വോട്ട് ചെയ്യാൻ അർഹതയുള്ള അംഗങ്ങളുടെ കരട് പട്ടിക മെയ് 11 ന് പ്രസിദ്ധീകരിക്കും. കരട് പട്ടിക സംബന്ധിച്ച ആക്ഷേപങ്ങൾ മെയ് 12 മുതൽ 15 വരെ രാവിലെ 11 മണി മുതൽ മൂന്നു മണി വരെ അറിയിക്കാം. വോട്ട് ചെയ്യാൻ അർഹതയുള്ള അംഗങ്ങളുടെ അന്തിമ പട്ടിക മെയ്‌ 20 ന് വൈകീട്ട് പ്രസിദ്ധീകരിക്കും. മെയ്‌ 28 മുതൽ 30 വരെ (വൈകീട്ട് മൂന്ന് മണി വരെ) നാമനിർദേശ പത്രികകൾ സ്വീകരിക്കും. ലഭിച്ച നാമ നിർദ്ദേശപത്രികകളുടെ പട്ടിക മെയ്‌ 30 ന് വൈകീട്ട് പ്രസിദ്ധീകരിക്കും. സൂക്ഷ്മ പരിശോധന ജൂൺ ഒന്നിന് നടക്കും. സാധൂകരിച്ച നാമനിർദ്ദേശപത്രികകളുടെ പട്ടിക ജൂൺ ഒന്നിന് പ്രസിദ്ധീകരിക്കും. ജൂൺ രണ്ട് വെകീട്ട് മൂന്ന് മണി വരെ പത്രിക പിൻവലിക്കാം.

കേരളം, തമിഴ്നാട് സംസ്ഥാനങ്ങളിലായി പ്രവർത്തിക്കുന്ന ധൻവിജയ് അഗ്രോ ആൻഡ് മാർക്കറ്റിംഗ് മൾട്ടി സ്റ്റേറ്റ് കോ-ഓപറേറ്റീവ് സൊസൈറ്റി ലിമിറ്റഡിൽ ബോർഡ് മെമ്പർമാർ, ഓഫീസ് ഭാരവാഹികൾ എന്നീ സ്‌ഥാനങ്ങളിലേക്കുള്ള തെരഞ്ഞെടുപ്പിന് വിജ്ഞാപനം പുറപ്പെടുവിച്ചു. തൃശൂർ ജില്ലാ മജിസ്ട്രേറ്റും ജില്ലാ കളക്ടറുമായ ശിഖ സുരേന്ദ്രനാണ് വരണാധികാരി. ഡയറക്ടർ ബോർഡ് മെമ്പർ -7 ( ജനറൽ -4, എസ്. സി,  എസ്.ടി - 1, സ്ത്രീകൾ -2), ഓഫീസ്  ഭാരവാഹികൾ - 2 ( ചെയർമാൻ -1, വൈസ് ചെയർമാൻ -1) എന്നീ സ്ഥാനങ്ങളിലേക്കാണ് തെരഞ്ഞെടുപ്പ്.

കേന്ദ്ര സർക്കാർ സംരംഭമായ ബിസിൽ ട്രെയിനിംഗ് ഡിവിഷൻ നടത്തുന്ന ഒരു വർഷം ദൈർഘ്യമുള്ള പി ജി ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ (യോഗ്യത: ഡിഗ്രി), പ്രൊഫഷണൽ ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ (യോഗ്യത: പ്ലസ് ടു ), ആറ് മാസം ദൈർഘ്യമുള്ള ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ(യോഗ്യത:  എസ് എസ് എൽ സി ) തുടങ്ങിയ കോഴ്സുകളിലേക്ക് അപേക്ഷ ക്ഷണിച്ചു. ഓൺലൈൻ അല്ലെങ്കിൽ റെഗുലർ അല്ലെങ്കിൽ പാർട്ട് ടൈം ബാച്ചുകൾ. മികച്ച ഹോസ്പിറ്റലുകളിൽ ഇന്റേൺഷിപ്പ് ചെയ്യാൻ അവസരം. കോഴ്‌സുകൾ വിജയകരമായി പൂർത്തിയാക്കുന്നവർക്ക് പ്ലേസ്മെന്റ് അസിസ്റ്റൻസ് ലഭിക്കും. വിശദ വിവരങ്ങൾക്ക് Ph: 7994449314.

വരന്തരപ്പിള്ളി എഫ്.എച്ച്.സിയിലേക്ക് ഹെൽത്ത് ഗ്രാന്റ് പ്രൊജക്റ്റിന്റെ ഭാഗമായി ലാബ് റീ ഏജന്റുകൾ വാങ്ങുന്നതിനുള്ള ടെണ്ടർ അറിയിപ്പ് www.etender.kerala.gov.in എന്ന വെബ്സൈറ്റിൽ പ്രസിദ്ധീകരിച്ചു.  അവസാന തിയ്യതി മെയ്‌ 30.
 

ചാലക്കുടി ട്രൈബൽ ഡെവലപ്മെന്റ് ഓഫീസിൻ്റെ കീഴിൽ വരുന്ന പ്രീമെട്രിക് ഹോസ്റ്റലുകളിലേക്ക് 2026- 27 അധ്യയന വർഷം ഉണ്ടായേക്കാവുന്ന താത്ക്കാലിക ഒഴിവുകളിലേക്ക് ദിവസ വേതനാടിസ്ഥാനത്തിൽ ജീവനക്കാരെ നിയമിക്കുന്നു. കുക്ക്, വാച്ച്മാൻ, ആയ, പി.ടി.എസ് എന്നീ തസ്തികകളിലേക്കാണ് നിയമനം.  റസിഡൻഷ്യൽ സ്വഭാവമുള്ള  സ്ഥാപനമായതിനാൽ ഹോസ്റ്റലുകളിൽ താമസിച്ച് ജോലി ചെയ്യുന്നതിന് താല്പര്യമുള്ളവർ മാത്രം ഇന്റർവ്യൂവിൽ പങ്കെടുത്താൽ മതി. പട്ടികവർഗ്ഗ വിഭാഗത്തിൽ നിന്നുള്ളവർക്ക് മുൻഗണന ഉണ്ടായിരിക്കും. ഉദ്യോഗാർഥികൾക്ക് 20 വയസ്സ് പൂർത്തിയാകണം.

കുട്ടനല്ലൂർ ശ്രീ.സി. അച്യുതമേനോൻ ഗവൺമെന്റ് കോളേജിൽ  2021-22 അധ്യയന വർഷം വരെ അഡ്മിഷൻ നേടിയവരിൽ കോഷൻ ഡെപ്പോസിറ്റ് തുക കൈപ്പറ്റാത്ത വിദ്യാർത്ഥികൾ ആവശ്യമായ രേഖകൾ സഹിതം മെയ് 31ന് മുൻപായി കോളേജിൽ എത്തിച്ചേർന്ന് തുക കൈപ്പറ്റണം. കൈപ്പറ്റാത്തവരുടെ തുക ഇനിയൊരു അറിയിപ്പ് കൂടാതെ  സർക്കാരിലേക്ക് മുതൽക്കൂട്ടുമെന്നും കോളേജ് പ്രിൻസിപ്പാൾ അറിയിച്ചു.

പട്ടികവർഗ്ഗ വികസന വകുപ്പിനു കീഴിൽ പ്രവർത്തിക്കുന്ന ചാലക്കുടി മോഡൽ റസിഡൻഷ്യൽ സ്കൂളിലേക്ക് കരാർ അടിസ്ഥാനത്തിൽ വർക്ക് എക്സ്പീരിയൻസ് ടീച്ചർ തസ്തികയിലേക്ക് നിയമനം നടത്തുന്നതിനായി അപേക്ഷ ക്ഷണിച്ചു.

എസ്.എസ്.എൽ.സി, വർക്ക് എക്സ്പീരിയൻസ് ടീച്ചർ തസ്തികയിൽ പി എസ് സി നിഷ്കർഷിച്ചിരിക്കുന്ന സാങ്കേതിക യോഗ്യതകളും കെ-ടെറ്റ്(IV) മാണ് യോഗ്യത. പ്രായപരിധി: 22-45. പട്ടികവർഗ്ഗ വിഭാഗത്തിൽപ്പെട്ട നിശ്ചിത യോഗ്യതയും നൈപുണ്യവും കഴിവുമുള്ള ഉദ്യോഗാർത്ഥികൾക്ക് മുൻഗണന ലഭിക്കും. പ്രതിമാസം 10000/-രൂപയാണ് വേതനമായി ലഭിക്കുക.

പട്ടികവർഗ്ഗ വികസന വകുപ്പിനു കീഴിൽ പ്രവർത്തിക്കുന്ന ചാലക്കുടി മോഡൽ റസിഡൻഷ്യൽ സ്കൂളിലേക്ക് കരാർ അടിസ്ഥാനത്തിൽ ജൂനിയർ പബ്ലിക് ഹെൽത്ത് നേഴ്‌സിനെ  നിയമിക്കുന്നതിന്  അപേക്ഷ ക്ഷണിച്ചു. അപേക്ഷകർ സ്ഥാപനത്തിൽ താമസിച്ച് ജോലി ചെയ്യാൻ താത്പര്യമുള്ളവരായിരിക്കണം. യോഗ്യത: എസ്.എസ്.എൽ.സി,തത്തുല്യം. ഓക്സിലറി നഴ്‌സ് മിഡ്‌വൈഫറി സർട്ടിഫിക്കറ്റ്, അല്ലെങ്കിൽ

 വിവരാവകാശ നിയമപ്രകാരം ആവശ്യപ്പെടുന്ന വിവരം നൽകുന്നത് ഔദാര്യമായി ഉദ്യോഗസ്ഥർ കാണരുതെന്നും അത് ജനങ്ങളുടെ അവകാശമാണെന്നും സംസ്ഥാന വിവരവകാശ കമ്മീഷണർ അഡ്വ.ടി കെ രാമകൃഷ്ണൻ. തൃശ്ശൂർ കളക്ട്രേറ്റ് കോൺഫറൻസ് ഹാളിൽ  കമ്മീഷൻ സംഘടിപ്പിച്ച വിവരാവകാശ ഹിയറിങ്ങിനുശേഷം സംസാ രിക്കുകയായിരുന്നു കമ്മീഷണർ.