സപ്ലൈകോ മുഖേന ഈവര്‍ഷത്തെ നെല്ല് സംഭരണ നടപടികള്‍ ആരംഭിച്ചു. രജിസ്ട്രേഷനുള്ള അവസാന തീയതി ഈമാസം 25 ആണ്. എല്ലാ നെല്‍കര്‍ഷകരും ംംം.ൗുുഹ്യെരീ.ശി എന്ന വെബ്സൈറ്റില്‍ വിശദാംശങ്ങള്‍ രജിസ്റ്റര്‍ ചെയ്യണം. ഒരു കര്‍ഷകന് പരമാവധി രണ്ട് ഹെക്ടറും പാടശേഖരങ്ങള്‍ക്ക് 25 ഏക്കര്‍ വരെയും രജിസ്റ്റര്‍ ചെയ്യാം. നിര്‍ദിഷ്ട ഗുണമേډ ഉറപ്പുവരുത്തി സംഭരിക്കുന്ന നെല്ലിന്‍റെ വില സ്റ്റേറ്റ് ബാങ്ക് ഓഫ് ഇന്ത്യ, ഫെഡറല്‍ബാങ്ക്, കാനറ ബാങ്ക്, ബാങ്ക് ഓഫ് ഇന്ത്യ, വിജയബാങ്ക് എന്നീ സ്ഥാപനങ്ങള്‍ മുഖേന കര്‍ഷകര്‍ക്ക് ലഭ്യമാക്കും.                                     (പിഎന്‍പി 3391/17)
 

    ഭിന്നശേഷിയുള്ളവരുടെ സര്‍ഗവാസനകള്‍ പരിപോഷിപ്പിക്കാന്‍ കഴിയണമെന്ന് ജില്ലാ കളക്ടര്‍ ആര്‍. ഗിരിജ പറഞ്ഞു. ഭിന്നശേഷിക്കാര്‍ക്കായി കുടുംബശ്രീയുടെ ആഭിമുഖ്യത്തില്‍ നടത്തിയ ഉണര്‍വ് 2017 ബഡ്സ് കലാമേളയുടെ ഉദ്ഘാടനം പത്തനംതിട്ടയില്‍ നിര്‍വഹിച്ച് പ്രസംഗിക്കുകയായിരുന്നു കളക്ടര്‍.  അമ്മമാര്‍ക്കും കുടുംബങ്ങള്‍ക്കും കുടുംബശ്രീ നല്‍കുന്ന വലിയ ആശ്വാസമാണ് ബഡ്സ് സ്കൂളുകള്‍. പ്രത്യേക പരിഗണ അര്‍ഹിക്കുന്ന ഭിന്നശേഷിക്കാരായ കുട്ടികളിലെ കലാവാസനകള്‍ കണ്ടെത്തി അവരെ സമൂഹത്തിന്‍റെ മുഖ്യധാരയില്‍ എത്തിക്കുന്നതിന് കുടുംബശ്രീ ബഡ്സ് സ്കൂളുകളുടെ പ്രവര്‍ത്തനം ഏറെ സഹായിക്കുന്നുണ്ടെന്നും കളക്ടര്‍ പറഞ്ഞു. 

 സുരക്ഷിതവും സൗഹൃദപരവുമായ സമൂഹം സൃഷ്ടിക്കുന്നതിനായി  പ്രദേശിക ഇടപെടല്‍ സാധ്യമാക്കുക എന്ന ലക്ഷ്യത്തോടെ കുടുംബശ്രീ അരക്ഷിത പഞ്ചായത്തുകളെ കണ്ടെത്തുന്നതിന് പഠനം നടത്തുന്നു. തദ്ദേശ ഭരണ സ്ഥാപനങ്ങളുടേയും കുടുംബശ്രീയുടേയും സംയുക്ത ആഭിമുഖ്യത്തിലാണ് പഠനം നടത്തുന്നത്.  അയല്‍സഭകളിലൂടെയും അയല്‍ക്കൂട്ടങ്ങളിലൂടെയുമാണ് പ്രാഥിക വിവരശേഖരണം നടത്തുന്നത്. തൊഴില്‍, ആരോഗ്യം, വിദ്യാഭ്യാസം, സ്ത്രീകളുടേയും കുട്ടികളുടേയും  പ്രശ്നങ്ങള്‍  എന്നിവയെപ്പറ്റി വിശദമായ പഠനം നടത്തി തുടര്‍ പ്രവര്‍ത്തനങ്ങള്‍ ആവിഷ്കരിക്കും.

കളക്ടറേറ്റ് ജീവനക്കാര്‍ ഊര്‍ജസംരക്ഷണ പ്രതിജ്ഞയെടുത്തു. ഊര്‍ജ സംരക്ഷണ മാസമായി ആചരിച്ചു വരുതിന്‍റെ ഭാഗമായി കളക്ടറേറ്റ് കോണ്‍ഫറന്‍സ് ഹാളില്‍ നടന്ന ചടങ്ങില്‍ ഡെപ്യുട്ടി കളക്ടര്‍ പി.ടി. ഏബ്രഹാം പ്രതിജ്ഞ ചൊല്ലിക്കൊടുത്തു. ജീവനക്കാര്‍ പ്രതിജ്ഞ ഏറ്റു ചൊല്ലി.                                 (പിഎന്‍പി 3387/17)

ജില്ലാ ഖൊ-ഖൊ അസോസിയേഷന്‍ പ്രസിഡന്‍റായി ബെന്നി പുത്തന്‍ പറമ്പിലിനേയും സെക്രട്ടറിയായി സി.ബി.ബിനോജ് കുമാറിനെയും ട്രഷററായി ബി. അനില്‍കുമാറിനെയും തിരഞ്ഞെടുത്തു. 
    ജില്ലാ ഖൊ-ഖൊ അസോസിയേഷന്‍ ജനറല്‍ ബോഡി യോഗം ജില്ലാ സ്പോര്‍ട്സ് കൗണ്‍സില്‍ പ്രസിഡന്‍റ് കെ. അനില്‍കുമാര്‍ ഉദ്ഘാടനം ചെയ്തു. സംസ്ഥാന വൈസ് പ്രസിഡന്‍റ് വി.ജി. രാമചന്ദ്രന്‍ നായര്‍ അധ്യക്ഷത വഹിച്ചു. ജോര്‍ജ് ബിനു രാജ്, മാത്യു റ്റി. ജോര്‍ജ്, ചെറിയാന്‍ ജോസഫ്, ബി. അനില്‍ കുമാര്‍ എന്നിവര്‍ പ്രസംഗിച്ചു. 
(പിഎന്‍പി 3386/17)

ജില്ലാ ഐസിഎആര്‍-കൃഷി വിജ്ഞാന കേന്ദ്രത്തില്‍ ഈമാസം 18 മുതല്‍ 20 വരെ രാവിലെ 10 മുതല്‍ തേനീച്ച വളര്‍ത്തലില്‍ പരിശീലനം നല്‍കും. പങ്കെടുക്കാന്‍ താല്‍പര്യമുള്ളവര്‍ 0469-2662094( എക്സ്റ്റന്‍ഷന്‍ 213) എന്ന നമ്പരില്‍ രജിസ്റ്റര്‍ ചെയ്യണം. 
(പിഎന്‍പി 3385/17)

ജില്ലാമെഡിക്കല്‍ ഓഫീസുമായി(ആരോഗ്യം) സഹകരിച്ച് ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്‍റെ ആഭിമുഖ്യത്തില്‍ തുമ്പമണ്‍ പഞ്ചായത്തിലെ മുട്ടം വൈഎംസിഎ ഹാളില്‍ ഇന്ന്(16) രാവിലെ 10ന് ആരോഗ്യബോധവത്കരണ സെമിനാറും പ്രദര്‍ശനവും നടത്തും. 
(പിഎന്‍പി 3381/17)
 

ജില്ലാ കളക്ടറുടെ പരാതി പരിഹാര അദാലത്ത് ഇന്ന്(16) രാവിലെ 9.30ന് തിരുവല്ല ഡിടിപിസി സത്രം ഓഡിറ്റോറിയത്തില്‍ നടക്കും. സിഎംഡിആര്‍എഫ്, എല്‍ആര്‍എം കേസുകള്‍, റേഷന്‍ കാര്‍ഡ് സംബന്ധിച്ച പരാതികള്‍, സ്റ്റാറ്റ്യൂട്ടറിയായി ലഭിക്കേണ്ട പരിഹാരം എന്നിവ ഒഴിച്ചുള്ള എല്ലാ വിഷയങ്ങളും അദാലത്തില്‍ പരിഗണിക്കും. പൊതുജനങ്ങള്‍ക്ക് നേരിട്ട് കളക്ടറെ കണ്ട് പരാതി നല്‍കാം.  ഗ്രീന്‍പ്രോട്ടോക്കോള്‍ പാലിച്ചായിരിക്കും അദാലത്ത് നടത്തുക. അദാലത്തില്‍  ജില്ലാ കളക്ടര്‍ക്കൊപ്പം ജില്ലാതല ഉദ്യോഗസ്ഥരും താലൂക്ക്തല ഉദ്യോഗസ്ഥരും പങ്കെടുക്കും.                                 (പിഎന്‍പി 3380/17)