തോട്ടം തൊഴിലാളികള്‍ക്ക് വേതനം നേരിട്ട് നല്‍കുന്നതിന് സര്‍ക്കാര്‍ നടപടിയെടുക്കുമെന്ന് മുഖ്യമന്ത്രി പിണറായി വിജയന്‍ തൊഴിലാളി സംഘടനാ പ്രതിനിധികള്‍ക്ക് ഉറപ്പ് നല്‍കി. 

ഇന്ത്യയിലെ ബോസ്‌നിയന്‍ അംബാസിഡര്‍ സബിത് സുബാസിക് മുഖ്യമന്ത്രി പിണറായി വിജയനെ ഓഫീസില്‍ സന്ദര്‍ശിച്ചു. വിനോദസഞ്ചാര മേഖലയില്‍ ബോസ്‌നിയയുമായി സഹകരിക്കുന്നതിനുളള സാധ്യതകള്‍ ആരായണമെന്ന് അദ്ദേഹം മുഖ്യമന്ത്രിയോട് അഭ്യര്‍ത്ഥിച്ചു. ആരോഗ്യ-വിദ്യാഭ്യാസ മേഖലകളിലും കേരളവുമായി സഹകരിക്കാന്‍ കഴിയും. ആയുര്‍വേദത്തിന്റെ സാധ്യതകള്‍ പ്രയോജനപ്പെടുത്താനും ഇതിലൂടെ അവസരമൊരുങ്ങും. മുഖ്യമന്ത്രി ബോസ്‌നിയ സന്ദര്‍ശിക്കണമെന്നും അദ്ദേഹം ആഗ്രഹം പ്രകടിപ്പിച്ചു. 

കൂടിക്കാഴ്ചയില്‍ മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറി വി.എസ്. സെന്തില്‍, പ്രൈവറ്റ് സെക്രട്ടറി എം.വി. ജയരാജന്‍ എന്നിവര്‍ സന്നിഹിതരായിരുന്നു.  

തമിഴ്‌നാട് സര്‍ക്കാരും കേരള സര്‍ക്കാരും തമ്മില്‍ അന്തര്‍ സംസ്ഥാന ബസ് സര്‍വീസ് സംബന്ധിച്ച കരാര്‍ ഒപ്പിടുന്നതുമായി ബന്ധപ്പെട്ട് തമിഴ്‌നാട്, കേരള ഗതാഗത മന്ത്രിമാരുടേയും ഉദ്യോഗസ്ഥരുടേയും യോഗം ഇന്ന് (ഫെബ്രുവരി 27) രാവിലെ 11.30 ന് തൈയ്ക്കാട് ഗവ: ഗസ്റ്റ് ഹൗസില്‍ ചേരും.

പി.എന്‍.എക്‌സ്.740/18

ജില്ലയില്‍ ഇനി സ്റ്റുഡന്റ്‌സ് കമ്യൂണിറ്റി സര്‍വീസും

സേവനസന്നദ്ധരായ കോളജ് വിദ്യാര്‍ഥികളെ സാമൂഹ്യ ന•യ്ക്കായി പ്രയോജനപ്പെടുത്താന്‍ ജില്ലാ ഭരണകൂടം സ്റ്റുഡന്റ്‌സ് കമ്യൂണിറ്റി സര്‍വീസ് തുടങ്ങുന്നു. സമൂഹത്തിന്റെ വ്യത്യസ്ത മേഖലകളില്‍ കുട്ടികളുടെ പ്രാതിനിധ്യപരമായ ഇടപെടല്‍ ഉറപ്പാക്കി പ്രവര്‍ത്തനങ്ങള്‍ ഏകോപ്പിക്കുകയാണ് ലക്ഷ്യം. പ്രത്യേകം സംഘങ്ങളായി തിരിച്ചാകും കര്‍മമേഖലയിലേക്ക് ഇവരെ നിയോഗിക്കുക. 

സംസ്ഥാന ലഹരി വര്‍ജ്ജന മിഷന്‍ - വിമുക്തി പദ്ധതി ജില്ലാ എക്‌സിക്യൂട്ടീവ് കമ്മിറ്റി യോഗം ജില്ലാ കളക്ടര്‍ ഡോ. ബി.എസ് തിരുമേനിയുടെ അദ്ധ്യക്ഷതയില്‍ ഫെബ്രുവരി 28 വൈകുന്നേരം നാലിന് കളക്ടറുടെ ചേമ്പറില്‍ ചേരും. 

 കുലുക്കല്ലൂര്‍ ഗ്രാമപഞ്ചായത്ത് ഏഴാം വാര്‍ഡ് മപ്പാട്ടുകര വെസ്റ്റില്‍ ഫെബ്രുവരി 28-ന് നടക്കുന്ന ഉപതെരഞ്ഞെടുപ്പിനോടനുബന്ധിച്ച് വാര്‍ഡിലെ വോട്ടര്‍മാരായ സര്‍ക്കാര്‍, അര്‍ധസര്‍ക്കാര്‍, പൊതുമേഖലാ സ്ഥാപനങ്ങള്‍, നിയമാനുസൃത കമ്പനികള്‍, ബോര്‍ഡുകള്‍, കോര്‍പ്പറേഷനുകള്‍ എന്നിവിടങ്ങളിലെ ജീവനക്കാര്‍ക്ക് ഈ വാര്‍ഡിലെ വോട്ടറാണെന്ന് തെളിയിക്കുന്ന രേഖ സഹിതം അപേക്ഷിക്കുന്ന പക്ഷം ബന്ധപ്പെട്ട ഓഫീസ് മേലധികാരികള്‍  സ്വന്തം പോളിങ് സ്റ്റേഷനില്‍ പോയി വോട്ടു ചെയ്തു വരാനുളള അനുമതി നല്‍കണമെന്ന് ജില്ലാ തിരഞ്ഞെടുപ്പ്  ഉദ്യോഗസ്ഥന്‍ കൂടിയായ ജില്ലാ കലക്ടര്‍ അറിയിച്ചു.

.