ജില്ലയിലെ തദ്ദേശസ്വയംഭരണ സ്ഥാപനങ്ങളിലെ 2017-18 വാര്‍ഷികപദ്ധതിയിലെ ഭേദഗതി പ്രൊജക്ടിനുളള അംഗീകാരം നല്‍കുന്നതിനായി ജില്ലാ ആസൂത്രണ സമിതി യോഗം ജില്ലാ പഞ്ചായത്ത് കൗണ്‍സില്‍ ഹാളില്‍ ഡിസംബര്‍ 23-ന് രാവിലെ 11 മണിക്ക് ചേരുമെന്ന് ജില്ലാ കലക്ടര്‍ അറിയിച്ചു. 

ആലപ്പുഴ: സ്വാമി വിവേകാനന്ദന്റെ കേരള സന്ദർശനത്തിന്റെ പ്രധാന്യം വിളിച്ചോതി 'വിവേകാനന്ദസ്പർശം' ജില്ലാതല ആഘോഷം. സ്വാമി വിവേകാനന്ദൻ കേരളം സന്ദർശിച്ചതിന്റെ 125-ാം വാർഷികത്തോടനുബന്ധിച്ച് സാംസ്‌കാരിക വകുപ്പ് ആലപ്പുഴ ടൗൺ ഹാളിൽ സംഘടിപ്പിച്ച വിവേകാനന്ദ സ്പർശം പരിപാടിയുടെ ജില്ലാതല ഉദ്ഘാടനം നഗരസഭ ചെയർമാൻ തോമസ് ജോസഫ് നിർവഹിച്ചു. ആശാൻ സ്മാരക സമിതി ചെയർമാൻ രാജീവ് ആലുങ്കൽ മുഖ്യപ്രഭാഷണം നടത്തി. 

        പാലക്കാട് ടൗണ്‍ ബസ് സ്റ്റാന്‍റില്‍ ടി.ബി കോംപ്ലക്സില്‍ പ്രവര്‍ത്തിക്കുന്ന കേരള സംസ്ഥാന കൈത്തറി വികസന കോര്‍പ്പറേഷന്‍ ഷോറൂമില്‍ ക്രിസ്തുമസിനോടനുബന്ധിച്ച് കൈത്തറി തുണിത്തരങ്ങള്‍ക്ക്  20 ശതമാനം റിബേറ്റ് അനുവദിച്ചതായി ഷോറൂം ഇന്‍ചാര്‍ജ്ജ് അറിയിച്ചു. ഡിസംബര്‍ 20 മുതല്‍ 24 വരെയാണ് വിലക്കിഴിവ് ലഭിക്കുക. വിവിധ ഇനം കൈത്തറി മുണ്ടുകള്‍, സെറ്റുമുണ്ടുകള്‍, സെറ്റ് സാരികള്‍, ത്രഡ് വര്‍ക്ക് സാരികള്‍, ബംഗാള്‍ കോട്ടണ്‍ സാരികള്‍, സില്‍ക്ക് സാരികള്‍, ബെഡ്ഷീറ്റുകള്‍, പില്ലോകവര്‍, യൂണിഫോം തുണിത്തരങ്ങള്‍, ഷര്‍ട്ടിങ്ങുകള്‍, ടര്‍ക്കി, തോര്‍ത്ത് കൂടാതെ മറ്റ് തൂണിത്തരങ്ങളും ലഭ്യമാണ്.

    ജില്ലാ എംപ്ലോയ്മെന്‍റ് എക്സ്ചേഞ്ചിന്‍റെ ഭാഗമായ എംപ്ലോയബിലിറ്റി സെന്‍റര്‍ മുഖേന സ്വകാര്യ മേഖലകളിലെ തൊഴിലവസരങ്ങള്‍ മുന്‍നിര്‍ത്തി ഡിസംബര്‍ 28 ന് മിനി ജോബ് ഫെസ്റ്റ് നടത്തുന്നു. കഞ്ചിക്കോട് മേനോന്‍പാറയിലുളള ചാത്തകുളം ബിസിനസ്സ് സ്കൂളിലാണ് മേള നടക്കുക. പ്ലസ്ടു, എസ്.എസ്.എല്‍.സി, ഡിഗ്രി (ബി.എ, ബി.എസ്.സി, ബി.സി.എ, ബി.കോം, ബി.ബി.എ) എം.ബി.എ,  ഏതങ്കിലും ബിരുദാനന്തര ബിരുദം യോഗ്യതയുളളവരെയാണ് പരിഗണിക്കുക. ബാങ്കിങ്ങ്, ഇന്‍ഷുറന്‍സ്, ഐടി, റീടെയല്‍, ലൊജിസ്ടിക്സ്, ഹ്യൂമന്‍ റിസോഴ്സ് മേഖലകളിലേക്കാണ് അവസരം.

    വിദ്യാഭ്യാസ വകുപ്പില്‍ FTJLT (അറബിക്) എല്‍.പി.എസ് (എന്‍.സി.എ - എസ്.സി & എസ്.ടി) (കാറ്റഗറി നം. 403/16 & 404/16), ജഠഒടഅ (സംസ്‌കൃതം) (കാറ്റഗറി നം. 468/13) തസ്തികകളിലേക്ക് സ്വീകാര്യമായ അപേക്ഷ സമര്‍പ്പിക്കപ്പെട്ട ഉദ്യോഗാര്‍ത്ഥികള്‍ക്കായി ഇന്നും (ഡിസംബര്‍ 20) നാളെയും (ഡിസംബര്‍ 21) പി.എസ്.സി യുടെ കോഴിക്കോട് ജില്ലാ ഓഫീസില്‍ അഭിമുഖം നടത്തും. ഉദ്യോഗാര്‍ത്ഥികള്‍ക്കുളള വ്യക്തിഗത അറിയിപ്പ് ലഭിക്കാത്ത ഉദ്യോഗാര്‍ത്ഥികള്‍ കമ്മീഷന്റെ കോഴിക്കോട് ജില്ലാ ഓഫീസുമായി ബന്ധപ്പെടേണ്ടതാണ്.
 

ഭക്ഷ്യ ഭദ്രതാ നിയമത്തിന്റെ ഭാഗമായി വടകര താലൂക്കിലെ മത്സ്യ തൊഴിലാളികള്‍ ഫിഷറീസ് കാര്യാലയത്തില്‍ മുന്‍ഗണനാ കാര്‍ഡാക്കി മാറ്റി ലഭിക്കുന്നതിന് സമര്‍പ്പിച്ച അപേക്ഷകളിന്‍ മേലുള്ള പരിശോധന ഡിസംബര്‍ 21 ന് വടകര താലൂക്ക് സപ്ലൈ ഓഫീസില്‍  നടത്തുന്നതാണെന്ന് താലൂക്ക് സപ്ലൈ ഓഫീസര്‍ അറിയിച്ചു.  അപേക്ഷകര്‍  നിശ്ചിത ദിവസം 10.30 മണിക്കും 3.30 നും ഇടയില്‍ അപേക്ഷയില്‍ പറഞ്ഞ വസ്തുതകള്‍ സ്ഥിരീകരിക്കുന്നതിന് ആവശ്യമായ രേഖകളും പഴയതും പുതിയതുമായ റേഷന്‍ കാര്‍ഡുകളും സഹിതം ഹാജരാകണം.
 

ഖാദി ക്രിസ്മസ്, പുതുവത്സര മേള ജില്ലയില്‍ ആരംഭിച്ചു. സില്‍ക്ക് സാരികള്‍, ഖാദി റെഡിമെയ്ഡ് ഷര്‍ട്ടുകള്‍, പര്‍ദ്ദകള്‍ തുടങ്ങിയവ 30 ശതമാനം റിബേറ്റില്‍ ഡിസംബര്‍ 30 വരെ ലഭിക്കും. ആകര്‍ഷകമായ പത്ത് ഡിസൈനുകളില്‍ പര്‍ദ്ദകള്‍ ലഭ്യമാണ്. 
കോഴിക്കോട് ജില്ലാ ഖാദിഗ്രാമവ്യവസായത്തിനുകീഴിലുള്ള ചെറൂട്ടി ഖാദി ഗ്രാമ സൗഭാഗ്യയില്‍ പ്രൊജക്ട് ഓഫീസര്‍ കെ.പി. ദിനേശ് കുമാര്‍ മേളയുെടജില്ലാതല ഉദ്ഘാടനം നിര്‍വ്വഹിച്ചു. അസിസ്റ്റന്റ് രജിസ്ട്രാര്‍ കെ.ഷിബി, ജൂനിയര്‍ സൂപ്രണ്ട് ഒ.അനില കുമാരി, സി. പ്രകാശന്‍ എന്നിവര്‍ സംസാരിച്ചു.