2026-27 അധ്യയന വര്‍ഷം സ്‌കൂള്‍ തുറക്കുന്നതിന്റെ ഭാഗമായി സ്വീകരിക്കേണ്ട മുന്നൊരുക്കങ്ങള്‍ സംബന്ധിച്ചും ഈ വര്‍ഷം ജില്ലാ പഞ്ചായത്ത് നടപ്പിലാക്കുന്ന വിവിധ വിദ്യാഭ്യാസ പദ്ധതികളെ കുറിച്ചും ജില്ലാ പഞ്ചായത്ത് വൈസ് പ്രസിഡന്റ് ടി ഹംസയുടെ അധ്യക്ഷതയില്‍ അവലോകനയോഗം ചേര്‍ന്നു. ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണന്‍ ഉദ്ഘാടനം ചെയ്തു. പഞ്ചായത്തിന് കീഴിലുള്ള വിദ്യാലയങ്ങളിലെ പ്രധാന അധ്യാപകര്‍, പ്രിന്‍സിപ്പല്‍മാര്‍ എന്നിവര്‍ യോഗത്തില്‍ പങ്കെടുത്തു.

ഗൂഗിള്‍ പ്ലേ സ്റ്റോറില്‍ നിന്നും 'MeHEALTH' ആപ്പ് (https://play.google.com/store/apps/details?id=in.gov.kerala.ehealth.mhealth&hl=en_IN) ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യുക. ഫോണ്‍ നമ്പറും ഒ.ടി.പിയും നല്‍കി ലോഗിന്‍ ചെയ്യുക. ആപ്പില്‍ ആധാര്‍ വിവരങ്ങള്‍ നല്‍കി യുണീക്ക് ഹെല്‍ത്ത് ഐഡി സൃഷ്ടിക്കാം. ഇതിലൂടെ ഓണ്‍ലൈനായി ഒ.പി ടിക്കറ്റും മുന്‍കൂട്ടിയുള്ള അപ്പോയ്‌മെന്റും എടുക്കാം. ആപ്പിന്റെ ഹോം പേജിലെ 'Near By Service' എന്ന ഓപ്ഷനിലൂടെ ആവശ്യമുള്ള സേവനങ്ങള്‍ തിരഞ്ഞെടുക്കാം

ജില്ലയിലെ സര്‍ക്കാര്‍ ആരോഗ്യ കേന്ദ്രങ്ങളില്‍ നിന്നും ഇ-ഹെല്‍ത്ത് വഴി ഓണ്‍ലൈനായി ഒ.പി ടിക്കറ്റ് ബുക്ക് ചെയ്യാവുന്ന സംവിധാനം പൂര്‍ണ സജ്ജമായതായി ജില്ലാ മെഡിക്കല്‍ ഓഫീസര്‍ (ആരോഗ്യം) ഡോ. കെ.ടി രേഖ അറിയിച്ചു. ആശുപത്രികളില്‍ ഒ പിക്കുവേണ്ടി ക്യൂ നില്‍ക്കേണ്ട ആവശ്യമില്ല. യു.എച്ച്.ഐ.ഡി ഉപയോഗിച്ച് ആശുപത്രികളിലെ ഔട്ട് പേഷ്യന്റ് പരിശോധനയും സേവനങ്ങളും ബുക്ക് ചെയ്യാം. പൊതുജനങ്ങള്‍ക്ക് മൊബൈല്‍ ഫോണിലൂടെ ഈ സേവനങ്ങള്‍ എളുപ്പത്തില്‍ ലഭ്യമാക്കുന്നതിനായി എംഇ ഹെല്‍ത്ത് (MeHEALTH) എന്ന മൊബൈല്‍ ആപ്ലിക്കേഷന്‍ പ്രവര്‍ത്തനസജ്ജമാണ്.

ചാലക്കുടി ഗവ. താലൂക്ക് ആശുപത്രിയിലെ വിമുക്തി ഡി അഡിക്ഷൻ സെന്ററിലേക്ക് എയർ കൂളറുകൾ സംഭാവനയായി നൽകി. കേരള എക്സൈസ് ഡ്രൈവേഴ്സ് അസോസിയേഷൻ രണ്ടും കൊടകര സഹൃദയ കോളേജ്, തൃശൂർ അഗ്രോഫിൻ പ്രൊഡ്യൂസേഴ്സ് കമ്പനി ഓരോന്ന് വീതവുമാണ് കൂളറുകൾ നൽകിയത്. 

കേരള എക്സൈസ് ഡ്രൈവേഴ്സ് അസോസിയേഷൻ സംസ്ഥാന ജനറൽ സെക്രട്ടറി അബ്ദുൽ മനാഫ്, സഹൃദയ കോളേജ് ഫിനാൻസ് ഓഫീസർ ഫാദർ സിബിൻ വാഴപ്പിള്ളി, അഗ്രോഫിൻ ഫാർമേഴ്‌സ് പ്രൊഡ്യൂസർ കമ്പനി ഡയറക്ടർ മെൽവിൻ ചിറമ്മേൽ എന്നിവർ ചേർന്ന് ഡെപ്യൂട്ടി എക്സൈസ് കമ്മീഷണർ സി.കെ സജികുമാർ, താലൂക്ക്‌ ആശുപത്രി സുപ്രണ്ട് ഡോ. എം.എ മിനി മോൾ എന്നിവർക്ക് എയർ കൂളറുകൾ കൈമാറി. 

പോസ്റ്റ് ഓഫീസ് ആര്‍ ഡി നിക്ഷേപകർ സുരക്ഷിതത്വം ഉറപ്പാക്കി ലഘു സമ്പാദ്യ പദ്ധതികളിൽ ഇടപാടുകൾ നടത്തണമെന്ന് ദേശീയ സമ്പാദ്യ പദ്ധതി തൃശൂർ ഡെപ്യൂട്ടി ഡയറക്ടർ അറിയിച്ചു.

ഇന്ത്യൻ ഇൻസ്റ്റിറ്റ്യൂട്ട് ഓഫ് ഹാൻ്റ്ലൂം ടെക്നോളജി-കണ്ണൂരിന് കീഴിലുള്ള കോസ്റ്റ്യൂം ആൻ്റ് ഫാഷൻ ഡിസൈനിങ്ങ് കോളേജിൽ, അസിസ്റ്റൻ്റ് പ്രൊഫസർ (ഇൻ്റീരിയർ ഡിസൈനിങ്ങ് ആൻഡ്  ഫർണിഷിങ്ങ്) തസ്തികയിൽ കരാറടിസ്ഥാനത്തിൽ നിയമനം നടത്തുന്നതിനായി അപേക്ഷകൾ ക്ഷണിച്ചു. എം.ആർക്, യുജിസി നെറ്റ് എന്നിവയാണ്  വിദ്യഭ്യാസ യോഗ്യത.

 
സഹകരണ വകുപ്പിന്റെ നിയന്ത്രണത്തിൽ കോ-ഓപ്പറേറ്റീവ് അക്കാദമി ഓഫ് പ്രൊഫഷണൽ എഡ്യൂക്കേഷൻ്റെ കീഴിൽ ആലപ്പുഴ പുന്നപ്രയിൽ പ്രവർത്തിക്കുന്ന എം.ബി.എ കോളേജായ ഇൻസ്റ്റിറ്റ്റ്യൂട്ട് ഓഫ് മാനേജ്‌മെൻ്റ് ആൻഡ് ടെക്നോളജിയിൽ നിന്ന് എം.ബി.എ കോഴ്സ് വിജയകരമായി പൂർത്തിയാക്കിയ വിദ്യാർത്ഥികളുടെ സർട്ടിഫിക്കറ്റ് വിതരണം ഐ.എം.ടി ക്യാമ്പസ്സിൽ മെയ് 15 ന് ഉച്ചയ്ക്ക് രണ്ടുമണിക്ക് നടക്കും.

2026-28 വർഷത്തെ എം. ബി.എ പ്രവേശനത്തിനുള്ള കെ-മാറ്റ് പരീക്ഷയുടെ ഓൺലൈൻ സൗജന്യ പരിശീലനം പുന്നപ്ര ഐ. എം.ടിയിൽ മെയ് 20ാം തീയതി മുതൽ സംഘടിപ്പിക്കുന്നു. അവസാന വർഷ ബിരുദ വിദ്യാർത്ഥികൾക്കും ബിരുദപഠനം പൂർത്തിയാക്കിയവർ‌ക്കും പരിശീലനത്തിൽ പങ്കെടുക്കാം . കൂടുതൽ വിവരങ്ങൾക്കും രജിസ്ട്രേഷനും
ഫോൺ : 9188067601, 9747272045, 0477-2267602

മാള കെ. കരുണാകരന്‍ സ്മാരക ഗവ. ഐടിഐയിലെ മെക്കാനിക് മോട്ടോർ വെഹിക്കിൾ(എം എം വി) ട്രേഡില്‍ ഗസ്റ്റ് ഇന്‍സ്ട്രക്ടറുടെ താത്ക്കാലിക ഒഴിവിലേക്ക് കൂടിക്കാഴ്ച നടത്തുന്നു. പിഎസ്‌സിയുടെ റൊട്ടേഷൻ പ്രകാരം തയ്യാറാക്കുന്ന സംവരണ, സംവരണേതര ചാർട്ട് പ്രകാരമായിരിക്കും നിയമനം നടക്കുക.

ജൂൺ 30 ന് രാവിലെ 9. 30 മുതൽ 11.30 വരെ നാമനിർദ്ദേശപത്രിക സമർപ്പിക്കാം. ഉച്ചയ്ക്ക് 12.30 മുതൽ 2. 00 വരെ സൂക്ഷ്മ പരിശോധന നടക്കും. ഉച്ചയ്ക്ക് 2.00 മുതൽ 4.00 വരെ പത്രിക പിൻവലിക്കാം. വൈകിട്ട് നാലുമണിക്ക്  സ്ഥാനാർത്ഥി പട്ടികയും തിരഞ്ഞെടുപ്പ് ഷെഡ്യൂളും പ്രസിദ്ധീകരിക്കും. പുതുതായി രൂപീകരിച്ച ബോർഡിൻ്റെ യോഗവും ഓഫീസ് ഭാരവാഹി സ്ഥാനങ്ങളിലേക്കുള്ളസാധൂകരിച്ച നാമനിർദേശ പത്രികകളുടെ പട്ടിക പ്രസിദ്ധീകരിക്കലും ആവശ്യമെങ്കിൽ തെരഞ്ഞെടുപ്പും ജൂലൈ ഒന്നിന് രാവിലെ 11 മണിക്ക് നടക്കും.  ഭാരവാഹികളുടെ തിരഞ്ഞെടുപ്പ് ഫല പ്രഖ്യാപനം ജൂലൈ എട്ടിനായിരിക്കും.