നെല്‍ കൃഷി നടത്താതെ നെല്‍ വയലുകള്‍ തരിശിടുന്ന പ്രവണത ഗുരുതരമായ പരിസ്ഥിതി പ്രശ്‌നങ്ങള്‍ സൃഷ്ടിക്കുമെന്ന് ജില്ലാ പഞ്ചായത്ത് പ്രസിഡണ്ട് എ.പി ഉണ്ണികൃഷ്ണന്‍ പ്രസ്താവിച്ചു. വേനലാവുന്നതോടെ രൂക്ഷമായ വരള്‍ച്ചയേ നേരിടേണ്ടി വരുന്നത് നെല്‍പാടങ്ങള്‍ കൃഷി ചെയ്യാതെ തരിശിടുന്നത് കൊണ്ടും നെല്‍ വയല്‍ തരം മാറ്റുന്നത് കൊണ്ടുമാണ്. സാമ്പത്തിക നഷ്ടത്തിന്റെ കണക്ക് പറഞ്ഞ് നെല്‍കൃഷി ഉപേക്ഷിച്ച് പോവുന്ന പ്രവണതക്ക് പരിഹാരമായാണ് നെല്‍ കൃഷിക്ക് കൂലി ചിലവിന്റെ സബ്‌സിഡി നല്‍കുവാന്‍ ജില്ലാ പഞ്ചായത്ത് തീരുമാനിച്ചതെന്ന് അദ്ദേഹം പറഞ്ഞു.

    പെരിന്തല്‍മണ്ണ സബ് രജിസ്ട്രാര്‍ ഓഫീസ് പരിധിയിലെ കൈപ്പട ലൈസന്‍സിയായ ശ്രീഹരി. ടി.ആര്‍ എന്നവരുടെ കൈപ്പട ലൈസന്‍സ് മൂന്ന് മാസത്തേക്ക് റദ്ദ് ചെയ്തതായി ജില്ലാ റജിസ്ട്രാര്‍ (ജനറല്‍) അറിയിച്ചു.

    വിദേശത്ത് തൊഴില്‍ തേടുന്നവര്‍ക്കായി നോര്‍ക്ക റൂട്ട്‌സ് നടത്തുന്ന തൊഴില്‍    വൈദഗ്ധ്യ പരിശീലനത്തിന് അപേക്ഷ ക്ഷണിച്ചു.
    ടോട്ടല്‍ സ്റ്റേഷന്‍ , ആട്ടോകാഡ് 2ഉ & 3ഉ, വെല്‍ഡര്‍ ഗ്യാസ് & ഇലക്ട്രിക്ക്,            ടിഗ് & മിഗ് വെല്‍ഡിംഗ്, ആട്ടോ മൊബൈല്‍ ടെക്‌നീഷ്യന്‍, പ്ലംബിംഗ് & സാനിറ്റേഷന്‍, ഷട്ടര്‍  കാര്‍പെന്റര്‍  ട്രേഡുകളിലാണ് പരിശീലനം. പരിശീലനത്തിന്റെ കാലാവധി  മൂന്ന് മാസമാണ്.  അപേക്ഷകര്‍ക്ക് ബന്ധപ്പെട്ട ട്രേഡില്‍ ഐ ടി ഐ യോഗ്യതയോ          അല്ലെങ്കില്‍ രണ്ടു വര്‍ഷത്തെ പ്രവത്തി പരിചയമോ ഉണ്ടായിരിക്കണം.

    കാലാവസ്ഥാ വ്യതിയാനവുമായി ബന്ധപ്പെട്ട് കടല്‍ രക്ഷാപ്രവത്തനങ്ങള്‍ക്കായി  24 മണിക്കൂറും  പ്രവര്‍ത്തന സജ്ജമായ കണ്‍ട്രോള്‍ റൂം ഫിഷറീസ് ഡെപ്യൂട്ടി ഡയറക്ടര്‍ ഓഫീസ്  പൊന്നാനി  കേന്ദ്രീകരിച്ച് തുറന്ന് പ്രവര്‍ത്തനം ആരംഭിച്ചു.  രക്ഷാപ്രവര്‍ത്തനങ്ങള്‍ക്ക് സജ്ജമായ പട്രോള്‍ ബോട്ടിന്റെയും ജീവനക്കാരുടെയും സേവനം ലഭിക്കുന്നതിന് 0494-2666428, 9496007031 നമ്പറുകളില്‍ വിളിക്കാവുന്നതാണ്.

ജില്ലയിലെ ഹൈസ്‌ക്കൂള്‍, ഹയര്‍ സെക്കണ്ടറി സ്‌ക്കൂള്‍ വിദ്യാര്‍ത്ഥികള്‍ക്ക് തെരഞ്ഞെടുപ്പുമായി ബന്ധപ്പെട്ട വിഷയത്തില്‍ തെരഞ്ഞെടുപ്പ് വിഭാഗം ജില്ലാ തല ക്വിസ് മത്സരം നടത്തുന്നു. ഡിസംബര്‍ നാലിന് മലപ്പുറം ഗവ. ഗേള്‍സ് ഹയര്‍ സെക്കണ്ടറി സ്‌കൂളില്‍  വൈകുന്നേരം മൂന്നിനാണ് മത്സരം.  
സ്‌കൂളുകളില്‍ നിന്ന് പ്രാഥമിക റൗണ്ടില്‍ തെരഞ്ഞെടുത്ത രണ്ടു വിദ്യാര്‍ത്ഥികള്‍ ഉള്‍പ്പെടുന്ന 120 സ്‌ക്കൂളുകളില്‍ നിന്നുള്ള ടീമുകള്‍പങ്കെടുക്കും.

ജില്ലാ എംപ്ലോയ്‌മെന്റ് എക്‌സചേഞ്ചിലെ സ്വയംതൊഴില്‍ വിഭാഗത്തിന്റെയും കാലിക്കറ്റ് സര്‍വ്വകലാശാല എംപ്ലോയ്‌മെന്റ് ഇന്‍ഫര്‍മേഷന്‍ ആന്‍ഡ് ഗൈഡന്‍സ് ബ്യൂറോയുടേയും സംയുക്ത ആഭിമുഖ്യത്തില്‍ യൂണിവേഴ്‌സിറ്റ്  ടാഗോര്‍ നികേതന്‍ സെമിനാര്‍ ഹാളില്‍ ഡിസംബര്‍ ആറിന് രാവിലെ 10ന് സ്വയം തൊഴില്‍ ബോധവല്‍ക്കരണ ശില്‍പശാല സംഘടിപ്പിക്കും.

ജില്ലാ പഞ്ചായത്ത് സുരക്ഷാ പദ്ധതിയുടെ ആഭിമുഖ്യത്തില്‍ ലോക എയ്ഡ്‌സ് ദിനത്തോടനുബന്ധിച്ച് 'എന്റെ ആരോഗ്യം എന്റെ അവകാശം' പ്രമേയം ആസ്പദമാക്കി ഇന്ന് (ഡിസംബര്‍ ഒന്ന്) രാവിലെ 10ന് മലപ്പുറം സിവില്‍ സ്റ്റേഷന് മുമ്പില്‍ നടത്തുന്ന സിഗ്‌നേച്ചര്‍ ക്യാമ്പയിന്‍ നടത്തും. ജില്ലാ പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്‍ ഉദ്ഘാടനം ചെയ്യും.  ജില്ലയിലെ പ്രധാന നഗരങ്ങളിലും വിദ്യാഭ്യാസ സ്ഥാപനങ്ങളിലും യുവജന കൂട്ടായ്മകളുടെ സഹകരണത്തോടെ ബോധവല്‍ക്കരണ പരിപാടികള്‍, ക്വിസ് പ്രോഗ്രാം, പ്രബന്ധ രചന, ചിത്ര രചന മത്സരങ്ങള്‍ എന്നിവ സംഘടിപ്പിക്കും.

സംസ്ഥാന വ്യവസായ വികസന കോര്‍പ്പറേഷനും കേരള ഇന്‍സ്റ്റിറ്റ്യൂട്ട് ഫോര്‍ എന്റ്ര്‍ പ്രണര്‍ഷിപ്പ് ഡവലപ്പ്‌മെന്റും സംയുക്തമായി എല്ലാ ജില്ലകളിലുമുള്ള 18നും 45 നും ഇടയില്‍ പ്രായമുള്ള വനിതകള്‍ക്ക് സംരഭകത്വ വികസന  പരിശീലനം നല്‍കുന്നു.  മൂന്ന് ദിവസത്തെ പരിശീലനത്തിന് ആദ്യം അപേക്ഷിക്കുന്ന 30 വനിതകളെ തിരഞ്ഞെടുക്കും.  കുറഞ്ഞ യോഗ്യത 10 -ാം  ക്ലാസ് ജയം.  അപേക്ഷാ ഫോം mw www.kied.info ല്‍ ലഭിക്കും.  ഫോണ്‍ 0484 2550322, 2532890, 9539772373.

കോട്ടക്കല്‍ ഗവ: വനിതാ പോളിടെക്‌നിക്ക് കോളേജില്‍ ഗസ്റ്റ് ലക്ചറര്‍ ഇന്‍ കൊമേഴ്‌സ് തസ്തികയിലേക്ക് അപേക്ഷ ക്ഷണിച്ചു. എം.കോം. ഒന്നാം ക്ലാസും അദ്ധ്യാപന പരിചയവുമാണ് യോഗ്യത. താല്‍പര്യമുള്ളവര്‍ ഡിസംബര്‍ നാലിന് രാവിലെ 11  ന് കൂടിക്കാഴ്ചയ്ക്ക് കോളേജില്‍ എത്തണം.

    പൊതുജന പരാതി പരിഹാര അദാലത്തുമായി ബന്ധപ്പെട്ട് ഡിസംബര്‍ നാലിന് രാവിലെ 10ന് നടത്തുന്ന പരിശീലന ക്ലാസിന് നിലമ്പൂര്‍ താലൂക്ക് പരിധിയില്‍ വരുന്ന സബ് ഓഫീസുകളിലെ ജീവനക്കാര്‍ പങ്കെടുക്കണം.  യൂസര്‍ ഐ.ഡിയും പാസ്‌വേഡും ലഭിക്കാത്ത ജില്ലാ ഓഫീസുകളിലെ ജീവനക്കാര്‍ക്കും പങ്കെടുക്കാം.  മറ്റ് താലൂക്കുകളിലെ സബ് ഓഫീസുകളിലെ ജീവനക്കാര്‍ക്കുള്ള പരിശീലനം പിന്നീട് നടക്കും.