മാനവികതയില്‍ അധിഷ്ഠിതമായ ഉന്നത കലാമൂല്യമുള്ള സിനിമകള്‍ മലയാളത്തില്‍ സൃഷ്ടിക്കാന്‍ ചലച്ചിത്രപ്രവര്‍ത്തകര്‍ ശ്രദ്ധിക്കണമെന്ന് മുഖ്യമന്ത്രി പിണറായി വിജയന്‍ പറഞ്ഞു. മലയാള സിനിമയുടെ നവതി ആഘോഷങ്ങളുടെ സംസ്ഥാനതല ഉദ്ഘാടനം നിശാഗന്ധിയില്‍ നിര്‍വഹിക്കുകയായിരുന്നു അദ്ദേഹം.  

* സംയോജിത ലഹരിവിരുദ്ധ പദ്ധതി 'ആസ്പിറേഷന്‍സ് 2018'ന് തുടക്കമായി

സമൂഹത്തിലെ ലഹരിവ്യാപനത്തിനെതിരെ കൂട്ടായ ഇടപെടലുണ്ടാകണമെന്ന് മുഖ്യമന്ത്രി പിണറായി വിജയന്‍ അഭിപ്രായപ്പെട്ടു. ആരോഗ്യമുള്ള മനസും ശരീരവും വളര്‍ന്നുവരുന്ന തലമുറയ്ക്ക് ഉണ്ടാകണമെന്ന് ഉറപ്പാക്കാന്‍ സമൂഹത്തിനാകണമെന്നും അദ്ദേഹം പറഞ്ഞു. വിദ്യാഭ്യാസ സ്ഥാപനങ്ങള്‍ ലഹരിമുക്തമാക്കാന്‍ കേരള പോലീസ് നടപ്പാക്കുന്ന സംയോജിത ലഹരി വിരുദ്ധ പദ്ധതി 'ആസ്പിറേഷന്‍സ് 2018' ന്റെ സംസ്ഥാനതല ഉദ്ഘാടനം ജിമ്മിജോര്‍ജ് ഇന്‍ഡോര്‍ സ്‌റ്റേഡിയത്തില്‍ നിര്‍വഹിച്ച് സംസാരിക്കുകയായിരുന്നു അദ്ദേഹം.

സംസ്ഥാന ആര്‍ക്കൈവ്‌സ് വകുപ്പ് ചരിത്രരേഖകളും ചരിത്ര മൂല്യമുളള വസ്തുക്കളും ചരിത്ര ഡോക്യുമെന്ററികളും വാങ്ങുന്നതിന് ചരിത്ര രേഖകള്‍, ചരിത്ര മൂല്യമുളള വസ്തുക്കള്‍, ചരിത്ര ഡോക്യുമെന്ററികള്‍ എന്നിവ കൈവശമുളളവരില്‍ നിന്നും അപേക്ഷ ക്ഷണിച്ചു.  അപേക്ഷ ലഭിക്കേണ്ട അവസാന തീയതി 2018 മാര്‍ച്ച് 10.  അപേക്ഷ അയയ്‌ക്കേണ്ട മേല്‍വിലാസം ഡയറക്ടര്‍, സംസ്ഥാന ആര്‍ക്കൈവ്‌സ് വകുപ്പ്, നളന്ദ, തിരുവനന്തപുരം -3 ഫോണ്‍:8304999478 (ഡയറക്ടര്‍), 0471 2313759.

പി.എന്‍.എക്‌സ്.760/18

അക്ഷയ ഊര്‍ജ സ്രോതസുകളെ പ്രോത്സാഹിപ്പിക്കുന്നതിനും അംഗീകരിക്കുന്നതിനുമായി സംസ്ഥാന സര്‍ക്കാര്‍ ഏര്‍പ്പെടുത്തിയ അക്ഷൗ ഊര്‍ജ അവാര്‍ഡുകള്‍ മുഖ്യമന്ത്രി പിണറായി വിജയന്‍ ഇന്ന് (ഫെബ്രുവരി 28) വൈകിട്ട് നാലിന് കനകക്കുന്നില്‍ നടക്കുന്ന ചടങ്ങില്‍ വിതരണം ചെയ്യും.  വൈദ്യുതി മന്ത്രി എം.എം. മണി അധ്യക്ഷത വഹിക്കും.  കെ.മുരളീധരന്‍ എം.എല്‍.എ മുഖ്യപ്രഭാഷണം നടത്തും.  ശശിതരൂര്‍ എം.പി മുഖ്യാതിഥിയാകും.  മേയര്‍ വി.കെ. പ്രശാന്ത് ചടങ്ങില്‍ സംബന്ധിക്കും.

പി.എന്‍.എക്‌സ്.758/18

കോഴിക്കോട് ഫോറസ്റ്റ് ട്രിബ്യൂണല്‍ മാര്‍ച്ച് രണ്ട്, മൂന്ന് തീയതികളില്‍ പാലക്കാട് ക്യാമ്പ് സിറ്റിംഗ് നടത്തും.  

പി.എന്‍.എക്‌സ്.757/18