ആപ്പുഴ: ദേശീയജലജന്യരോഗ നിയന്ത്രണ പരിപാടിയുടെ ഭാഗമായി ജില്ലയിലെ ഹൈസ്‌കൂൾ, ഹയർ സെക്കൻഡറി വിദ്യാർഥികൾക്കായി ആരോഗ്യവകുപ്പ് ക്വിസ് മത്സരം നടത്തുന്നു. ഡിസംബർ 23ന് രാവിലെ 9.30ന് ജനറൽ ആശുപത്രിയിൽ പ്രവർത്തിക്കുന്ന ജില്ലാ മെഡിക്കൽ ഓഫീസ് കോൺഫറൻസ് ഹാളിലാണ് മത്സരം. ഒന്നും രണ്ടും മൂന്നും സ്ഥാനം നേടുന്ന വിജയികൾക്ക് 2000, 1500, 1000 രൂപയുടെ കാഷ് അവാർഡ് നൽകും. താൽപര്യമുള്ളവർ രാവിലെ 9.30ന് എത്തണം.

(പി.എൻ.എ.3072/17)

ആലപ്പുഴ: അർത്തുങ്കൽ വില്ലേജിലെ സർവ്വേ നമ്പർ 31/14-3, 31/14-2, എന്നിവയിൽപ്പെട്ട 01.21 ആർസ് വസ്തുവും അതിലെ നിൽപ്പ് ചമയങ്ങളും ഡിസംബർ 21ന് രാവിലെ 11നും കുത്തിയതോട് വില്ലേജിൽ സർവ്വേ നമ്പർ 108/17-3ൽപ്പെട്ട 05.26  ആർസ് വസ്തുവിൽപ്പെട്ട 1.93 ആർസ് വസ്തുവും അതിലെ നിൽപ്പ് ചമയങ്ങളും ഡിസംബർ 22ന് രാവിലെ 11.30നും അതത് വില്ലേജ് ഓഫീസിൽ ലേലം ചെയ്യും.

(പി.എൻ.എ.3071/17)

ആലപ്പുഴ: ഉജ്ജ്വല ബാല്യം പുരസ്‌കാരത്തിന് വനിതാ ശിശു വികസന വകുപ്പ് അപേക്ഷ ക്ഷണിച്ചു. കല, കായികം, സാഹിത്യം, ശാസ്ത്രം, സാമൂഹികം തുടങ്ങിയ ഏതെങ്കിലും മേഖലകളിൽ അസാധാരണ കഴിവുള്ള കുട്ടികളെയാണ് പുരസ്‌കാരത്തിന് പരിഗണിക്കുക. അഞ്ചിനും 18നും പ്രായമുള്ളവർക്ക് അപേക്ഷിക്കാം. അപേക്ഷ ഡിസംബർ 26 വരെ സ്വീകരിക്കും. ജില്ലയിൽ ഒരു കുട്ടിക്കാണ് പുരസ്‌കാരം നൽകുക. 25000 രൂപയും സർട്ടിഫിക്കറ്റും ട്രോഫിയും അടങ്ങുന്നതാണ് പുരസ്‌കാരം. അപേക്ഷാ ഫോമും വിശദവിവരങ്ങളും ആലപ്പുഴ കോൺവെന്റ് സ്‌ക്വയറിന് സമീപം പ്രവർത്തിക്കുന്ന ജില്ലാ ശിശു സംരക്ഷണ യുണിറ്റിൽ ലഭിക്കും. ഫോൺ: 0477-2241644.

(പി.എൻ.എ.3070/17)

ആലപ്പുഴ: സംസ്ഥാന മത്സ്യത്തൊഴിലാളി കടാശ്വാസ കമ്മിഷൻ ഡിസംബർ 26ന് ഗസ്റ്റ് ഹൗസിൽ  സിറ്റിങ്് നടത്തും. കമ്മിഷനിൽ നിന്നു നോട്ടീസ്  ലഭിച്ച അപേക്ഷകരും ബന്ധപ്പെട്ട ബാങ്കിന്റെ പ്രതിനിധികളും രാവിലെ 10ന് ഹാജരാകണം. 

(പി.എൻ.എ.306917)

    മലമ്പുഴ ഉദ്യാനം ശുചീകരണം,  ബസ് സ്റ്റാന്‍റ് നവീകരണം ,  ജയില്‍ നിര്‍മാണം എന്നിവ വിലയിരുത്താന്‍ സ്ഥലം എം.എല്‍.എയും ഭരണപരിഷ്കരണ കമീഷന്‍ ചെയര്‍മാനുമായ വി.എസ് അച്യുതാനന്ദന്‍ നേരിട്ട് സന്ദര്‍ശനം നടത്തി. ഉദ്യാനത്തിന്‍റെ ശുചീകരണവുമായി ബന്ധപ്പെട്ട അവലോകനവും  തുടര്‍പ്രവര്‍ത്തനങ്ങളും കാര്യക്ഷമമായി നടപ്പാക്കണമെന്ന് അദ്ദേഹം ഉദ്യോഗസ്ഥര്‍ക്ക് നിര്‍ദ്ദേശം നല്‍കി.  സന്ദര്‍ശനത്തില്‍ ജലസേചനവകുപ്പ് ഉദ്യോഗസ്ഥരും തദ്ദേശസ്ഥാപന പ്രതിനിധികളും പങ്കെടുത്തു.

ആലപ്പുഴ: ലൈസൻസില്ലാതെ ഫാക്ടറി നടത്തിയതിനും നിയമലംഘനം നടത്തിയതിനും കലവൂർ സ്വദേശിക്ക് ആലപ്പുഴ ചീഫ് ജുഡീഷ്യൽ മജിസ്‌ട്രേറ്റ് പിഴ ശിക്ഷ വിധിച്ചു. ഫാക്ടറീസ് ആൻഡ് ബോയിലേഴ്‌സ് ഇൻസ്‌പെക്ടർ പി. ജിജു ഫയൽ ചെയ്ത രണ്ട് കേസുകളിൽ 25,000, 5,000 രൂപ വീതമാണ് ശിക്ഷ വിധിച്ചത്. 

(പി.എൻ.എ.3068/17)

നാളെ (ഡിസംബര്‍ 20-ന്) നടത്താനിരുന്ന പാലക്കാട് റീജിനല്‍ ട്രാന്‍സ്പോര്‍ട്ട് അതോറിറ്റി യോഗം  ഡിസംബര്‍ 28-ന് രാവിലെ 10.30-ന് കലക്ടറേറ്റ് സമ്മേളനഹാളില്‍ നടക്കുമെന്ന് സെക്രട്ടറി അറിയിച്ചു.