പുതിയ ബയോമെട്രിക് പഞ്ചിംഗ് സംവിധാനം ഏര്‍പ്പെടുത്തിയ സെക്രട്ടേറിയറ്റില്‍ ഇന്നലെ (ജനുവരി 3) രാവിലെ 10.15നകം ഹാജര്‍ രേഖപ്പെടുത്തിയത് 2873 പേര്‍. 716 പേര്‍ വൈകിയാണ് ഹാജര്‍ രേഖപ്പെടുത്തിയത്. 908 പേര്‍ ഹാജര്‍ രേഖപ്പെടുത്തിയിട്ടില്ല. തിങ്കളാഴ്ച കൃത്യസമയത്ത് ഹാജര്‍ രേഖപ്പെടുത്തിയത് 3050 പേരായിരുന്നു.

പി.എന്‍.എക്‌സ്.36/18

മാര്‍ച്ചില്‍ നടത്തുന്ന ഫിസിക്കല്‍ എഡ്യൂക്കേഷന്‍ (പ്രൈവറ്റ്) പരീക്ഷയുടെ വിജ്ഞാപനം പ്രസിദ്ധീകരിച്ചു.  വെബ്‌സൈറ്റ്:www.keralapareekshabhavan.in.

പി.എന്‍.എക്‌സ്.35/18

ജനുവരി 12,13 തീയതികളില്‍ തിരുവനന്തപുരത്ത് നടക്കുന്ന ലോകകേരളസഭയ്ക്ക് മുന്നോടിയായുളള ആഗോള കേരളീയ മാധ്യമസംഗമം നാളെ (ജനുവരി 5) കൊല്ലത്ത് നടക്കും. മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യുന്ന സംഗമത്തില്‍ യു. എസ്. എ., ഓസ്‌ട്രേലിയ, ഗള്‍ഫ് നാടുകള്‍, ഇന്ത്യയിലെ വിവിധ നഗരങ്ങള്‍ എന്നിവിടങ്ങളില്‍ നിന്നുള്ള കേരളീയരായ മാധ്യമപ്രതിനിധികള്‍ പങ്കെടുക്കും. ഉച്ചയ്ക്കുശേഷം 2.30 ന് ബീച്ച് ഓര്‍ക്കിഡില്‍ നടക്കുന്ന ചടങ്ങില്‍ മന്ത്രിമാരായ ജെ.മേഴ്‌സിക്കുട്ടിയമ്മ, കെ.രാജു എന്നിവര്‍ പങ്കെടുക്കും.

കോഴിക്കോട് ഇന്‍ഡസ്ട്രിയല്‍ ട്രൈബ്യൂണലും എംപ്ലോയീസ് കോമ്പന്‍സേഷന്‍ കമ്മീഷണറും  എംപ്ലോയീസ് ഇന്‍ഷുറന്‍സ് കോടതി ജഡ്ജിയുമായ കെ.വി. രാധാകൃഷ്ണന്‍ 2018 ജനുവരി ഒമ്പത്, 16, 23 തീയതികളില്‍ കണ്ണൂര്‍ ലേബര്‍ കോടതിയിലും 30 ന് തലശ്ശേരി ബാര്‍ അസോസിയേഷന്‍ ബൈസെന്റിനറി ഹാളിലും 18, 19 തീയതികളില്‍ വയനാട് കല്‍പ്പറ്റ ബാര്‍ അസോസിയേഷന്‍ ഹാളിലും 25 ന് കാസര്‍ഗോഡ് ജില്ലാ ലേബര്‍ ഓഫീസിലും 3, 4, 5, 10, 11, 12 തീയതികളില്‍ ആസ്ഥാനത്തും തൊഴില്‍തര്‍ക്ക കേസുകളും എംപ്ലോയീസ് കോമ്പന്‍സേഷന്‍ കേസുകളും എംപ്ലോയീസ് ഇന്‍ഷുറന്‍സ് കേസുകളും വിചാരണ ചെയ്യും.

പി.എന്‍.എക്‌സ്.33/18

കൊല്ലം ഇന്‍ഡസ്ട്രിയല്‍ ട്രൈബ്യൂണല്‍ സുനിത റാണി എസ്. 2018 ജനുവരി ആറിന് പീരുമേടും ഒമ്പത്, 23 തീയതികളില്‍ പുനലൂരിലും മറ്റു പ്രവൃത്തിദിനങ്ങളില്‍ ആസ്ഥാനത്തും തൊഴില്‍ തര്‍ക്ക കേസുകളും എംപ്ലോയീസ് ഇന്‍ഷുറന്‍സ് കേസുകളും എംപ്ലോയീസ് കോമ്പന്‍സേഷന്‍ കേസുകളും വിചാരണ നടത്തും.

പി.എന്‍.എക്‌സ്.32/18

കേരള സംസ്ഥാന ശാസ്ത്ര സാങ്കേതിക മ്യൂസിയം എട്ടാം ക്ലാസ് വിദ്യാര്‍ത്ഥികള്‍ക്കായി നടത്തുന്ന ഇന്‍കള്‍കെയ്റ്റ് സ്‌കീമിന്റെ സ്‌ക്രീനിംഗ് ടെസ്റ്റ് 2018 ജനുവരി ഏഴിന് വിവിധ ജില്ലാ കേന്ദ്രങ്ങളില്‍ നടത്തും.  ഇതിനകം ഹാള്‍ടിക്കറ്റ് ലഭിച്ചിട്ടില്ലാത്തവര്‍ 0471-2306024, 2306025 എന്നീ നമ്പരുകളില്‍ ബന്ധപ്പെടണം.  വെബ്‌സൈറ്റ് ; www.kstmuseum.com

പി.എന്‍.എക്‌സ്.31/18

കേരള അഗ്രിക്കള്‍ച്ചറല്‍ യൂണിവേഴ്‌സിറ്റിയിലെ 2009 ഒക്ടോബര്‍ 22 ലെ GA/K2/30830/92(ii), നമ്പര്‍ വിജ്ഞാപനപ്രകാരം ക്ലാസ് ഫോര്‍ തസ്തികയിലേയ്ക്ക് നിയമനത്തിന് അപേക്ഷിച്ചവര്‍ക്കുള്ള ഒ.എം.ആര്‍  പരീക്ഷ 2018 ജനുവരി 21 ന് തിരുവനന്തപുരം, കൊല്ലം, കോട്ടയം, എറണാകുളം, തൃശൂര്‍, പാലക്കാട്, കോഴിക്കോട് ജില്ലകളിലെ വിവിധ സെന്ററുകളില്‍ നടത്തും. അര്‍ഹതപ്പെട്ടവര്‍ക്ക് ഹാള്‍ടിക്കറ്റ് അയച്ചിട്ടുണ്ട്. ലഭിക്കാത്തവര്‍ക്ക് ജനുവരി 10 മുതല്‍ www.lbskerala.com എന്ന വെബ്‌സൈറ്റില്‍ നിന്നും ഡൗണ്‍ലോഡ് ചെയ്യാം. ഫോണ്‍ : 0471 2560312, 2560313. 

പി.എന്‍.എക്‌സ്.30/18

കേന്ദ്രീയ സിലബസ് അടിസ്ഥാനമാക്കി കേരളത്തില്‍ പ്രവര്‍ത്തിച്ചു കൊണ്ടിരിക്കുന്ന സി.ബി.എസ്.ഇ, ഐ.സി.എസ്.ഇ, കേന്ദ്രീയ വിദ്യാലയ, നവോദയ വിദ്യാലയങ്ങളെ പങ്കെടുപ്പിച്ചു കൊണ്ട് കേരള സ്‌ടേറ്റ് സ്‌പോര്‍ട്‌സ് കൗണ്‍സിലിന്റെ നേതൃത്വത്തില്‍ ജില്ലാതലത്തിലും തുടര്‍ന്നു സംസ്ഥാനതലത്തിലും കായിക മേള നടത്തും.  ജനുവരി 30, 31 തീയതികളില്‍ തിരുവനന്തപുരം യൂണിവേഴ്‌സിറ്റി സ്റ്റേഡിയത്തിലായിരിക്കും സംസ്ഥാന കായിക മേള നടത്തുന്നത്.

പ്രവാസി ഭാരതീയര്‍ (കേരളീയര്‍) കമ്മീഷന്‍ സിറ്റിംഗ് 2018 ജനുവരി 11 രാവിലെ 10.30ന് തിരുവനന്തപുരം, തൈക്കാട് നോര്‍ക്ക റൂട്ട്‌സ് കെട്ടിടത്തിന്റെ ഏഴാം നിലയിലുളള കമ്മീഷന്‍ ഓഫീസില്‍ നടക്കും.  പ്രവാസികളില്‍ നിന്നും പരാതികള്‍ സ്വീകരിക്കുന്നതിനും ബോധവത്കരണം നടത്തുന്നതിനും അദാലത്തും അന്നു നടക്കും.

പി.എന്‍.എക്‌സ്.28/18

കോട്ടയം ജില്ലയിലെ  സംസ്ഥാന അര്‍ദ്ധസര്‍ക്കാര്‍ സ്ഥാപനത്തില്‍ ഡെമോണ്‍സ്‌ട്രേറ്റര്‍ തസ്തികയില്‍ ഒരു താത്കാലിക ഒഴിവുണ്ട്.  ഈഴവ വിഭാഗത്തിന് സംവരണം ചെയ്തിരിക്കുന്നു.  കുറഞ്ഞത് 50 ശതമാനം മാര്‍ക്കോടെ എസ്.ബി.ടി.ഇ/എന്‍.സി.എച്ച്.എം.സി.ടി ന്യൂഡല്‍ഹിയുടെ കീഴിലുള്ള സ്ഥാപനത്തില്‍ നിന്നും മൂന്ന് വര്‍ഷ ഹോട്ടല്‍ മാനേജ്‌മെന്റ് ഡിപ്ലോമ/ഡിഗ്രി അല്ലെങ്കില്‍ എ.ഐ.സി.ടി.ഇ യുടെ കീഴിലുള്ള യൂണിവേഴ്‌സിറ്റിയില്‍ നിന്നും കുറഞ്ഞത് 60 ശതമാനം മാര്‍ക്കോടെ ഹോട്ടല്‍ മാനേജ്‌മെന്റ് ഡിഗ്രിയാണ് യോഗ്യത.