ജൈവ വൈവിധ്യ ചട്ടങ്ങള്‍ അനുശാസിക്കും പ്രകാരം ജൈവ വിഭവങ്ങള്‍ വാണിജ്യ തോതില്‍ ശേഖരിക്കുന്ന സംരംഭകര്‍ കേരള സംസ്ഥാന ജൈവവൈവിധ്യ ബോര്‍ഡുമായി ഉടനെ ബന്ധപ്പെടണമെന്നു മെമ്പര്‍ സെക്രട്ടറി അറിയിച്ചു.

കര്‍ഷക തൊഴിലാളികള്‍ക്കുള്ള 2011 ജനുവരി, ഫെബ്രുവരി, മാര്‍ച്ച് മാസങ്ങളിലെ    അതിവര്‍ഷാനുകൂല്യം  മാര്‍ച്ച് 10 വരെ   പ്ലാമൂടുള്ള  കേരള കര്‍ഷകത്തൊഴിലാളി ക്ഷേമനിധി ബോര്‍ഡിന്റെ ഡിവിഷണല്‍ ഓഫീസില്‍ നിന്ന് വിതരണം ചെയ്യും. ആധാര്‍ കാര്‍ഡ്, റേഷന്‍ കാര്‍ഡ്, ഇലക്ഷന്‍ തിരിച്ചറിയല്‍ കാര്‍ഡ്, ബാങ്ക് പാസ്സ് ബുക്ക് എന്നിവയുടെ അസ്സലും രണ്ട് കോപ്പിയും കൊണ്ടു വരണം. പേര്, മേല്‍വിലാസം എന്നിവയില്‍ വ്യത്യാസം ഉണ്ടെങ്കില്‍ വില്ലേജ് ഓഫീസറുടെ സര്‍ട്ടിഫിക്കറ്റ് ഹാജരാക്കണം. ഫോണ്‍ - 0471 - 2729175

പി.എന്‍.എക്‌സ്.753/18

എക്കണോമിക്‌സ് ആന്റ് സ്റ്റാറ്റിസ്റ്റിക്‌സ് വകുപ്പ് 2017 ഡിസംബര്‍ മാസത്തെ വിലനിലവാര സൂചിക പ്രസിദ്ധീകരിച്ചു. ജില്ല, സൂചിക ക്രമത്തില്‍. 2017 നവംബര്‍ മാസത്തിലേത് ബ്രാക്കറ്റില്‍.

തിരുവനന്തപുരം 154 (153), കൊല്ലം 150 (151), പുനലൂര്‍ 151 (151), പത്തനംതിട്ട 161 (161), ആലപ്പുഴ 158 (157), കോട്ടയം 157 (157), മുണ്ടക്കയം 148(148), ഇടുക്കി 152 (153), എറണാകുളം 151 (151), ചാലക്കുടി 156 (156), തൃശൂര്‍ 153 (153), പാലക്കാട് 145 (145), മലപ്പുറം 151 (150), കോഴിക്കോട് 156 (156), വയനാട് 153 (154), കണ്ണൂര്‍ 158(157), കാസര്‍ഗോഡ് 158 (157)

പി.എന്‍.എക്‌സ്.751/18

കാലിക്കറ്റ് സര്‍വകലാശാലയിലെ മലയാളം കേരളപഠനം വകുപ്പിലെ പ്രൊഫസര്‍ ഡോ. വി അനില്‍കുമാറിനെ മലയാളം സര്‍വകലാശാല വൈസ് ചാന്‍സലറായി നിയമിച്ച് ചാന്‍സലര്‍ കൂടിയായ ഗവര്‍ണര്‍ ഉത്തരവായി.

പി.എന്‍.എക്‌സ്.750/18

മുന്നാക്ക വിഭാഗങ്ങളിലെ സാമ്പത്തികമായി പിന്നാക്കം നില്‍ക്കുന്ന വിഭാഗങ്ങള്‍ക്കായുള്ള സംസ്ഥാന കമ്മീഷന്‍ പരാതികളും അഭിപ്രായങ്ങളും ക്ഷണിച്ചു.

കേരള സംസ്ഥാന മുന്നാക്ക സമുദായ ക്ഷേമ കോര്‍പ്പറേഷന്റെ നേതൃത്വത്തില്‍ മുന്നാക്ക സമുദായങ്ങളിലെ സാമ്പത്തികമായി പിന്നാക്കം നില്‍ക്കുന്ന വിദ്യാര്‍ത്ഥികള്‍ക്ക് കോച്ചിംഗ് സഹായത്തിന് പദ്ധതികള്‍ ആവിഷ്‌കരിക്കാന്‍ ഒരു കോടി രൂപ അനുവദിച്ച് ഉത്തരവായി.

പി.എന്‍.എക്‌സ്.748/18

കുടപ്പനക്കുന്ന് മൃഗസംരക്ഷണ പരിശീലന കേന്ദ്രത്തിലും, ചെങ്ങന്നൂര്‍ സെന്‍ട്രല്‍ ഹാച്ചറിയിലും  നടത്തുന്ന അഞ്ചു മാസത്തെ ചിക്ക് സെക്‌സിംഗ് ആന്റ് ഹാച്ചറി മാനേജ്‌മെന്റ് പരിശീലനത്തിന് അപേക്ഷ ക്ഷണിച്ചു.  അപേക്ഷകര്‍ 2018 ജനുവരി ഒന്നിന് 25 വയസ് കവിയാത്തവരും, എസ്.എസ്.എല്‍.സി പാസായവരും, കൈവിരലുകള്‍ക്ക് അംഗവൈകല്യം ഇല്ലാത്തവരും, കണ്ണട ഉപയോഗിക്കാതെ നല്ല കാഴ്ച ശക്തി ഉള്ളവരും ആയിരിക്കണം.  മാര്‍ച്ച് 20 നകം അപേക്ഷ ലഭിക്കണം.  അപേക്ഷാ ഫോറത്തിന്റെ മാതൃകയും വിശദ വിവരങ്ങളും മൃഗസംരക്ഷണ പരിശീലന കേന്ദ്രത്തിലും ചെങ്ങന്നൂര്‍ സെന്‍ട്രല്‍ ഹാച്ചറിയിലും ലഭിക്കും.  ഫോണ്‍ : 0471 2732918.

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി സ്‌കൂളുകളില്‍ രൂപീകരിക്കുന്ന 'ലിറ്റില്‍ കൈറ്റ്‌സ് ' ഐടി ക്ലബുകള്‍ 1955 സ്‌കൂളുകളില്‍ തുടങ്ങാന്‍ കേരളാ ഇന്‍ഫ്രാസ്ട്രക്ചര്‍ ആന്റ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) അംഗീകാരം നല്‍കി. ഏറ്റവും കൂടുതല്‍ ക്ലബുകള്‍ എറണാകുളം ജില്ലയില്‍ (187 എണ്ണം) ആണ്. തിരുവനന്തപുരവും (183), കൊല്ലവും (173), മലപ്പുറവും (168) ആണ് കൂടുതല്‍ ക്ലബുകള്‍ ലഭിച്ച മറ്റു ജില്ലകള്‍. സ്‌കൂളുകളുടെ പട്ടിക www.kite.kerala.gov.in ല്‍ പ്രസിദ്ധീകരിച്ചിട്ടുണ്ട്.