നിയോജക മണ്ഡലാടിസ്ഥാനത്തില്‍ ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ ആഭിമുഖ്യത്തില്‍ പ്രതിരോധമരുന്നിന്റെയും ആരോഗ്യ-ശുചിത്വബോധവത്ക്കരണത്തിന്റെയും ആവശ്യകത സംബന്ധിച്ചു നടന്ന ബോധവത്ക്കരണശില്പശാലയ്ക്ക് ജില്ലയില്‍ സമാപനം. ജില്ലയിലെ അഞ്ചു നിയോജക മണ്ഡലങ്ങളിലായി നടന്ന ബോധവത്ക്കരണ ശില്പശാലയുടെ സമാപന പരിപാടി മഞ്ചേശ്വരം ബ്ലോക്ക് പഞ്ചായത്ത് പ്രസിഡന്റ് എ.കെ.എം അഷ്‌റഫ് ഉദ്ഘാടനം ചെയ്തു. മഞ്ചേശ്വരം മണ്ഡലം പരിധിയിലെ പുത്തിഗെ പഞ്ചായത്ത് ഹാളില്‍ നടന്ന ശില്പശാലയില്‍ ഗ്രാമപഞ്ചായത്ത് പ്രസിഡന്റ് ജെ.അരുണ അധ്യക്ഷത വഹിച്ചു. 

     തിരുവനന്തപുരത്ത് നിന്ന് ആരംഭിച്ച് 14 ജില്ലകളിലെ 140 ഗ്രാമപഞ്ചായത്തുകളിലൂടെ 33 ദിവസമായി പര്യടനം നടത്തിയ ജന്‍വിജ്ഞാന്‍ വികാസ് യാത്രയുടെ സമാപന സമ്മേളനം ഇന്ന് (മാര്‍ച്ച് 1) രാവിലെ  10 മണിക്ക് ഡിപിസി ഹാളില്‍ തദ്ദേശസ്വയംഭരണ വകുപ്പ് മന്ത്രി കെ.ടി ജലീല്‍ ഉദ്ഘാടനം ചെയ്യും.  നീലേശ്വരം നഗരസഭ ചെയര്‍മാന്‍ പ്രെഫ. കെ.പി ജയരാജന്‍ അധ്യക്ഷത വഹിക്കും. പി.കരുണാകരന്‍ എംപി മുഖ്യാതിഥിയായിരിക്കും.  പി.എന്‍ പണിക്കര്‍ ഫൗണ്ടേഷന്‍ സംസ്ഥാന സെക്രട്ടറി  കെ.പി കുഞ്ഞിക്കണ്ണന്‍ പിഎന്‍ പണിക്കര്‍ അനുസ്മരണം നടത്തും. 

     കൊച്ചി: വാഴക്കുളം ശിശു വികസന പദ്ധതിയിലെ 122 അങ്കണവാടികളിലേക്ക് പ്രീസ്‌കൂള്‍ കിറ്റ് സപ്ലൈ ചെയ്യുന്നതിന് തയാറുളള വ്യക്തികള്‍/സ്ഥാപനങ്ങള്‍ എന്നിവരില്‍ നിന്നും മുദ്രവച്ച കവറില്‍ മത്സര സ്വഭാവമുളള ടെന്‍ഡറുകള്‍ ക്ഷണിച്ചു. ടെന്‍ഡര്‍ സ്വീകരിക്കുന്ന അവസാന തീയതി മാര്‍ച്ച് 12 ഉച്ചയ്ക്ക് രണ്ടു വരെ. കൂടുതല്‍ വിവരങ്ങള്‍ക്ക് ഫോണ്‍ 0484-2677209.

കൊച്ചി: ജില്ലാ പൈതൃകമ്യൂസിയമായി പ്രഖ്യാപിച്ച ബാസ്റ്റണ്‍ ബംഗ്‌ളാവിലെ സജ്ജീകരണങ്ങള്‍ വിലയിരുത്താനായി മാര്‍ച്ച് ഒന്ന് ഉച്ചയ്ക്ക് 2.30-ന് തുറമുഖ, പുരാവസ്തു,പുരാരേഖ, മ്യൂസിയം വകുപ്പു മന്ത്രി കടന്നപ്പള്ളി രാമചന്ദ്രന്റെ അദ്ധ്യക്ഷതയില്‍ ഉന്നതതലയോഗം ചേരും. ബാസ്റ്റണ്‍ ബംഗ്‌ളാവില്‍ ചേരുന്ന യോഗത്തില്‍ എംഎല്‍എമാര്‍, പ്രിന്‍സിപ്പല്‍ സെക്രട്ടറി ഡോ വി വേണു, വകുപ്പ് ഡയറക്ടര്‍മാര്‍ തുടങ്ങിയവര്‍ പങ്കെടുക്കും. 

     കൊച്ചി: ജില്ലയിലെ ട്രാന്‍സ്‌ജെന്റര്‍ വിഭാഗത്തില്‍പ്പെടുന്നവര്‍ക്ക് സാമൂഹ്യനീതി വകുപ്പു മുഖേന ട്രാന്‍സ്‌ജെന്റര്‍ തിരിച്ചറിയല്‍ കാര്‍ഡ് നല്‍കുന്നു. ഇതിനായി നിശ്ചിത ഫോര്‍മാറ്റിലുളള അപേക്ഷയോടൊപ്പം പാസ്‌പോര്‍ട്ട് സൈസ് ഫോട്ടോ, ഏതെങ്കിലും തിരിച്ചറിയല്‍ രേഖയുടെ പകര്‍പ്പ് (ഇലക്ഷന്‍ ഐ.ഡി/ആധാര്‍/പാന്‍ ഇവയിലേതെങ്കിലും) ഹാജരാക്കണം. അപേക്ഷാഫോറം ജില്ലാ സാമൂഹ്യനീതി ഓഫീസില്‍ നിന്നോ, സാമൂഹ്യനീതി വകുപ്പിന്റെ http://sjd.kerala.gov.in വെബ്‌സൈറ്റില്‍ നിന്നോ എടുക്കാം. പൂരിപ്പിച്ച അപേക്ഷകള്‍ മാര്‍ച്ച് ഏഴിനകം കാക്കനാടുളള ജില്ലാ സാമൂഹ്യനീതി ഓഫീസില്‍ ലഭിക്കണം.

എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജിയുടെ തിരുവനന്തപുരം കേന്ദ്രത്തില്‍ ഡിസിഎ (എസ്) (പ്ലസ്ടു), ഒഴിവുളള സീറ്റുകളിലേക്കും ഉടന്‍ ആരംഭിക്കുന്ന ഡി.ഇ ആന്റ് ഒ.എ (എസ്.എസ്.എല്‍.സി), ടാലി (പ്ലസ്ടു/ബി.കോം/ജെഡിസി/എച്ച്ഡിസി) കോഴ്‌സുകളിലേക്കും അപേക്ഷ ക്ഷണിച്ചു. എസ്.സി/എസ്.ടി വിദ്യാര്‍ത്ഥികള്‍ക്ക് ഫീസാനുകൂല്യമുണ്ട്. കൂടുതല്‍ വിവരങ്ങള്‍ക്ക് 0471-2560332, 2560333, 8547141406.

പി.എന്‍.എക്‌സ്.766/18

കേന്ദ്രാവിഷ്‌കൃത പദ്ധതിയായ 'അമൃത്' നടപ്പിലാക്കുന്ന സംസ്ഥാന മിഷന്‍ മാനേജ്‌മെന്റ് യൂണിറ്റില്‍ അര്‍ബന്‍ പ്ലാനര്‍ തസ്തികയിലേക്ക് (സിറ്റി മിഷന്‍ മാനേജ്‌മെന്റ് യൂണിറ്റിലേക്ക് - ജില്ലാതലം) പ്രതിമാസം 55,000 രൂപാ നിരക്കില്‍ കരാറടിസ്ഥാനത്തില്‍ നിയമനത്തിന് അപേക്ഷ ക്ഷണിച്ചു. ഒഴിവുകളുടെ എണ്ണം ഒന്ന്. അവസാന തീയതി മാര്‍ച്ച് 17. വിശദവിവരങ്ങള്‍ക്ക് www.smartkeralamission.org

പി.എന്‍.എക്‌സ്.765/18

എല്‍.ബി.എസ് ന്റെ തിരുവനന്തപുരം ഹെഡ്ക്വാര്‍ട്ടേഴ്‌സിലും മേഖലാ കേന്ദ്രങ്ങളിലും ഉപകേന്ദ്രങ്ങളിലുമായി ഏപ്രില്‍ 11 ന് ഡി.സി.എ ഒന്നും രണ്ടും സെമസ്റ്റര്‍ (റിവിഷന്‍ 2007 സ്‌കീം) സപ്ലിമെന്ററി പരീക്ഷ ആരംഭിക്കും. പരീക്ഷാഫീസ് പിഴകൂടാതെ മാര്‍ച്ച് 14 വരെയും പിഴയോടെ 21 വരെയും അടയ്ക്കാം.

പി.എന്‍.എക്‌സ്.764/18

ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിലെ പ്രിസം പദ്ധതിയിലേക്ക് നടത്തിയ സബ് എഡിറ്റര്‍, ഇന്‍ഫര്‍മേഷന്‍ അസിസ്റ്റന്റ് പരീക്ഷയുടെ ഫലം പ്രസിദ്ധീകരിച്ചു. www.prd.kerala.gov.in ലെ ഹോം പേജില്‍ റിസള്‍ട്ട്‌സ് എന്ന ലിങ്കില്‍ ഫലം അറിയാം. 

പി.എന്‍.എക്‌സ്.763/18

പീരുമേട് താലൂക്ക് വികസന സമിതി യോഗം മാര്‍ച്ച് മൂന്നിന് രാവിലെ 10.30ന് താലൂക്ക് ഓഫീസിലെ കോണ്‍ഫറന്‍സ് ഹാളില്‍ കൂടും. യോഗത്തില്‍ എല്ലാ അംഗങ്ങളും പങ്കെടുക്കണമെന്ന് തഹസീല്‍ദാര്‍ അറിയിച്ചു.