കൊച്ചി:  പറവൂര്‍ ബ്ലോക്ക് പഞ്ചായത്ത് കേരളോത്സവം 2017 ജില്ലാ മത്സരങ്ങളില്‍ പങ്കെടുക്കുന്ന കായിക മത്സരാര്‍ഥികള്‍ക്ക് ജേഴ്‌സി വിതരണ ഉദ്ഘാടനം പറവൂര്‍ ബ്ലോക്ക് പഞ്ചായത്ത് പ്രസിഡന്റ് അഡ്വ:യേശുദാസ് പറപ്പിളളി ഉദ്ഘാടനം നിര്‍വഹിച്ചു. ബ്ലോക്ക് പഞ്ചായത്ത് സെക്രട്ടറി സി.ജി.കമലാകാന്ത പൈ, കെ.സി.രാജീവ്, ഗീത സന്തോഷ്, പി.പി.ഷൈജ ടീച്ചര്‍, ഹരി കണ്ടംമുറി, ടൈറ്റസ് ഗോതുരുത്ത്, എം.പി.ലതി, സീത ലക്ഷ്മി അനില്‍കുമാര്‍, സൈബ സജീവ്, പി.ആര്‍.സജന്‍ എന്നിവര്‍ പങ്കെടുത്തു.

കൊച്ചി:  കേരള കളളു വ്യവസായ തൊഴിലാളി ക്ഷേമനിധി ബോര്‍ഡ് എറണാകുളം ജില്ലാ ഓഫീസിലെ നിലവിലുളള തൊഴിലാളി പെന്‍ഷണര്‍മാര്‍ക്ക്  2018 വര്‍ഷത്തെ തൊഴിലാളി പെന്‍ഷന്‍ തുടര്‍ന്ന് ലഭിക്കുന്നതിനായി ലൈഫ് സര്‍ട്ടിഫിക്കറ്റ് നവംബര്‍ 30 നകം ഹാജരാക്കാത്തവര്‍ക്ക് തുടര്‍ന്നുളള പെന്‍ഷന്‍ ലഭിക്കുന്നതല്ലെന്ന് വെല്‍ഫെയര്‍ ഫണ്ട് ഇന്‍സ്‌പെക്ടര്‍ അറിയിച്ചു.

കൊച്ചി:  പച്ചാളം ജംഗ്ഷനില്‍ ഗുരുതരമായി തുടര്‍ന്നു വന്നിരുന്ന ഗതാഗത കുരുക്കിന് പരിഹാരമായി കൊച്ചി സിറ്റി ട്രാഫിക് പോലീസ് കഴിഞ്ഞ ഏതാനും മാസങ്ങളായി പരീക്ഷണ അടിസ്ഥാനത്തില്‍ ഏര്‍പ്പെടുത്തിയിരുന്ന വണ്‍വേ ട്രാഫിക് സമ്പ്രദായം വിജയപ്രദമാണെന്ന് കാണുന്നതിനാല്‍ സിറ്റി ട്രാഫിക് പോലീസ് നല്‍കിയ പ്രൊപ്പോസല്‍ ജില്ലാ കളക്ടര്‍ ചെയര്‍മാനായ എറണാകുളം റീജിയണല്‍ ട്രാന്‍സ്‌പോര്‍ട്ട് അതോറിറ്റി അംഗീകരിച്ച് സ്ഥിരപ്പെടുത്തി.

കൊച്ചി: കേരളത്തിലെ തൊഴിലാളികള്‍ക്ക് ലഭിക്കുന്ന എല്ലാ പരിരക്ഷയും ഇതര സംസ്ഥാന തൊഴിലാളികള്‍ക്കും ഉറപ്പാക്കുമെന്ന് തൊഴിലും നൈപുണ്യവും വകുപ്പ് മന്ത്രി ടി പി രാമകൃഷ്ണന്‍ പറഞ്ഞു. കേരളത്തില്‍ ജോലി ചെയ്യുന്ന ഇതരസംസ്ഥാന തൊഴിലാളികളുടെ ആരോഗ്യവും സുരക്ഷിതത്വവും ഉറപ്പു വരുത്തുന്ന ആവാസ് പദ്ധതിയുടെ ജില്ലാതല ഉദ്ഘാടനം പെരുമ്പാവൂര്‍ വെങ്ങോല കമ്യൂണിറ്റി ഹാളില്‍ നിര്‍വഹിക്കുകയായിരുന്നു അദ്ദേഹം. 

കൊച്ചി: സംസ്ഥാനത്ത് എല്ലാവര്‍ക്കും വീട് എന്ന സ്വപ്നം യാഥാര്‍ത്ഥ്യമാക്കുമെന്ന് തൊഴിലും നൈപുണ്യവും വകുപ്പ് മന്ത്രി ടി പി രാമകൃഷ്ണന്‍ പറഞ്ഞു.  പാവപ്പെട്ട നഗര തൊഴിലാളികള്‍ക്കും താഴ്ന്ന വരുമാനമുള്ള തൊഴിലാളികള്‍ക്കും അപ്പാര്‍ട്ട്‌മെന്റ് നല്‍കാനുള്ള ജനനി പദ്ധതിയുടെ പോഞ്ഞാശേരി സ്‌കീം ശിലാസ്ഥാപനം നിര്‍വഹിക്കുകയായിരുന്നു  അദ്ദേഹം. തൊഴില്‍ വകുപ്പിന്റെ കീഴിലുള്ള പൊതുമേഖലാ സ്ഥാപനമായ ഭവനം ഫൗണ്ടേഷന്‍ കേരളയുടെ നേതൃത്വത്തിലാണ് പദ്ധതി നടപ്പാക്കുന്നത്.

സംസ്ഥാനത്തെ സ്വീപ്പിംഗ് ആന്‍ഡ് ക്ലീനിംഗ് മേഖലയിലെ തൊഴിലാളികളുടെ മിനിമം വേതനം പുതുക്കി നിശ്ചയിക്കുന്നതിനുള്ള ഉപസമിതിയുടെ തെളിവെടുപ്പ് യോഗം ഇന്ന്(21) രാവിലെ 10.30-ന് കോഴിക്കോട് ഗാന്ധി റോഡിലെ ജില്ലാ വ്യവസായ കേന്ദ്രത്തിന് സമീപമുള്ള കെഎസ്‌ഐഎയുടെ ഗോള്‍ഡന്‍ ജൂബിലി ഹാളില്‍ നടത്തും. കാസര്‍കോട്, കണ്ണൂര്‍, കോഴിക്കോട്, മലപ്പുറം, വയനാട്, ജില്ലകളില്‍ നിന്നുള്ള ബന്ധപ്പെട്ട തൊഴിലാളി/തൊഴിലുടമാ പ്രതിനിധികള്‍ ഉള്‍പ്പെടെയുള്ളവര്‍ പങ്കെടുക്കണമെന്ന് സമിതി സെക്രട്ടറി അറിയിച്ചു.

കേരള കൈത്തറി ഉല്പങ്ങളുടെ പ്രചരണാര്‍ത്ഥം കൈത്തറി & ടെക്സ്റ്റയില്‍സ് ഡയറക്ടറേറ്റും, ജില്ലാ വ്യവസായകേന്ദ്രം കാസര്‍കോടും ചേര്‍ന്ന് ജില്ലയിലെ എല്‍.പി, യു.പി, ഹൈസ്‌ക്കൂള്‍ വിദ്യാര്‍ത്ഥികള്‍ക്കായി ജില്ലാതല ചിത്രരചനാ മത്സരം നടത്തും.   കാഞ്ഞങ്ങാട് മഹാകവി പി. സ്മാരക ഹാളില്‍ ഈ മാസം 25ന് രാവിലെ 10 ന് നടത്തുന്ന മത്സരത്തില്‍ പ്രവേശനം സൗജന്യമാണ്. മത്സരവിജയികള്‍ക്ക് ക്യാഷ്‌പ്രൈസും, സര്‍ട്ടിഫിക്കറ്റും നല്‍കും.