറ്റ് കോ -ഓപ്പറേറ്റീവ് സൊസൈറ്റി ഹാളിലും 23ന് കണ്ണൂര്‍ ജില്ലാ സഹകരണ ബാങ്കിലും സിറ്റിംഗ് നടത്തും.

പി.എന്‍.എക്‌സ്.771/18

ആള്‍നൂഴി ശുചീകരണ റോബോട്ട് പൊതുനിരത്തുകളിലെ ശുചീകരണം തുടങ്ങി. ഇന്നലെ (ഫെബ്രുവരി 28) വഞ്ചിയൂര്‍ ചിറക്കുളം റോഡിലെ മാന്‍ഹോളുകളിലെ മാലിന്യം നീക്കിയാണ് നിരത്തുകളിലെ ശുചീകരണം ആരംഭിച്ചത്.

കഴിഞ്ഞദിവസം വാട്ടര്‍ അതോറിറ്റി ഓഫീസ് അങ്കണത്തില്‍ നടന്ന ചടങ്ങില്‍ മുഖ്യമന്ത്രി പിണറായി വിജയന്‍ യന്ത്രമനുഷ്യന്റെ പ്രവര്‍ത്തനോദ്ഘാടനം നിര്‍വഹിച്ചിരുന്നു.

ഇതിനുശേഷം ആദ്യമായാണ് പൊതുനിരത്തിലെ ഡ്രെയിനേജ് സംവിധാനത്തിലെ മാന്‍ഹോള്‍ വൃത്തിയാക്കല്‍ ജല അതോറിറ്റിയുടെ നേതൃത്വത്തില്‍ ആരംഭിച്ചത്. 

 കാഞ്ചി മഠാധിപതി സ്വാമി ജയേന്ദ്ര സരസ്വതിയുടെ ദേഹവിയോഗത്തില്‍ തുറമുഖ മ്യൂസിയം, പുരാവസ്തു, പുരാരേഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി അനുശോചനം രേഖപ്പെടുത്തി. സാംസ്‌കാരിക പ്രഭാഷണത്തിലൂടെ ഭാരതീയ ആദ്ധ്യാത്മികത പ്രകാശിതമാക്കികൊണ്ടിരുന്ന ആചാര്യന്റെ നഷ്ടമാണ് സ്വാമിയുടെ ദേഹവിയോഗത്തിലൂടെ സൃഷ്ടിക്കപ്പെട്ടതെന്നു അദ്ദേഹം പറഞ്ഞു.  

പി.എന്‍.എക്‌സ്.769/18

കോഴിക്കോട് ഇന്‍ഡസ്ട്രിയല്‍ ട്രൈബ്യൂണലും എംപ്ലോയീസ് കോമ്പന്‍സേഷന്‍ കമ്മീഷണറും എംപ്ലോയീസ് ഇന്‍ഷുറന്‍സ് കോടതി ജഡ്ജിയുമായ കെ.വി. രാധാകൃഷ്ണന്‍ മാര്‍ച്ച് ആറ്, 13, 20 തീയതികളില്‍ കണ്ണൂര്‍ ലേബര്‍ കോടതിയിലും 27 ന് തലശ്ശേരി ബാര്‍ അസേസിയേഷന്‍ ബൈസെന്റിനറി ഹാളിലും 15, 16 തീയതികളില്‍ വയനാട് കല്‍പ്പറ്റ ബാര്‍ അസോസിയേഷന്‍ ഹാളിലും 23 ന് കാസര്‍ഗോഡ് ജില്ലാ ലേബര്‍ ഓഫീസിലും 1, 2, 7, 8, 9, 14 തീയതികളില്‍ ആസ്ഥാനത്തും തൊഴില്‍തര്‍ക്ക കേസുകളും എംപ്ലോയീസ് കോമ്പന്‍സേഷന്‍ കേസുകളും എംപ്ലോയീസ് ഇന്‍ഷുറന്‍സ് കേസുകളും വിചാരണ ചെയ്യും.

പി.എന്‍.എക്‌സ്.767/18

    കേന്ദ്രീയ വിദ്യാലയ നം.2 വില്‍  2018-19 അധ്യയന വര്‍ഷത്തില്‍  ഒന്നാം ക്ലാസ് പ്രവേശനത്തിന് ഓണ്‍ലൈന്‍ രജിസ്‌ട്രേഷന്‍ ഇന്നു (മാര്‍ച്ച് 1) മുതല്‍  19 ന് വൈകീട്ട്  നാലു മണിവരെ ചെയ്യാം.  വെബ് സൈറ്റ് വേേു://സ്മറാശശൈീിീിഹശില2018.ശി, ംംം.സ്‌മെിഴമവേമി.ിശര.ശി
    ഒറ്റ പെണ്‍കുട്ടി സീറ്റിലേക്കും സംസ്ഥാനസര്‍ക്കാര്‍ ജീവനക്കാര്‍ക്ക് സംവരണം ചെയ്തിട്ടുളള  സീറ്റിലേക്കും   പ്രവേശനം വേണ്ടവര്‍ ഓണ്‍ലൈന്‍ രജിസ്‌ട്രേഷനോടൊപ്പം  സ്‌കൂള്‍ ഓഫീസില്‍  നിന്നും അപേക്ഷാഫോറം വാങ്ങി പൂരിപ്പിച്ച നല്‍കണം. പ്രവൃത്തിദിവസങ്ങളില്‍  ഉച്ചക്ക് ഒരു മണി മുതല്‍ 3.10 വരെയാണ് അപേക്ഷകള്‍ സ്വീകരിക്കുന്നത്.
 

    എംപി മാരുടെ പ്രാദേശിക വികസന പദ്ധതിയില്‍ കാസര്‍കോട് ലോകസഭാ മണ്ഡലത്തില്‍ കേന്ദ്രസര്‍ക്കാര്‍ അനുവദിച്ച മുഴുവന്‍ തുകയും  ചെലവഴിച്ചതായി  പി. കരുണാകരന്‍ എംപി അറിയിച്ചു.  ഇതുവരെ ലഭിച്ച 12.5 കോടി രൂപ മണ്ഡലത്തിലെ  319 പ്രവര്‍ത്തികള്‍ക്കായി വിനിയോഗിച്ചു.  ജില്ലയില്‍ എം പി ഫണ്ട് വിനിയോഗത്തില്‍ മികച്ച നേട്ടം കൈവരിക്കാന്‍ കഴിഞ്ഞതായും അദ്ദേഹം അറിയിച്ചു.