എറണാകുളം ജില്ലാ ശിശു സംരക്ഷണ യൂണിറ്റിലെ ഓഫീസർമാരുടെ ഔദ്യോഗിക ആവശ്യങ്ങൾക്കായി ഒരു വർഷത്തേക്ക് വാഹനം വാടകയ്ക്ക് ലഭ്യമാക്കാൻ താല്പര്യമുള്ള വ്യക്തികളിൽ നിന്നും ടെൻഡർ ക്ഷണിച്ചു. പരമാവധി പ്രതിമാസ വാടക 35,000 രൂപയും (2000 കി.മീ വരെ), വാഹനത്തിന് ഏഴ് വർഷത്തിൽ താഴെ പഴക്കവും ഉണ്ടായിരിക്കണം. ഇന്ധനം, പരിപാലനം, ഡ്രൈവർ ശമ്പളം എന്നിവ ഉടമ വഹിക്കണം. ടെൻഡർ ഫോമുകൾ മെയ്‌ 26 ഉച്ചയ്ക്ക് ഒന്ന് വരെ ലഭിക്കുന്നതാണ്; പൂരിപ്പിച്ചവ അന്നേ ദിവസം വൈകിട്ട് 3ന് മുൻപായി കാക്കനാട് സിവിൽ സ്റ്റേഷനിലെ ജില്ലാ ശിശു സംരക്ഷണ ഓഫീസിൽ സമർപ്പിക്കേണ്ടതാണ്.
ഫോൺ: 0484 2959177, 9387162707.
 

കേന്ദ്ര സർക്കാർ സംരംഭമായ ബിസിൽ ട്രെയിനിംഗ് ഡിവിഷൻ നടത്തുന്ന ഹോസ്പിറ്റൽ അഡ്മിനിസ്ട്രേഷൻ കോഴ്സുകളിലേക്ക് അപേക്ഷ ക്ഷണിച്ചു. ഒരു വർഷം ദൈർഘ്യമുള്ള പി.ജി ഡിപ്ലോമ (യോഗ്യത: ഡിഗ്രി), പ്രൊഫഷണൽ ഡിപ്ലോമ (യോഗ്യത: +2), ആറ് മാസം ദൈർഘ്യമുള്ള ഡിപ്ലോമ (യോഗ്യത: SSLC) എന്നീ കോഴ്സുകളിലേക്ക് ഓൺലൈൻ, റെഗുലർ, പാർട്ട് ടൈം ബാച്ചുകളിലായി അപേക്ഷിക്കാവുന്നതാണ്. പ്രമുഖ ആശുപത്രികളിൽ ഇന്റേൺഷിപ്പ് സൗകര്യവും കോഴ്സ് വിജയകരമായി പൂർത്തിയാക്കുന്നവർക്ക് പ്ലേസ്‌മെന്റ് അസിസ്റ്റൻസും ലഭ്യമാണ്.
ഫോൺ :7994449314.

എറണാകുളം ജില്ലയിൽ മാലിന്യ സംസ്കരണവുമായി ബന്ധപ്പെട്ട നിയമലംഘനങ്ങൾ കണ്ടെത്തുന്ന എൻഫോഴ്‌സ്‌മെന്റ് സ്ക്വാഡിന്റെ പ്രവർത്തനങ്ങൾക്കായി ഡ്രൈവർ ഉൾപ്പെടെയുള്ള വാഹനം (SUV/ Sedan/ Hatchback, 2017 ശേഷമുള്ള മോഡൽ) ഒരു വർഷത്തേക്ക് വാടകയ്ക്ക് ലഭ്യമാക്കാൻ താല്പര്യമുള്ളവരിൽ നിന്നും ക്വട്ടേഷൻ ക്ഷണിക്കുന്നു. താല്പര്യമുള്ളവർ ആവശ്യമായ രേഖകൾ സഹിതം മെയ്‌ 19ന് വൈകിട്ട് അഞ്ചിന് മുൻപായി ജില്ലാ കോ-ഓഡിനേറ്റർ, ജില്ലാ ശുചിത്വ മിഷൻ, മൂന്നാം നില, സിവിൽ സ്റ്റേഷൻ, കാക്കനാട് എന്ന വിലാസത്തിൽ ക്വട്ടേഷൻ സമർപ്പിക്കേണ്ടതാണ്.
ഫോൺ :0484 2428701.

എറണാകുളം ജില്ലാ ശുചിത്വ മിഷൻ ഓഫീസിന്റെ ഔദ്യോഗിക ആവശ്യങ്ങൾക്കായി ഡ്രൈവർ ഉൾപ്പെടെയുള്ള വാഹനം (SUV/ Sedan/ Hatchback, 2017 ശേഷമുള്ള മോഡൽ) ഒരു വർഷത്തേക്ക് വാടകയ്ക്ക് ലഭ്യമാക്കാൻ താല്പര്യമുള്ളവരിൽ നിന്നും ക്വട്ടേഷൻ ക്ഷണിച്ചു. താല്പര്യമുള്ളവർ ആവശ്യമായ രേഖകൾ സഹിതം മെയ്‌ 19ന് വൈകിട്ട് അഞ്ചിന് മുൻപായി ജില്ലാ കോ-ഓർഡിനേറ്റർ, ജില്ലാ ശുചിത്വ മിഷൻ, മൂന്നാം നില, സിവിൽ സ്റ്റേഷൻ, കാക്കനാട് എന്ന വിലാസത്തിൽ ക്വട്ടേഷൻ സമർപ്പിക്കേണ്ടതാണ്.
ഫോൺ : 0484 2428701.

കാർഷിക മേഖലയിലെ സർക്കാർ സേവനങ്ങളും ആനുകൂല്യങ്ങളും കർഷകരിലേക്ക് നേരിട്ട് എത്തിക്കുന്നതിനായി കൃഷി വകുപ്പ് നടപ്പിലാക്കുന്ന 'കർഷക രജിസ്ട്രി'  പദ്ധതിയിലേക്ക് അപേക്ഷകൾ ക്ഷണിച്ചു.

വിദ്യാർഥികളിൽ ശാസ്ത്രാഭിരുചി വളർത്തുന്നതിനായി കേന്ദ്ര ശാസ്ത്ര സാങ്കേതിക വകുപ്പും നാഷണൽ ഇന്നൊവേഷൻ ഫൗണ്ടേഷനും സംയുക്തമായി സംഘടിപ്പിക്കുന്ന ഇൻസ്‌പയർ അവാർഡ് മനാകിൻ്റെ  സംസ്ഥാനതല പ്രദർശനം ശ്രദ്ധേയമായി. എറണാകുളം ഗവ. ഗേൾസ് ഹയർ സെക്കൻഡറി സ്കൂളിൽ സംഘടിപ്പിച്ച പ്രദർശ പരിപാടി  കൊച്ചി കോർപ്പറേഷൻ സ്റ്റാൻഡിങ് കമ്മിറ്റി ചെയർപേഴ്സൺ ജിസ്മി ജെറാൾഡ്  ഉദ്ഘാടനം ചെയ്തു. പൊതുവിദ്യാഭ്യാസ അഡീഷണൽ ഡയറക്ടർ ആർ.എസ്. ഷിബു ചടങ്ങിൽ അധ്യക്ഷനായി.

വിദൂര പ്രദേശങ്ങളിലെ കർഷകർക്ക് മൃഗചികിത്സാ സേവനങ്ങൾ വീട്ടുപടിക്കൽ ലഭ്യമാക്കുന്ന 'മൊബൈൽ ടെലി വെറ്ററിനറി യൂണിറ്റ്' പദ്ധതിയിലേക്ക് എറണാകുളം ജില്ലയിൽ താൽക്കാലിക നിയമനം നടത്തുന്നു.

സംസ്ഥാന മൃഗസംരക്ഷണ വകുപ്പ് നടപ്പിലാക്കുന്ന 'അടിയന്തര രാത്രികാല വെറ്ററിനറി സേവന' പദ്ധതിയിലേക്ക് എറണാകുളം ജില്ലയിൽ താൽക്കാലിക നിയമനം നടത്തുന്നു.

സ്ത്രീകളെ ബാധിക്കുന്ന രണ്ടാമത്തെ പ്രധാന ക്യാൻസറായ ഗർഭാശയ ഗള ക്യാൻസറിനെതിരെയുള്ള (സെർവിക്കൽ ക്യാൻസർ)  എച്ച്.പി.വി (ഹ്യൂമൻ പാപ്പിലോമ വൈറസ്) വാക്സിനേഷൻ ക്യാമ്പയിൻ ജില്ലയിൽ അവസാന ഘട്ടത്തിലേക്ക്. 
മെയ് 31-ഓടെ ഈ പ്രത്യേക ദൗത്യം അവസാനിക്കാനിരിക്കെ, അർഹരായ എല്ലാ പെൺകുട്ടികളും വാക്സിൻ സ്വീകരിച്ച് സുരക്ഷ ഉറപ്പാക്കണമെന്ന് ജില്ലാ കളക്ടർ ജി. പ്രിയങ്ക പറഞ്ഞു. 

എറണാകുളം ഗവൺമെന്റ് ലോ കോളേജിൽ 2026-27 അധ്യയന വർഷത്തേക്ക് മലയാളം, ഹിന്ദി, ഇംഗ്ലീഷ് വിഷയങ്ങളിൽ ഓരോ ഒഴിവുകളിലേക്കും നിയമ വിഭാഗത്തിൽ നിലവിലുള്ളതും ഭാവിയിൽ ഉണ്ടായേക്കാവുന്നതുമായ ഒഴിവുകളിലേക്കും ഗസ്റ്റ് അധ്യാപകരെ നിയമിക്കുന്നു.