കുടുംബശ്രീ ജില്ലാ മിഷന്‍ ആദിവാസി സമഗ്ര വികസന പദ്ധതിയുടെ ഭാഗമായി വി.പി സത്യന്‍ സ്മാരക എവര്‍ റോളിങ് ട്രോഫിക്കായി ട്രൈബല്‍ യൂത്ത് ഫുട്‌ബോള്‍ ടൂര്‍ണമെന്റ് സംഘടിപ്പിക്കുന്നു. പട്ടികവര്‍ഗ യുവതീ യുവാക്കള്‍ക്കിടയില്‍ കുടുംബശ്രീ പ്രവര്‍ത്തനം വ്യാപിപ്പിക്കുന്നതിന്റെ ഭാഗമായി കോളനികളില്‍ ട്രൈബല്‍ യൂത്ത് ക്ലബ്ബുകള്‍ രൂപീകരിക്കുകയും, അവരില്‍നിന്ന് 18നും 30നും മധ്യേ പ്രായമുള്ള യുവാക്കളെ ഉള്‍പ്പെടുത്തി ഫുട്‌ബോള്‍ ടീമുകള്‍ക്ക് രൂപം നല്‍കുകയും ചെയ്തിട്ടുണ്ട്. ബ്ലോക്ക്, ജില്ലാതല സെവന്‍സ് മത്സരങ്ങളാണ് സംഘടിപ്പിക്കുന്നത്. ബ്ലോക്ക് തലത്തില്‍ 48 ടീമുകളും ജില്ലാതലത്തില്‍ 12 ടീമുകളുമാണ്  മത്സരിക്കുക.

    കാസര്‍കോട് ഐസിഡിഎസ് പ്രോജക്റ്റിന് കീഴിലുള്ള പേരാല്‍ ശാന്തിക്കുന്ന്  മാതൃക അങ്കണവാടികളിലേക്ക് അവശ്യസാധന സാമഗ്രികള്‍ വാങ്ങുന്നതിനായി അംഗീകൃത സ്ഥാപനങ്ങളില്‍ നിന്നും വ്യക്തികളില്‍ നിന്നും ടെണ്ടര്‍ ക്ഷണിച്ചു.   ടെണ്ടര്‍ സ്വീകരിക്കുന്ന അവസാന തീയതി മാര്‍ച്ച്  12 ന് ഉച്ചയ്ക്ക്  രണ്ട് മണി വരെ. കൂടുതല്‍ വിവരങ്ങള്‍ക്ക്  ഫോണ്‍:  04994 230045.
 

കൊച്ചി: ബാങ്ക് പ്രൊബേഷനറി ഓഫീസര്‍ പരീക്ഷയ്ക്ക് തയ്യാറെടുക്കുന്നവര്‍ക്കായി കൊച്ചിന്‍ യൂണിവേഴ്‌സിറ്റി എംപ്‌ളോയ്‌മെന്റ് ഇന്‍ഫര്‍മേഷന്‍ & ഗൈഡന്‍സ് ബ്യൂറോ മാര്‍ച്ച് 12 മുതല്‍ പരിശീലനം നല്കുന്നു. റീസണിങ്, ഗണിതം, കമ്പ്യൂട്ടര്‍, ഇംഗ്‌ളീഷ് തുടങ്ങിയ വിഷയങ്ങളില്‍  കളമശ്ശേരി കൊച്ചിന്‍ യൂണിവേഴ്‌സിറ്റി എംപ്‌ളോയ്‌മെന്റ് ഇന്‍ഫര്‍മേഷന്‍ & ഗൈഡന്‍സ് ബ്യൂറോയിലാണ് പരിശീലനം നല്കുക. ക്‌ളാസില്‍ പങ്കെടുക്കാന്‍ താത്പര്യമുള്ളവര്‍ പേര് രജിസ്റ്റര്‍ ചെയ്യണം. ഫോണ്‍ 2576756 ഇമെയില്‍: ugb@cusat.ac.in

മാറ്റ്‌ലാബ് ട്രെയിനറെ ആവശ്യമുണ്ട്

     കൊച്ചി: സൈബര്‍ശ്രീ, സി-ഡിറ്റില്‍ മാറ്റ്‌ലാബ് ട്രെയിനറെ ആവശ്യമുണ്ട്. സൈബര്‍ശ്രീ പ്രോജക്ടില്‍ നിന്നും പരിശീലനം നേടിയവരോ മാറ്റ്‌ലാബില്‍ മറ്റ് പ്രവൃത്തി പരിചയമുളളവരോ ആയ പട്ടികജാതി വിഭാഗത്തില്‍പ്പെടുന്നവര്‍ക്ക് അപേക്ഷിക്കാം. മാര്‍ച്ച് മൂന്നിനു മുമ്പായി സൈബര്‍ശ്രീ സെന്റര്‍, സി-ഡിറ്റ്, പൂര്‍ണിമ, റ്റി.സി 81/2964, തൈക്കാട് പി.ഒ, തിരുവനന്തപുരം 695014 വിലാസത്തില്‍ അപേക്ഷിക്കണം. ഫോണ്‍ 0471-2323949, cybersricdit@gmail.com. 

സ്വയംതൊഴില്‍ ബോധവത്കരണ ശില്പശാല

കൊച്ചി: വൈറ്റില ജംഗ്ഷനിലെ ഗതാഗതക്കുരുക്ക് ലഘൂകരിക്കാനും മേല്‍പ്പാലത്തിന്റെ നിര്‍മാണം സുഗമമാക്കാനും അടിയന്തര നടപടികള്‍ക്ക് തുടക്കമായി. ജില്ലാ കളക്ടര്‍ കെ മുഹമ്മദ് വൈ സഫീറുള്ളയുടെ നിര്‍ദേശപ്രകാരമാണ് വിവിധ വകുപ്പുകളെ ഏകോപിപ്പിച്ച് നടപടി സ്വീകരിക്കുന്നത്. തിങ്കളാഴ്ച രാത്രി പോലീസ്, പൊതുമരാമത്ത് വകുപ്പ്, ദേശീയപാതാ അതോറിറ്റി ഉദേ്യാഗസ്ഥര്‍ക്കൊപ്പം കളക്ടര്‍ ജംഗ്ഷന്‍ സന്ദര്‍ശിച്ചിരുന്നു.

 
        ഇന്‍ഫര്‍മേഷന്‍ ആന്റ് പബ്ലിക് റിലേഷന്‍സ് വകുപ്പ് മണ്ഡലാടിസ്ഥാനത്തില്‍ സംഘടിപ്പിക്കുന്ന പ്രതിരോധ മരുന്ന്-ആരോഗ്യ-ശുചിത്വ ശില്പശാല ഇന്ന് (28) ഉച്ചക്ക്  രണ്ട് മണിക്ക് മഞ്ചേശ്വരം  മണ്ഡലത്തിലെ പുത്തിഗെ പഞ്ചായത്തില്‍ നടക്കും. മുളിയാര്‍ പിഎച്ച്‌സി യിലെ  മെഡിക്കല്‍ ഓഫീസര്‍ ഡോ. ദിവാകര്‍ റായ്  ക്ലാസെടുക്കും. ശുചിത്വമിഷന്റെ ആരോഗ്യ-ശുചിത്വ പ്രദര്‍ശനവുമുണ്ടാകും.
 

        കാഞ്ഞങ്ങാട് ബ്ലോക്ക് പഞ്ചായത്തിലെ അമ്പലത്തുകര ഡിവിഷനില്‍ ഉപതെരഞ്ഞെടുപ്പ്  ഇന്ന് (28) നടക്കും. രാവിലെ ഏഴു മുതല്‍ വൈകീട്ട് അഞ്ച് വരെയാണ് തെരഞ്ഞെടുപ്പ്. ഓമന പി, ശോഭന കെ, സുശീല എന്നിവരാണ് മത്സരരംഗത്തുളളത്. അജാനൂര്‍, മടിക്കൈ പഞ്ചായത്തുകളിലെ 14 ബൂത്തുകളിലാണ് വോട്ടെടുപ്പ്. ഇതില്‍ ഒമ്പത് ബൂത്തുകളില്‍ വീഡിയോഗ്രാഫി സംവിധാനം ഏര്‍പ്പെടുത്തിയിട്ടുണ്ട്. ശക്തമായ സുരക്ഷയാണൊരുക്കിയിരിക്കുന്നത്. ആകെ 10,096 വോട്ടര്‍മാരാണുളളത്. കാസര്‍കോട് ആര്‍ഡിഒ  സി.ബിജുവാണ് വരണാധികാരി.
 

    പി.എന്‍.പണിക്കര്‍ ഫൗണ്ടേഷന്റെയും തദ്ദേശസ്വയംഭരണ വകുപ്പിന്റെയും നേതൃത്വത്തിലുള്ള പതിനാലാമത് എക്കോ ഡിജിറ്റല്‍ ജന്‍ വിജ്ഞാന്‍ യാത്ര ജില്ലാ പര്യടനം തൃക്കരിപ്പൂരില്‍ തുടങ്ങി. തൃക്കരിപ്പൂര്‍ ഗവ.ഹൈസ്‌കൂളില്‍ എ.ഡി.എം: എന്‍. ദേവീദാസ് ഉദ്ഘാടനം ചെയ്തു. തൃക്കരിപ്പൂര്‍ ഗ്രാമപഞ്ചായത്ത് പ്രസിഡന്റ് വി.പി.ഫൗസിയ അധ്യക്ഷയായി. പി.എന്‍.പണിക്കര്‍ ഫൗണ്ടേഷന്‍ സംസ്ഥാന വൈസ് പ്രസിഡന്റ് എന്‍.ബാലഗോപാലന്‍ ജാഥാ പരിപാടി വിശദീകരിച്ചു.