ജില്ലാമെഡിക്കല്‍ ഓഫീസുമായി(ആരോഗ്യം) സഹകരിച്ച് ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്‍റെ ആഭിമുഖ്യത്തില്‍ തുമ്പമണ്‍ പഞ്ചായത്തിലെ മുട്ടം വൈഎംസിഎ ഹാളില്‍ ഇന്ന്(16) രാവിലെ 10ന് ആരോഗ്യബോധവത്കരണ സെമിനാറും പ്രദര്‍ശനവും നടത്തും. 
(പിഎന്‍പി 3381/17)
 

ജില്ലാ കളക്ടറുടെ പരാതി പരിഹാര അദാലത്ത് ഇന്ന്(16) രാവിലെ 9.30ന് തിരുവല്ല ഡിടിപിസി സത്രം ഓഡിറ്റോറിയത്തില്‍ നടക്കും. സിഎംഡിആര്‍എഫ്, എല്‍ആര്‍എം കേസുകള്‍, റേഷന്‍ കാര്‍ഡ് സംബന്ധിച്ച പരാതികള്‍, സ്റ്റാറ്റ്യൂട്ടറിയായി ലഭിക്കേണ്ട പരിഹാരം എന്നിവ ഒഴിച്ചുള്ള എല്ലാ വിഷയങ്ങളും അദാലത്തില്‍ പരിഗണിക്കും. പൊതുജനങ്ങള്‍ക്ക് നേരിട്ട് കളക്ടറെ കണ്ട് പരാതി നല്‍കാം.  ഗ്രീന്‍പ്രോട്ടോക്കോള്‍ പാലിച്ചായിരിക്കും അദാലത്ത് നടത്തുക. അദാലത്തില്‍  ജില്ലാ കളക്ടര്‍ക്കൊപ്പം ജില്ലാതല ഉദ്യോഗസ്ഥരും താലൂക്ക്തല ഉദ്യോഗസ്ഥരും പങ്കെടുക്കും.                                 (പിഎന്‍പി 3380/17)

    ശബരിമല തീര്‍ഥാടനം  പ്രമാണിച്ച് ഇന്ന് (16ന് ) രാത്രി തുറന്നു പ്രവര്‍ത്തിക്കുന്ന മെഡിക്കല്‍ സ്റ്റോറുകള്‍:    തുണ്ടിയില്‍ മെഡിക്കല്‍സ് കുമ്പഴ പത്തനംതിട്ട, പൊയ്യാനില്‍ ഹോസ്പിറ്റല്‍ കോഴഞ്ചേരി, അര്‍ച്ചന മെഡിക്കല്‍സ് കോന്നി, ഓര്‍മ മെഡിക്കല്‍സ് കെഎസ്ആര്‍ടിസിക്കു സമീപം അടൂര്‍, മേലൂട്ടില്‍ മെഡിക്കല്‍സ് പന്തളം, വൃന്ദാവനം മെഡിക്കല്‍സ് തിരുവല്ല, മേമന മെഡിക്കല്‍സ് അങ്ങാടി റാന്നി, പ്രതിഭ മെഡിക്കല്‍സ് മഠത്തുമൂഴി  വടശേരിക്കര.
(52/17) 

    ഹരിതകേരളം മിഷന്‍റെ ഒന്നാം വാര്‍ഷികത്തോടനുബന്ധിച്ച് സംഘടിപ്പിച്ചിട്ടുള്ള  ഹരിതം 2017 പ്രദര്‍ശനം തിരുവനന്തപുരം വെള്ളയമ്പലം മാനവീയം വീഥിയില്‍ തുടങ്ങി. വെള്ളം, വൃത്തി, വിളവ് എന്നിവ മുന്‍നിര്‍ത്തിയും കേരളത്തിന്‍റെ ഹരിത സമൃദ്ധിയുടെ വീണ്ടെടുപ്പ് ലക്ഷ്യമിട്ടും പ്രവര്‍ത്തിക്കുന്ന ഹരിതകേരളം മിഷന്‍റെ പ്രവര്‍ത്തനങ്ങളെ ആധാരമാക്കിയാണ് പ്രദര്‍ശനം.  ഡിസംബര്‍ 17 വരെ  രാവിലെ 9.30 മുതല്‍  രാത്രി 8.30 വരെയാണ്  പ്രദര്‍ശനം. 

കാക്കനാട്: മുഴുവന്‍ ഭൂരഹിതര്‍ക്കും ഭൂമി ലഭ്യമാക്കുക എന്ന ലക്ഷ്യം പൂര്‍ത്തീകരിക്കുന്നതിന്റെ ഭാഗമായി ജില്ലയിലെ അര്‍ഹരായ ഗുണഭോക്താക്കള്‍ക്ക് പട്ടയവും ക്രയസര്‍ട്ടിഫിക്കറ്റും വിതരണം ചെയ്യുന്നതിനായി സംഘടിപ്പിക്കുന്ന പട്ടയവിതരണ മേള എറണാകുളം ടൗണ്‍ ഹാളില്‍ ഡിസംബര്‍ 18 ന് ഉച്ചകഴിഞ്ഞ് മൂന്നിന് 

കാക്കനാട്: ദേശീയ നഗര ഉപജീവന മിഷന്‍ പദ്ധതി നടപ്പാക്കുന്ന നഗരസഭകളിലെ വിവിധ പദ്ധതി പ്രവര്‍ത്തനങ്ങള്‍ ഫീല്‍ഡ് തലത്തില്‍ നടപ്പാക്കുന്നതിന് തൃക്കാക്കര, കളമശേരി, ഏലൂര്‍, തൃപ്പൂണിത്തുറ നഗരസഭകളിലേക്ക് കമ്മ്യൂണിറ്റി ഓര്‍ഗനൈസര്‍മാരെ 12 മാസത്തേക്ക് കരാര്‍ അടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു. അപേക്ഷകര്‍ കുടുംബശ്രീ അംഗങ്ങളായ വനിതകളായിരിക്കണം. ഉദ്യോഗാര്‍ഥികള്‍ അതാത് നഗരസഭ പരിധിയില്‍ താമസിക്കുന്നവരാകണം. അടിസ്ഥാന യോഗ്യത പ്ലസ് ടു. കംപ്യൂട്ടര്‍ പരിജ്ഞാനം അഭികാമ്യം. സാമൂഹ്യ വികസനവുമായി ബന്ധപ്പെട്ട മേഖലയില്‍ മൂന്നു വര്‍ഷത്തെ പ്രവൃത്തി പരിചയം ഉണ്ടായിരിക്കണം.

മിഷന്‍ഗ്രീന്‍ ശബരിമല പദ്ധതിയുടെ ഭാഗമായി പ്ലാസ്റ്റിക് ഉപയോഗത്തിനെതിരേ തീര്‍ഥാടകരെ ബോധവത്കരിക്കുന്ന പദ്ധതിയുടെ രണ്ടാംഘട്ടത്തിന് തുടക്കമായി. പത്തനംതിട്ട കെഎസ്ആര്‍ടിസി ബസ് സ്റ്റാന്‍ഡിനു സമീപം ജില്ലാ കളക്ടര്‍ ആര്‍. ഗിരിജ കര്‍ണാടകത്തില്‍ നിന്നുള്ള തീര്‍ഥാടകര്‍ക്ക്  തുണി സഞ്ചികള്‍ നല്‍കി കൊണ്ടാണ് രണ്ടാംഘട്ട പ്രവര്‍ത്തനങ്ങള്‍ക്ക് തുടക്കമിട്ടത്.