കോട്ടായി ഗവ.പ്രീമെട്രിക് ഹോസ്റ്റലിലേക്ക് മേട്രണ്‍ കം റസിഡന്റ് ട്യൂട്ടര്‍ നിയമനത്തിനുള്ള അപേക്ഷ ക്ഷണിച്ചു. കരാര്‍ അടിസ്ഥാനത്തിലാണ് നിയമനം. വൈകീട്ട് നാല് മുതല്‍ എട്ട് വരെയാണ് ട്യൂട്ടറുടെ പ്രവൃത്തി സമയം. ബിരുദവും ബി.എഡുമാണ് യോഗ്യത (അധിക യോഗ്യത അഭികാമ്യം). അപേക്ഷകര്‍ കുഴല്‍മന്ദം ബ്ലോക്ക് പരിധിയില്‍ സ്ഥിര താമസക്കാരായിരിക്കണം. അപേക്ഷകള്‍ മെയ് 22 വൈകീട്ട് അഞ്ച് വരെ കുഴല്‍മന്ദം ബ്ലോക്ക് പട്ടികജാതി വികസന ഓഫീസില്‍ സ്വീകരിക്കും. കൂടുതല്‍ വിവരങ്ങള്‍ക്ക് ഫോണ്‍: 8547630127.

അട്ടപ്പാടി അഗളി കോ-ഓപ്പറേറ്റീവ് ഫാമിങ് സൊസൈറ്റി യുടെ കീഴില്‍ ചിണ്ടക്കിയില്‍ പ്രവര്‍ത്തിക്കുന്ന അട്ടപ്പാടി ആദിവാസി ഹൈസ്‌കൂളിലേക്ക് അധ്യാപകരെ നിയമിക്കുന്നു. എച്ച്.എസ്.ടി ഹിന്ദി, ഇംഗ്ലീഷ്, മലയാളം, ബയോളജി, ഗണിതശാസ്ത്രം, ഫിസിക്കല്‍ സയന്‍സ്, സോഷ്യല്‍ സയന്‍സ്, ഫിസിക്കല്‍ എജുക്കേഷന്‍, ഇന്‍ഫര്‍മേഷന്‍ ടെക്നോളജി ഇന്‍സ്ട്രക്ടര്‍ എന്നിവയില്‍ ഒരോ ഒഴിവും പ്രൈമറി വിഭാഗം ടീച്ചര്‍ തസ്തികയില്‍ മൂന്ന് ഒഴിവുമാണുള്ളത്.

മുട്ടിക്കുളങ്ങരയിലെ സേവകിലേക്ക് (സെല്‍ഫ് എംപ്ലോയ്ഡ് വര്‍ക്കേഴ്‌സ് അസോസിയേഷന്‍ കേന്ദ്ര) കരാര്‍ അടിസ്ഥാനത്തില്‍ പാചകക്കാരെ (പുരുഷന്‍/സ്ത്രീ) നിയമിക്കുന്നു. പട്ടികജാതി/പട്ടികവര്‍ഗ, ഒ.ബി.സി, സാമൂഹികവും സാമ്പത്തികവുമായി പിന്നാക്കവിഭാഗത്തില്‍പെട്ട പ്രവൃത്തിപരിചയമുള്ളവരില്‍ നിന്നാണ് അപേക്ഷ ക്ഷണിച്ചത്. അഞ്ച് വര്‍ഷത്തെ പ്രവര്‍ത്തി പരിചയമുള്ള പുരുഷന്മാര്‍ക്ക്  മുന്‍ഗണന. താല്‍പര്യമുള്ളവര്‍ ബയോഡാറ്റയും അനുബന്ധ രേഖകളും സഹിതം മാനേജര്‍, സേവക്, മുട്ടികുളങ്ങര, പാലക്കാട്-678594 വിലാസത്തില്‍ മെയ് 18നകം അപേക്ഷ ലഭ്യമാക്കണം. ഫോണ്‍: 7559075414, 7558892580.

ജില്ലയിലെ പട്ടികവര്‍ഗ വികസന ഓഫീസിന്റെ നിയന്ത്രണത്തിലുള്ള ഹോസ്റ്റലുകളിലെയും മലമ്പുഴ ആശ്രമം സ്‌കൂളിലേയും കുക്ക്/ ഹെല്‍പ്പര്‍, വാച്ച്മാന്‍ തസ്തികകളിലേക്ക് ദിവസവേതനാടിസ്ഥാനത്തില്‍ താല്‍ക്കാലിക നിയമനം നടത്തുന്നു. കുക്ക്/ ഹെല്‍പ്പര്‍ യോഗ്യത- ഏഴാം ക്ലാസ്, പ്രായപരിധി 25- 55 വയസ്. വാച്ച്മാന്‍ -എസ്എസ്എല്‍സി, പ്രായപരിധി 25- 50 വയസ്.  പട്ടികവര്‍ഗ വിഭാഗത്തില്‍പ്പെട്ടവര്‍ക്കും ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ട് സര്‍ട്ടിഫിക്കറ്റ് ഉള്ളവര്‍ക്കും മുന്‍ഗണന.

മുഖ്യമന്ത്രി വി. ഡി. സതീശന്റെ നേതൃത്വത്തിലുള്ള മന്ത്രിസഭ സത്യപ്രതിജ്ഞ ചെയ്ത് അധികാരമേറ്റു. സെക്രട്ടേറിയറ്റിന് സമീപത്തെ സെൻട്രൽ സ്റ്റേഡിയത്തിലെ പ്രത്യേക വേദിയിൽ ഗവർണർ രാജേന്ദ്ര വിശ്വനാഥ് ആർലേക്കർ സത്യവാചകം ചൊല്ലിക്കൊടുത്തു.

എന്‍.എച്ച്.എമ്മിന് നേതൃത്വത്തിലുള്ള സ്റ്റേറ്റ് ഹെല്‍ത്ത് സിസ്റ്റംസ് റിസേഴ്‌സ് സെന്റര്‍ കേരളയില്‍ ഐ.സി.എം.ആര്‍ പ്രോജക്റ്റിലേക്ക് കരാര്‍ അടിസ്ഥാനത്തില്‍ നിയമനം നടത്തുന്നു. പ്രോജക്റ്റ് ടെക്ക്നിക്കല്‍ സപ്പോര്‍ട്ട് രണ്ട് തസ്തികയിലാണ് ഒഴിവ്. യോഗ്യരായവര്‍ക്ക് സര്‍ട്ടിഫിക്കറ്റുകള്‍ സഹിതം മെയ് 18ന് രാവിലെ 9.30ന് നടക്കുന്ന വോക്ക് ഇന്‍ ഇന്റര്‍വ്യൂവിന് പങ്കെടുക്കാമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു. വിവരങ്ങള്‍ shsrc.kerala.gov.in ല്‍ ലഭിക്കും.