കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ നടത്തുന്ന ഒരു വര്‍ഷം ദൈര്‍ഘ്യമുള്ള പി ജി ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍ (യോഗ്യത: ഡിഗ്രി), പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍ (യോഗ്യത: പ്ലസ്ടു), ആറ് മാസം ദൈര്‍ഘ്യമുള്ള ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍ (യോഗ്യത: എസ് എസ് എല്‍ സി) തുടങ്ങിയ കോഴ്സുകളിലേക്ക് അപേക്ഷക്ഷണിച്ചു. ഓണ്‍ലൈന്‍/റെഗുലര്‍/പാര്‍ട്ട്ടൈം ബാച്ചുകളുണ്ട്. വിശദ വിവരങ്ങള്‍ക്ക് ഫോണ്‍: 7994449314
 

സഹകരണ വകുപ്പിന്റെ നിയന്ത്രണത്തില്‍ കോ-ഓപ്പറേറ്റീവ് അക്കാദമി ഓഫ് പ്രൊഫഷണല്‍ എജ്യുക്കേഷന്റെ കീഴില്‍ പ്രവര്‍ത്തിക്കുന്ന എം.ബി.എ കോളേജായ  ഇന്‍സ്റ്റിറ്റ്യൂട്ട്  ഓഫ് മാനേജ്മെന്റ് ആന്‍ഡ് ടെക്‌നോളജിയില്‍ നിന്ന് എം.ബി.എ കോഴ്‌സ് വിജയകരമായി പൂര്‍ത്തിയാക്കിയ വിദ്യാര്‍ത്ഥികളുടെ സര്‍ട്ടിഫിക്കറ്റ് വിതരണം ഐ.എം.ടി കാമ്പസില്‍ മെയ് 15 ന് വെള്ളിയാഴ്ച്ച ഉച്ചയ്ക്ക്  2  മണിക്ക് നടക്കും. കേരള സ്റ്റേറ്റ് ഡ്രഗ്‌സ് ആന്‍ഡ് ഫാര്‍മസ്യൂട്ടിക്കല്‍സ് മാനേജിങ് ഡയറക്ടര്‍ ഇ.എ. സുബ്രഹ്മണ്യന്‍, മുഖ്യാതിഥിയായി പങ്കെടുക്കും.

ഇളംദേശം, തൊടുപുഴ  ബ്ലോക്ക് പഞ്ചായത്തുകളില്‍ മഹാത്മഗാന്ധി ദേശീയ ഗ്രാമീണ തൊഴിലുറപ്പ് പദ്ധതി & പ്രധാനമന്ത്രി ആവാസ് യോജന ഓംബുഡ്സ്മാന്‍ സിറ്റിംഗ് നടത്തുന്നു. മെയ് 19 ന് ഇളംദേശം ബ്ലോക്ക് പഞ്ചായത്ത് ഓഫീസിലും മെയ് 21 ന് തൊടുപുഴ  ബ്ലോക്ക് പഞ്ചായത്ത് ഓഫീസിലും രാവിലെ 11 മണി മുതല്‍ ഉച്ചയ്ക്ക് 1 മണി വരെയാണ് സിറ്റിംഗ്. തൊഴിലാളികള്‍ക്കും മേറ്റുമാര്‍ക്കും പൊതുജനങ്ങള്‍ക്കും  മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി, പ്രധാനമന്ത്രി ആവാസ് യോജന (ഗ്രാമീണ്‍) എന്നിവയുമായി ബന്ധപ്പെട്ട പരാതികള്‍ നേരിട്ട് നല്‍കാം.

അന്താരാഷ്ട്ര നഴ്‌സസ് ദിനവാരാചരണത്തിന്റെ സമാപന സമ്മേളനം ഡീന്‍ കുര്യാക്കോസ് എം.പി ഉദ്ഘാടനം ചെയ്തു. ചെറുതോണി ടൗണ്‍ ഹാളില്‍ നടന്ന യോഗത്തില്‍ ജില്ലാ പഞ്ചായത്ത് പ്രസിഡന്റ് ഷീല സ്റ്റീഫന്‍ അധ്യക്ഷത വഹിച്ചു. നഴ്‌സസ് ദിന സന്ദേശറാലിയുടെ ഫ്‌ളാഗ് ഓഫ് ജില്ലാ പോലീസ് മേധാവി സാബു മാത്യു കെ.എം നിര്‍വഹിച്ചു. ജില്ലാ നഴ്‌സിംഗ് ഓഫീസര്‍ ജോസി ഫ്രാന്‍സിസ് പതാക ഉയര്‍ത്തി. ഗവണ്‍മെന്റ് നഴ്‌സിംഗ് കോളേജ് പ്രിന്‍സിപ്പാള്‍ ജിജി ജോണ്‍ ഫ്‌ളോറന്‍സ് നൈറ്റിംഗേല്‍ പ്രതിജ്ഞ ചൊല്ലിക്കൊടുത്തു. ജില്ലാ മെഡിക്കല്‍ ഓഫീസര്‍ ഡോ. സുരേഷ് വര്‍ഗീസ് എസ് മുഖ്യപ്രഭാഷണം നടത്തി.

സാമൂഹ്യനീതി വകുപ്പിന് കീഴില്‍ ആറാട്ടുപുഴയില്‍ പ്രവര്‍ത്തിക്കുന്ന സര്‍ക്കാര്‍ വയോജന മന്ദിരത്തിലേക്ക് ജീവനക്കാരെ നിയമിക്കുന്നു. സോഷ്യല്‍ വര്‍ക്കര്‍ ( ഒരു ഒഴിവ്), കുക്ക് ( ഒരു ഒഴിവ്) എന്നീ തസ്തികകളില്‍ ഒരു വര്‍ഷത്തേക്ക് കരാര്‍ അടിസ്ഥാനത്തിലാണ് നിയമനം. സോഷ്യല്‍ വര്‍ക്കര്‍ തസ്തികയില്‍ 3 വര്‍ഷത്തില്‍ കുറയാത്ത പ്രവൃത്തിപരിചയവും എം.എസ്.ഡബ്‌ള്യു യോഗ്യതയും ഉള്ളവര്‍ക്ക് അപേക്ഷിക്കാം. കുക്ക് തസ്തികയില്‍ എട്ടാം ക്ലാസാണ് യോഗ്യത. പ്രായപരിധി: സോഷ്യല്‍ വര്‍ക്കര്‍ തസ്തികയിലേക്ക് 40 വയസ് കവിയരുത്. കുക്ക് 50 വയസ് കവിയരുത്. അഭിമുഖം മെയ് 19 ന് രാവിലെ 10 മണിക്ക് ആറാട്ടുപുഴ സാന്ത്വനതീരം, ഗവ.

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ മെയ് മാസം ആരംഭിക്കുന്ന രണ്ടു വര്‍ഷം, ഒരു വര്‍ഷം, ആറു മാസം ദൈര്‍ഘ്യമുള്ള മോണ്ടിസോറി, പ്രീ - പ്രൈമറി, നഴ്‌സറി ടീച്ചര്‍ ട്രെയിനിംഗ് കോഴ്‌സുകള്‍ക്ക് ബിരുദം, പ്ലസ് ടു, എസ് എസ് എല്‍ സി യോഗ്യതയുള്ള വനിതകളില്‍ നിന്ന് അപേക്ഷ ക്ഷണിച്ചു. ഫോണ്‍: 7994449314.

വടശ്ശേരിക്കര ഗ്രാമപഞ്ചായത്തിന്റെ അധികാര പരിധിക്കുള്ളില്‍ സ്വകാര്യ വ്യക്തികളുടെ പുരയിടങ്ങളില്‍ പൊതുജനങ്ങളുടെ ജീവനും സ്വത്തിനും  ഭീഷണിയായി നില്‍ക്കുന്ന വൃക്ഷങ്ങള്‍/വൃക്ഷങ്ങളുടെ ശിഖരങ്ങള്‍ എന്നിവ സ്ഥലം ഉടമകള്‍/കൈവശക്കാര്‍ അടിയന്തരമായി മുറിച്ചുമാറ്റി അപകടം ഒഴിവാക്കണമെന്ന് സെക്രട്ടറി  അറിയിച്ചു. സ്വകാര്യ വ്യക്തികളുടെ കൈവശത്തിലുള്ള വസ്തുവിലെ കാടുകള്‍ അടിയന്തരമായി വൃത്തിയാക്കി/വെട്ടിത്തെളിച്ച് പാമ്പുകള്‍ മറ്റ് വന്യമൃഗങ്ങള്‍ എന്നിവയുടെ ശല്യം ഒഴിവാക്കണം.

ജില്ലയിലെ ഒരു സര്‍ക്കാര്‍ സ്ഥാപനത്തില്‍  (വിമുക്ത ഭടന്മാര്‍ മാത്രം) തസ്തികയില്‍  ഡിഎ-  ലോ വിഷന്‍ വിഭാഗത്തിന്  സംവരണം  ചെയ്ത   ക്ലാര്‍ക്ക് ടൈപ്പിസ്റ്റ് താല്‍കാലിക ഒഴിവുണ്ട് . എസ്.എസ്.എല്‍.സി, ടൈപ്പ്  റൈറ്റിംഗ്  ഇംഗ്ലീഷ്  ആന്റ് മലയാളം  ലോവറും  കമ്പ്യൂട്ടര്‍  വേഡ് പ്രോസസിംഗുമാണ്  യോഗ്യത.   അടിസ്ഥാന  ശമ്പളം 26500-60700. അസല്‍ സര്‍ട്ടിഫിക്കറ്റുമായി  അതാത്  എംപ്ലോയ്‌മെന്റ്  എക്‌സ്‌ചേഞ്ചുകളില്‍ മെയ് 13 നകം പേര്  രജിസ്റ്റര്‍  ചെയ്യണം.  
ലോ വിഷന്‍  വിഭാഗത്തിലുള്ള  ഉദ്യോഗാര്‍ഥികളുടെ  അഭാവത്തില്‍ ഡിഎ- എച്ച് ഐ/ഡിഎ-ഒഎച്ച്/ഡിഎ

സാക്ഷരതാ മിഷന്റെ  പത്താംതരം, ഹയര്‍ സെക്കന്‍ഡറി തുല്യത കോഴ്‌സിലേക്കുളള രജിസ്‌ട്രേഷന്‍ ആരംഭിച്ചു. മെയ് 25 വരെ പിഴ ഇല്ലാതെ രജിസ്‌ട്രേഷന്‍ നടത്താം. 17 വയസ് പൂര്‍ത്തിയായ ഏഴാം ക്ലാസ് പാസായവര്‍ക്ക് അപേക്ഷിക്കാം. രജിസ്‌ട്രേഷന്‍ + കോഴ്‌സ്  ഫീസ് 1950 രൂപ.    
എസ് സി /എസ് റ്റി വിഭാഗത്തിന് 100 രൂപയാണ് ഫീസ്.
പത്താം തരം പാസായ 22 വയസ് പൂര്‍ത്തിയായവര്‍ക്ക് ഹയര്‍ സെക്കന്‍ഡറി തുല്യത കോഴ്‌സിലേക്ക് അപേക്ഷിക്കാം. 2600 രൂപ കോഴ്‌സ് ഫീസ്. എസ് സി /എസ് റ്റി വിഭാഗത്തിന് 300 രൂപയാണ് ഫീസ്.

വനം, വന്യജീവി വകുപ്പിലെ ബീറ്റ് ഫോറസ്റ്റ് ഓഫീസര്‍ (സ്‌പെഷ്യല്‍ റിക്രൂട്ട്‌മെന്റ് -എസ് റ്റി ആദിവാസികള്‍ക്ക് മാത്രം)  (കാറ്റഗറി നം. 092/2022) തസ്തികയിലേക്ക് 2022 ഡിസംബര്‍ 28 ന് നിലവില്‍ വന്ന റാങ്ക് പട്ടിക റദ്ദായതായി ജില്ല  പി എസ് സി ഓഫീസര്‍ അറിയിച്ചു. ഫോണ്‍ : 0468 2222665.