സംസ്ഥാന കോ-ഓപ്പറേറ്റീവ് ട്രൈബ്യൂണല്‍ എം.ജി. പത്മിനി 5, 16, 23 തീയതികളില്‍ ഹെഡ് ക്വാര്‍ട്ടേഴ്‌സിലും 11 ന് എറണാകുളം ഗവ.ഗസ്റ്റ് ഹൗസ് ലൈബ്രറി ഹാളിലും 18 ന് കണ്ണൂര്‍ ജില്ലാ കോ-ഓപ്പറേറ്റീവ് ബാങ്കിലും സിറ്റിംഗ് നടത്തും.

പി.എന്‍.എക്‌സ്.26/18

 പട്ടികജാതി പട്ടികവര്‍ഗ വിഭാഗക്കാരുടെ പ്രശ്‌നങ്ങളില്‍ പട്ടികജാതി പട്ടിക ഗോത്രവര്‍ഗ കമ്മീഷന്‍ എടുത്ത നിലപാടുകളോട് സര്‍ക്കാര്‍ പൂര്‍ണമായ പിന്തുണയും സഹകരണവുമുണ്ടായിരുന്നുവെന്ന്  കാലാവധി പൂര്‍ത്തിയാക്കിയ പട്ടികജാതി പട്ടികഗോത്ര വര്‍ഗ കമ്മീഷന്‍ ചെയര്‍മാന്‍ പി.എന്‍. വിജയകുമാര്‍ വാര്‍ത്താ സമ്മേളനത്തില്‍ പറഞ്ഞു. 

    മൂന്നു വര്‍ഷമാണ് കമ്മീഷന്റെ കാലാവധി. 2012 ജനുവരി മൂന്നു മുതല്‍ 2018 ജനുവരി മൂന്നുവരെ രണ്ട് ടേമുകളില്‍ പ്രവര്‍ത്തിക്കാന്‍ ഈ കമ്മീഷന് സാധിച്ചു. ഈ കാലയളവില്‍ സമൂഹത്തിലെ ഏറ്റവും ദുര്‍ബലരായ ജനവിഭാഗത്തിനുവേണ്ടി ധാരാളം നല്ല കാര്യങ്ങള്‍ ചെയ്തു. 

    കേരളീയ തനത് കലാരൂപങ്ങളുടെ മഹോത്സവമായ ഉത്സവം 2018 ഈ മാസം ആറ് മുതല്‍ 12 വരെ അടൂര്‍ ചേന്നംപള്ളി ക്ഷേത്രമൈതാനിയിലും കടമ്മനിട്ട പടേനി ഗ്രാമത്തിലുമായി നടക്കും. ജില്ലാ ടൂറിസം പ്രൊമോഷന്‍ കൗണ്‍സിലിന്‍റെ ആഭിമുഖ്യത്തിലാണ് ഉത്സവം 2018 സംഘടിപ്പിക്കുന്നത്. കേരളീയ സാംസ്കാരിക പൈതൃകത്തിന്‍റെ അടിസ്ഥാനവും വികാസവും അടയാളപ്പെടുത്തുന്ന നാടന്‍കലാരൂപങ്ങളാണ് ഏഴ് ദിവസങ്ങളിലായി അടൂരിലും കടമ്മനിട്ടയിലും അരങ്ങേറുന്നത്. 

   ആരോഗ്യ ജാഗ്രത പരിപാടിയുടെ ജില്ലാതല ഉദ്ഘാടനം കാഞ്ഞങ്ങാട് ഐ.എം.എ ഹാളില്‍ ഇന്ന് (4) ഉച്ചയ്ക്ക് രണ്ടിന് റവന്യുമന്ത്രി ഇ.ചന്ദ്രശേഖരന്‍ നിര്‍വഹിക്കും. കെ.കുഞ്ഞിരാമന്‍ എംഎല്‍എ അധ്യക്ഷത വഹിക്കും. എംഎല്‍എ മാരായ എം.രാജഗോപാലന്‍, എന്‍.എ നെല്ലിക്കുന്ന്, പി.ബി അബ്ദുള്‍റസാഖ്, ജില്ലാ പഞ്ചായത്ത് പ്രസിഡന്റ് എജിസി ബഷീര്‍, മുനിസിപ്പല്‍ ചെയര്‍മാന്മാരായ വി.വി രമേശന്‍ (കാഞ്ഞങ്ങാട്), ബീഫാത്തിമ ഇബ്രാഹിം (കാസര്‍കോട്), പ്രൊഫ. കെ.പി ജയരാജന്‍ (നീലേശ്വരം),  ജില്ലാകളക്ടര്‍ ജീവന്‍ബാബു കെ, ഡിഎംഒ: ഡോ. എ.പി ദിനേശ്കുമാര്‍ തുടങ്ങിയവര്‍ പങ്കെടുക്കും. 

   സംസ്ഥാന നിയമസഭയുടെ വജ്രജൂബിലി ആഘോഷങ്ങളോടനുബന്ധിച്ച് കാസര്‍കോട് ജില്ലാതല പരിപാടികള്‍ ഇന്നും നാളെയും (4, 5) നീലേശ്വരം, കാസര്‍കോട്, കാഞ്ഞങ്ങാട് എന്നിവിടങ്ങളില്‍ നടക്കും. നിയമസഭാ സെക്രട്ടറിയേറ്റിന്റെയും ജില്ലാ ഭരണകൂടത്തിന്റെയും തദ്ദേശസ്വയഭരണ സ്ഥാപനങ്ങളുടെയും സംയുക്താഭിമുഖ്യത്തിലാണ് പരിപാടികള്‍ സംഘടിപ്പിച്ചിരിക്കുന്നത്. നിയമസഭാ ചരിത്രപ്രദര്‍ശനം, ഇ.എം.എസ് സ്മൃതി സംഗമം-പ്രദര്‍ശനം, മുന്‍നിയമസഭാംഗങ്ങളെ ആദരിക്കല്‍, സെമിനാര്‍, മാതൃകാ നിയമസഭ എന്നിവ നടക്കും. 

കൊച്ചി: ജില്ലയിലെ ഒരു കേന്ദ്രസര്‍ക്കാര്‍ പൊതുമേഖലാ സ്ഥാപനത്തില്‍ കംപ്രസര്‍ ഓപ്പറേറ്റര്‍ തസ്തികയിലേക്ക് പൊതുവിഭാഗം-മൂന്ന്, ഒ.ബി.സി-ഒന്ന് എന്നീ വിഭാഗങ്ങള്‍ക്ക് സംവരണം ചെയ്ത നാല് താത്കാലിക ഒഴിവുകള്‍ നിലവിലുണ്ട്. യോഗ്യത എസ്.എസ്.എല്‍.സി, ഡിപ്ലോമ ഇന്‍ ഇലക്ട്രിക്കല്‍സ്/മെക്കാനിക്കല്‍/റഫ്രിജറേഷന്‍ കൂടാതെ റഫ്രിജറേഷന്‍ ആന്‍ഡ് കംപ്രസര്‍ ഓപ്പറേഷനില്‍ ഒരു വര്‍ഷത്തെ പ്രവൃത്തി പരിചയവും ഉണ്ടായിരിക്കണം. 18-40 വയസ് (നിയമാനുസൃത വയസിളവ് ബാധകം) സ്ത്രീകള്‍ അര്‍ഹരല്ല. ശമ്പളം 6540 -19140.