ജില്ലയിലെ ഓഖി ദുരിതബാധിത പ്രദേശങ്ങള്‍ സന്ദര്‍ശിക്കാനെത്തിയ കേന്ദ്ര സംഘം ഇന്ന് വിവിധ സ്ഥലങ്ങള്‍ സന്ദര്‍ശിച്ചു.  കേന്ദ്ര സര്‍ക്കാര്‍ അഡീഷണല്‍ സെക്രട്ടറി (ഡി.എം) ബിപിന്‍ മാലിക് രാവിലെ ജനറല്‍ ആശുപത്രിയില്‍ ചികിത്സയില്‍ കഴിയുന്ന മത്സ്യത്തൊഴിലാളികളെ സന്ദര്‍ശിച്ചു.  മന്ത്രി കടകംപളളി സുരേന്ദ്രന്‍ ഒപ്പമുണ്ടായിരുന്നു.  രക്ഷാ പ്രവര്‍ത്തനങ്ങളിലും ആശുപത്രിയില്‍ തങ്ങള്‍ക്ക് ലഭിച്ച പരിചരണത്തിലും പൂര്‍ണ തൃപ്തിയുണ്ടെന്ന് ചികിത്സയില്‍ കഴിയുന്ന സൈമണ്‍, രാജു എന്നിവര്‍ സംഘത്തോട് പറഞ്ഞു.  വേണ്ട തുടര്‍ ചികിത്സയും മറ്റുസൗകര്യങ്ങളും സര്‍ക്കാര്‍ ഉറപ്പാക്കുമെന്ന് മന്ത്രി കടകംപളളി സുരേന്ദ്രന്‍ തൊഴിലാളികളെ അറിയിച്ചു.

കോഴിക്കോട് ഗവണ്‍മെന്റ് ഹോമിയോ മെഡിക്കല്‍ കോളേജില്‍ 2017-2018 വര്‍ഷത്തെ സര്‍ട്ടിഫിക്കറ്റ് കോഴ്‌സ് ഇന്‍ ഫാര്‍മസിയില്‍ (ഹോമിയോപ്പതി) ഒഴിവുള്ള  സീറ്റിലേക്ക്  പ്രവേശനത്തിനുള്ള സ്‌പോട്ട് അലോട്ട്‌മെന്റ് എല്‍.ബി.എസ് സെന്റര്‍ ജില്ലാ ഫെസിലിറ്റേഷന്‍ സെന്ററുകളില്‍ ഡിസംബര്‍ 30 ന് നടത്തും. അപേക്ഷകര്‍ അസല്‍ സര്‍ട്ടിഫിക്കറ്റുകള്‍ സഹിതം  രാവിലെ 10 മണിക്ക് ഹാജരാകണം. അലോട്ട്‌മെന്റ് ലഭിക്കുന്നവര്‍ അന്നു തന്നെ ഫീസ് അടച്ച്  2018 ജനുവരി ഒന്നിനകം കോളേജില്‍ പ്രവേശനം നേടണം. ഫോണ്‍: 0471-2560362, 63, 64, 65        

പി.എന്‍.എക്‌സ്.5540/17

സാധാരണക്കാര്‍ക്കും ആഭ്യന്തര വിമാന യാത്ര സാധ്യമാക്കുക എന്ന ലക്ഷ്യത്തോടെ കേന്ദ്ര സര്‍ക്കാര്‍ ആരംഭിച്ച ഉഡാന്‍ (ഉഡേ ദേശ് കാ ആം നാഗരിക്) വിമാനയാത്രാ പദ്ധതിയില്‍ കേരളവും. കണ്ണൂര്‍ വിമാനത്താവളത്തില്‍നിന്ന് ഉഡാന്‍ പദ്ധതിക്കു കീഴില്‍ ആഭ്യന്തര സര്‍വീസ് തുടങ്ങുന്നതിന് കേരളവും കേന്ദ്ര വ്യോമയാന മന്ത്രാലയവും എയര്‍പോര്‍ട്ട് അതോറിറ്റി ഓഫ് ഇന്ത്യയും  ത്രികക്ഷി ധാരണാപത്രം ഒപ്പുവച്ചു.

സൈനികര്‍ക്കായി പ്രതിരോധ വകുപ്പ് കേരളത്തില്‍നിന്നു കശുവണ്ടി വാങ്ങും. കേന്ദ്ര പ്രതിരോധ മന്ത്രി നിര്‍മല സീതാരാമന്‍ സംസ്ഥാന കശുവണ്ടി വ്യവസായ വകുപ്പ് മന്ത്രി ജെ. മേഴ്‌സിക്കുട്ടിയമ്മയുമായുള്ള കൂടിക്കാഴ്ചയിലാണ് ഉറപ്പു നല്‍കിയത്. കശുവണ്ടി മേഖലയുടെ വികസനത്തിനായി പൊതുമേഖലാ സ്ഥാപനങ്ങളില്‍നിന്നു കശുവണ്ടി വാങ്ങണമെന്നാവശ്യപ്പെട്ടു മന്ത്രി മേഴ്‌സിക്കുട്ടിയമ്മ പ്രതിരോധ മന്ത്രിക്കു നിവേദനം നല്‍കിയിരുന്നു.

മുഖ്യമന്ത്രിയുടെ ഓഖി ദുരിതാശ്വാസ നിധിയിലേക്കുളള സംഭാവനകള്‍ സര്‍ക്കാര്‍ ട്രഷറികളിലും താലൂക്ക്, വില്ലേജ് ഓഫീസുകളിലും പരിധിയില്ലാതെ പണമായി സ്വീകരിക്കും.

പി.എന്‍.എക്‌സ്.5537/17

തിരൂര്‍ തുഞ്ചത്തെഴുത്തച്ഛന്‍ മലയാളം സര്‍വകലാശാലയില്‍ വൈസ്ചാന്‍സലര്‍ നിയമനത്തിന് അപേക്ഷ ക്ഷണിച്ചു.  യു.ജി.സി നിഷ്‌കര്‍ഷിച്ചിട്ടുളള യോഗ്യതയുളളവര്‍ ജനുവരി 25ന് വൈകിട്ട് അഞ്ചിനകം ബയോഡേറ്റ, പ്രവൃത്തി പരിചയവും യോഗ്യതയും തെളിയിക്കുന്ന രേഖകള്‍ സഹിതം സെക്രട്ടറി, ഉന്നത വിദ്യാഭ്യാസ വകുപ്പ്, ഗവ. സെക്രട്ടേറിയറ്റ് (അനക്‌സ് II), തിരുവനന്തപുരം -695001 എന്ന വിലാസത്തില്‍ അപേക്ഷിക്കണം.

പി.എന്‍.എക്‌സ്.5536/17

കേരള സ്റ്റേറ്റ് വെറ്ററിനറി കൗണ്‍സില്‍ തെരഞ്ഞെടുപ്പുമായി ബന്ധപ്പെട്ടു പ്രസിദ്ധീകരിക്കേണ്ട ഇലക്റ്ററല്‍ റോള്‍ കരട് കേരളാ സ്റ്റേറ്റ് വെറ്ററിനറി കൗണ്‍സില്‍ ഓഫീസില്‍ പരിശോധിക്കാം.  പരാതികളോ നിര്‍ദേശങ്ങളോ ഉണ്ടെങ്കില്‍ ജനുവരി 15ന് വൈകിട്ട് അഞ്ചിനകം കേരള സ്റ്റേറ്റ് വെറ്ററിനറി കൗണ്‍സില്‍ രജിസ്ട്രാര്‍ക്ക് നല്‍കണം.

പി.എന്‍.എക്‌സ്.5535/17

 അംഗത്വ നമ്പര്‍ ഇല്ലാതെ 2018 ഏപ്രില്‍ ഒന്നു മുതല്‍  വ്യാപാരി ക്ഷേമനിധി അംഗത്വം പുതുക്കുവാന്‍ കഴിയാത്തതിനാല്‍ വ്യാപാരി ക്ഷേമനിധി അംഗത്വ കാര്‍ഡ് ഇതുവരെ ലഭിക്കാത്ത അപേക്ഷകര്‍ കാര്‍ഡ് കൈപ്പറ്റണം. അംഗത്വ ഫീസ് അടച്ച് രസീത് നമ്പരും തീയതിയും ഓഫീസില്‍ അറിയിച്ച് കുറവുളള രേഖകള്‍ ഹാജരാക്കിയാണ് അംഗത്വ നമ്പര്‍ ഉറപ്പാക്കേണ്ടത്. ഇ- മെയില്‍:traders.welfare.board@gmail.com  ഫോണ്‍: ഓഫീസ്: 0471 2474054, 0471 2474049, 9446151152.

 പി.എന്‍.എക്‌സ്.5534/17

തിരുവനന്തപുരം ഗവ. ആയുര്‍വേദ കോളേജിലെ ശാലാക്യതന്ത്രം ഡിപ്പാര്‍ട്ടുമെന്റിലേക്ക് പോര്‍ട്ടബിള്‍ ഡെന്റല്‍ എക്‌സ്-റേ യൂണിറ്റ് വിതരണം ചെയ്യുന്നതിന് ക്ഷണിച്ച  12/2017 -18 നമ്പര്‍ ദര്‍ഘാസിന്റെയും കമ്പ്യൂട്ടറൈസ്ഡ് എക്‌സ്‌റേ ഫിലിം വിതരണം ചെയ്യുന്നതിന് ക്ഷണിച്ച  28/2017 -18 നമ്പര്‍ ദര്‍ഘാസിന്റെയും കാലാവധി  2018 ജനുവരി അഞ്ച് വരെ ദീര്‍ഘിപ്പിച്ചു.

 പി.എന്‍.എക്‌സ്.5533/17

   രാജ്യത്തിന്റെ 68-ാമത് റിപബ്ലിക്ദിനം  ജില്ലാ ആസ്ഥാനത്ത് വിപുലമായി ആഘോഷിക്കും. കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗത്തിലാണ് തീരുമാനം. ജില്ലാകളക്ടര്‍ ജീവന്‍ബാബു കെ അധ്യക്ഷത വഹിച്ചു.  എഡിഎം: എന്‍ ദേവിദാസ്, എ ആര്‍ റിസര്‍വ്വ്  ക്യാമ്പ് അസി. കമാന്‍ഡന്റ് പ്രേമകുമാര്‍ എന്നിവര്‍ പരിപാടികള്‍ വിശദീകരിച്ചു. സായുധ പോലീസ്, ലോക്കല്‍ പോലീസ്, വനിതാ പോലീസ്,  ജൂനിയര്‍-സീനിയര്‍ എന്‍സിസി, ജൂനിയര്‍ റെഡ്‌ക്രോസ്, സ്‌കൗട്ട്  ആന്റ് ഗൈഡ്‌സ്, എന്‍സിസി നേവല്‍ വിംഗ്, ബാന്റ് സെറ്റ് തുടങ്ങിയ പ്ലാറ്റിയൂണുകള്‍ അണിനിരക്കും.