തിരുവനന്തപുരം എന്‍ജിനീയറിംഗ് കോളേജിലെ സ്‌കൂള്‍ ഓഫ് മാനേജ്‌മെന്റിന്റെ വിവിധ കോഴ്‌സുകളിലേക്ക് അപേക്ഷ ക്ഷണിച്ചു.

എം.ബി.എ (ഫുള്‍ടൈം), എം.ബി.എ (ഈവനിംഗ്) കോഴ്‌സുകളിലേക്കാണ് അപേക്ഷ ക്ഷണിച്ചത്.  അവസാന തീയതി ഏപ്രില്‍ 27.  വിശദവിവരങ്ങള്‍ക്ക് 0471 2792727.  വെബ്‌സൈറ്റ് www.mba.cet.ac.in

പി.എന്‍.എക്‌സ്.743/18

പെണ്‍കുട്ടികള്‍ക്ക് തുല്യ നീതിയും അധികാരവും നിഷേധിക്കപ്പെടുന്നത് ജനാധിപത്യവിരുദ്ധവും ഭരണഘടനാവിരുദ്ധവുമാണെന്ന് ഗവര്‍ണര്‍ പി. സദാശിവം പറഞ്ഞു. ബേട്ടി ബചാവോ ബേട്ടി പഠാവോ പരിപാടിയുടെ ഭാഗമായി ഹിമാചല്‍ സര്‍ക്കാരിന്റെയും കേരള സര്‍ക്കാരിന്റയും ആഭിമുഖ്യത്തില്‍ രാജ്ഭവനില്‍ നടന്ന സാംസ്‌കാരിക പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

കേരള-തമിഴ്‌നാട് അന്തര്‍ സംസ്ഥാന ബസ് സര്‍വീസ് സംബന്ധിച്ച കരാര്‍ കേരള ഗതാഗതമന്ത്രി എ.കെ. ശശീന്ദ്രന്റെയും തമിഴ്‌നാട് ഗതാഗതമന്ത്രി എം.ആര്‍. വിജയഭാസ്‌കറിന്റെയും സാന്നിധ്യത്തില്‍ ഒപ്പുവെച്ചു. 

ഇതുപ്രകാരം 49 റൂട്ടുകളിലായി 89 പുതിയ സര്‍വീസുകള്‍ ആരംഭിക്കാന്‍ കഴിയുമെന്ന് ഗതാഗതമന്ത്രി എ.കെ. ശശീന്ദ്രന്‍ അറിയിച്ചു.

സി ഡിറ്റില്‍ മാറ്റ്‌ലാബ് ട്രെയിനറുടെ ഒഴിവുണ്ട്.  സൈബര്‍ശ്രീ പ്രൊജക്ടില്‍ നിന്ന്് പരിശീലനം നേടിയവരോ മാറ്റ്‌ലാബില്‍ മറ്റ് പ്രവൃത്തി പരിചയമുള്ളവരോ ആയ പട്ടികജാതി വിഭാഗത്തില്‍പ്പെടുന്നവര്‍ക്ക് അപേക്ഷിക്കാം.  മാര്‍ച്ച് 3 ന് മുമ്പ് സൈബര്‍ശ്രീ സെന്റര്‍, സി ഡിറ്റ്, പൂര്‍ണ്ണിമ, ടി സി.81/2964, തൈക്കാട് പി ഒ, തിരുവനന്തപുരം 695 014 എന്ന വിലാസത്തില്‍ അപേക്ഷിക്കണം.  ഫോണ്‍: 0471 2323949, ഇ മെയില്‍: cybersricdit@gmail.com.
പി എന്‍ സി/500/2018
 

ഇരിട്ടി താലൂക്ക് വികസന സമിതി യോഗം മാര്‍ച്ച് 3 ന് രാവിലെ 10.30 ന് ഇരിട്ടി ബ്ലോക്ക് ഓഫീസ് ഹാളില്‍ ചേരും.
പി എന്‍ സി/500/2018
 

2018-19 വാര്‍ഷിക പദ്ധതിയില്‍ ജില്ലയുടെ മൊത്തത്തിലുള്ള വികസനം മുന്നില്‍ക്കണ്ടുള്ള സംയോജിത പദ്ധതികള്‍ക്ക് ഊന്നല്‍ നല്‍കണമെന്ന് ജില്ലാ ആസൂത്രണ സമിതി യോഗം തദ്ദേശ സ്ഥാപനങ്ങള്‍ക്ക് നിര്‍ദേശം നല്‍കി. ജില്ലയുടെ ദീര്‍ഘകാല-സമഗ്ര വികസനം ലക്ഷ്യമിട്ട് തയ്യാറാക്കിയ ജില്ലാ പദ്ധതിയുടെ അടിസ്ഥാനത്തില്‍ തയ്യാറാക്കിയതാണ് സംയോജിത പദ്ധതികളെന്ന് യോഗത്തില്‍ അധ്യക്ഷത വഹിച്ച ഡി.പി.സി ചെയര്‍മാന്‍ കൂടിയായ ജില്ലാ പഞ്ചായത്ത് പ്രസിഡന്റ് കെ.വി സുമേഷ് പറഞ്ഞു.

റൂസ-കേരള സംസ്ഥാന പ്രൊജക്ട് ഡയറക്ടറേറ്റിന്റെ നേതൃത്വത്തില്‍ ആരംഭിക്കുന്ന ശാസ്ത്രയാന്‍ പ്രദര്‍ശനം പള്ളിക്കുന്ന് കൃഷ്ണമേനോന്‍ സ്മാരക ഗവ. വനിതാ കോളജില്‍ ഫെബ്രുവരി 28, മാര്‍ച്ച് ഒന്ന് തീയതികളില്‍ സംഘടിപ്പിക്കുന്നു.

കാസര്‍ഗോഡ് കേന്ദ്ര തെങ്ങ് ഗവേഷണ കേന്ദ്രത്തിന്റെയും മുഴപ്പിലങ്ങാട് കൃഷിഭവന്റെയും ആഭിമുഖ്യത്തില്‍ നാളെ (ഫെബ്രു. 28) രാവിലെ പത്തിന് മുഴപ്പിലങ്ങാട് ഗ്രാമ പഞ്ചായത്ത് കമ്മ്യൂണിറ്റി ഹാളില്‍ തെങ്ങിന്റെ കീടരോഗ നിയന്ത്രണങ്ങളെക്കുറിച്ച് ഏകദിനസെമിനാര്‍ നടത്തുന്നു. ഗ്രാമ പഞ്ചായത്ത് പ്രസിഡന്റ് എം.പി ഹാബിസ് അധ്യക്ഷത വഹിക്കും. ഡോ. പി.എസ് പ്രതിഭ, പി. രവീന്ദ്രന്‍, ജെമി വിജയന്‍ എന്നിവര്‍ ക്ലാസെടുക്കും.