വയനാട് ജില്ലയില്‍ വിദ്യാഭ്യാസ വകുപ്പില്‍ ഹൈ സ്കൂൾ ടീച്ചർ - ഇംഗ്ലീഷ് (കാറ്റഗറി നമ്പർ 603/2024) തസ്തികയിലെ ഇന്റര്‍വ്യൂ മേയ് 13,14 തിയ്യതികളിലും, ഹൈ സ്കൂൾ ടീച്ചർ - ഹിന്ദി (കാറ്റഗറി നമ്പർ 604/2024) തസ്തികയിലെ ഇന്റര്‍വ്യൂ മെയ് 15നും പി.എസ്.സി വയനാട് ജില്ലാ ഓഫീസിൽ വെച്ച് നടക്കും.  ഉദ്യോഗാര്‍ത്ഥികള്‍ക്കുളള വ്യക്തിഗത അറിയിപ്പ് അവരവരുടെ പ്രൊഫൈലിലും എസ്.എം.എസ് വഴിയും ലഭ്യമാക്കിയിട്ടുണ്ട്.  പ്രൊഫൈലില്‍ നിന്ന് ഡൗണ്‍ലോഡ് ചെയ്ത ഇന്റര്‍വ്യൂ മെമ്മോ, ഒ.ടി.വി സർട്ടിഫിക്കറ്റിന്റെ പകര്‍പ്പ്, ബയോഡേറ്റാ ഫോം, വിദ്യാഭ്യാസ യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകള്‍, അസ്സല്‍ തിരിച്ചറിയല്‍ കാര്‍ഡ് എന്നിവ സഹിത

വയനാട് ജില്ലയില്‍ ആരോഗ്യ വകുപ്പില്‍ ജൂനിയർ പബ്ലിക് ഹെൽത്ത് നഴ്സ് ഗ്രേഡ് 2 (സ്പെഷ്യൽ റിക്രൂട്ട്മെന്റ്, കാറ്റഗറി നമ്പർ - 339/2020) തസ്തികയിലേക്ക് 2023 ഏപ്രിൽ 11ന് നിലവില്‍ വന്ന റാങ്ക് പട്ടിക 2026 ഏപ്രിൽ 10ന് കാലാവധി പൂര്‍ത്തിയായതോടെ ഏപ്രിൽ 11 മുതല്‍ റദ്ദാക്കിയതായി ജില്ലാ പി.എസ്.സി ഓഫീസർ അറിയിച്ചു

കൽപ്പറ്റ പുത്തൂർവയലിലുള്ള എസ്.ബി.ഐ ആർസെറ്റിയിൽ മെയ് 11ന് ആരംഭിക്കുന്ന 6 ദിവസത്തെ സൗജന്യ കേക്ക് നിർമാണ പരിശീലനത്തിന് അപേക്ഷ ക്ഷണിച്ചു. 18നും 50നും ഇടയിൽ പ്രായമുള്ള തൊഴിൽരഹിതരായ യുവതീ - യുവാക്കൾക്കാണ് അവസരം. ഫോൺ: 7012992238, 8078711040

മൃഗ സംരക്ഷണ വകുപ്പിന് കീഴിൽ ജില്ലയ്ക്ക് അനുവദിച്ച മൊബൈൽ വെറ്ററിനറി യൂണിറ്റിലേക്ക് വെറ്ററിനറി  സർജനെ താത്കാലികാടിസ്ഥാനത്തിൽ നിയമിക്കുന്നു. വെറ്ററിനറി ബിരുദമുള്ള ഉദ്യോഗാർത്ഥികൾ  ബയോഡേറ്റ, യോഗ്യതാ സർട്ടിഫിക്കറ്റുകൾ, തിരിച്ചറിയൽ രേഖ, വെറ്ററിനറി കൗൺസിൽ രജിസ്ട്രേഷൻ സർട്ടിഫിക്കറ്റ് എന്നിവയുടെ അസ്സലും പകർപ്പുമായി മെയ് 12 ഉച്ചയ്ക്ക് 2ന് ജില്ലാ മൃഗസംരക്ഷണ ഓഫീസിൽ എത്തണം. ഫോൺ: 04936 202292

മീനങ്ങാടി സാമൂഹിക ആരോഗ്യ കേന്ദ്രത്തിലെ സായാഹ്ന ഒ.പിയിലേക്ക് ദിവസ വേതന വ്യവസ്ഥയിൽ ഡോക്ടർ, നഴ്സ്, ഫാർമസിസ്റ്റ് എന്നിവരെ നിയമിക്കുന്നു. ഡോക്ടർക്ക് എം.ബി.ബി.എസും ടി.സി.എം.സി രജിസ്ട്രേഷനുമാണ് യോഗ്യത. നഴ്സിന് പ്ലസ് ടു സയൻസ്, ജി.എൻ.എം അല്ലെങ്കിൽ ബി.എസ്.സി നഴ്സിങ്, കെ.എൻ.എം.സി രജിസ്ട്രേഷൻ എന്നിവയാണ് യോഗ്യത. ഫാർമസിസ്റ്റിന് അംഗീകൃത സ്ഥാപനത്തിൽ നിന്നുള്ള ഡി.ഫാം അല്ലെങ്കിൽ ബി.ഫാം യോഗ്യതയും ഫാർമസി കൗൺസിൽ രജിസ്ട്രേഷനും ആവശ്യമാണ്. താത്പര്യമുള്ളവർ മെയ് 18 രാവിലെ 10ന് അഭിമുഖത്തിന് ഹാജരാവണം. ഫോൺ: 04936 247290

ഒരാഴ്ച്ച നീണ്ടുനിൽക്കുന്ന  യുവ ആപ്ദ മിത്ര സ്കീം (വൈ എ എം എസ്) – മൈ ഭാരത് വളണ്ടിയർ പരിശീലന പരിപാടിക്ക് ജില്ലയിൽ തുടക്കം കുറിച്ചു.  ജില്ലാ കളക്ടറും ജില്ലാ ദുരന്ത നിവാരണ അതോറിറ്റി ചെയർപേഴ്സണുമായ ജി പ്രിയങ്ക  ഉദ്ഘാടനം ചെയ്തു. 

യുവ വളണ്ടിയർമാരെ ദുരന്ത നിവാരണ പ്രവർത്തനങ്ങൾക്കും അടിയന്തര പ്രതികരണ പ്രവർത്തനങ്ങൾക്കും സജ്ജരാക്കുക എന്നതാണ് മെയ് 18 വരെ നീണ്ടുനിൽക്കുന്ന പരിശീലന പരിപാടിയുടെ ലക്ഷ്യം.

കൽപ്പറ്റ എൻ.എം.എസ്.എം ഗവ. കോളേജിൽ കെമിസ്ട്രി വിഭാഗത്തിൽ ഗസ്റ്റ് അധ്യാപക നിയമനം നടത്തുന്നു. കെമിസ്ട്രിയിൽ ബിരുദാനന്തര ബിരുദവും നെറ്റ്/പി.എച്ച്.ഡി യോഗ്യതയുമുള്ള, കോളേജ് വിദ്യാഭ്യാസ വകുപ്പ് ഉപഡയറക്ടറേറ്റിൽ രജിസ്റ്റർ ചെയ്തിട്ടുള്ള ഉദ്യോഗാർത്ഥികൾ സർട്ടിഫിക്കറ്റുകളുടെ അസ്സലും പകർപ്പുകളുമായി മെയ് 12 ഉച്ചയ്ക്ക് 2 മണിക്ക് കോളേജ് ഓഫീസിൽ എത്തണം. ഫോൺ:  04936 204569

കേരളത്തിൽ 2026-ലെ സെൻസസ് (കാനേഷുമാരി) നടപടികൾ ആരംഭിക്കുന്നതിന്റെ ഭാഗമായി എറണാകുളം ജില്ലയിൽ 
ജൂൺ 16 മുതൽ 15 ദിവസത്തെ സെൽഫ് എന്യുമറേഷനുമായി  പൊതു ജനങ്ങൾ പൂർണമായി സഹകരിക്കണമെന്ന് 
പ്രിൻസിപ്പൽ  സെൻസസ് ചാർജ് ഓഫീസർ കൂടിയായ ജില്ലാ കളക്ടർ ജി പ്രിയങ്ക അഭ്യർത്ഥിച്ചു.

ജില്ലയിലെ നിയമസഭാ തിരഞ്ഞെടുപ്പ് നടപടിക്രമങ്ങൾ മികച്ച രീതിയിൽ പൂർത്തിയാക്കിയ ഉദ്യോഗസ്ഥരെ അഭിനന്ദിച്ച് ജില്ലാ കളക്ടർ ജി. പ്രിയങ്ക. ഒരു ടീം ആയി പ്രവർത്തിച്ചത് വഴിയാണ് കുറ്റമറ്റ രീതിയിൽ തിരഞ്ഞെടുപ്പ് പ്രവർത്തനങ്ങൾ പൂർത്തിയാക്കാനായത് എന്ന് ജില്ലാ കളക്ടർ ജി. പ്രിയങ്ക പറഞ്ഞു.

കെട്ടിട നിർമാണ തൊഴിലാളി ക്ഷേമനിധി അംഗങ്ങളുടെ ആശ്രിതർക്ക് 50 ശതമാനം ഫീസിളവോടെ സിവിൽ സർവീസ് പരിശീലനം നൽകുന്നു. കേരള ഇൻസ്റ്റിറ്റ്യൂട്ട് ഓഫ് ലേബർ ആന്റ് എംപ്ലോയ്മെന്റ് സംഘടിപ്പിക്കുന്ന പരിശീലനത്തിൽ ബിരുദധാരികൾക്കും അവസാന വർഷ വിദ്യാർത്ഥികൾക്കും അപേക്ഷിക്കാം. ക്ഷേമനിധി ബോർഡിൽ നിന്നുള്ള ആശ്രിത സർട്ടിഫിക്കറ്റ് സഹിതം www.kile.kerala.gov.in/kileiasacademy എന്ന വെബ്‍സൈറ്റ് വഴി അപേക്ഷ നൽകണം. ഫോൺ: 0471 2479966, 8075768537