കൊച്ചി: എറണാകുളം അഗ്രി-ഹോര്‍ട്ടികള്‍ച്ചര്‍ സൊസെറ്റി സംഘടിപ്പിക്കുന്ന 36-ാമത് കൊച്ചിന്‍ ഫ്‌ളവര്‍ ഷോ - പുഷ്പഫല, സസ്യ പ്രദര്‍ശനം ഡിസംബര്‍ 29 മുതല്‍ ജനുവരി ഏഴു വരെ എറണാകുളത്തപ്പന്‍ ഗ്രൗണ്ടില്‍ നടക്കും.  പ്രദര്‍ശനത്തിന്റെ ഉദ്ഘാടനം മന്ത്രി എ.സി.മൊയ്തീന്‍ നിര്‍വഹിക്കും. ചടങ്ങില്‍ ഹൈബി ഈഡന്‍ എം.എല്‍.എ അദ്ധ്യക്ഷത വഹിക്കും. പ്രൊഫ: കെ.വി.തോമസ് എം.പി, കൊച്ചി മേയര്‍ സൗമിനി ജയിന്‍, ജില്ലാ കളക്ടര്‍ മുഹമ്മദ് വൈ സഫീറുളള തുടങ്ങിയവര്‍ പങ്കെടുക്കും.

   മഹാത്മാഗാന്ധി ദേശീയഗ്രാമീണ തൊഴിലുറപ്പ് പദ്ധതിയുടെ പ്രഥമോദ്ദേശമായ  മണ്ണ് ജലസംരക്ഷണം നടത്തിപ്പിന്റെ ഭാഗമായി, കയര്‍ ഭൂവസ്ത്രവിതാനം കാസര്‍കോട്  ജില്ലാതല ഉദ്ഘാടനം വലിയപറമ്പ ഗ്രാമപഞ്ചായത്തില്‍  എം രാജഗോപാലന്‍ എംഎല്‍എ നിര്‍വ്വഹിച്ചു.

   കളക്ടറേറ്റിലെ  പച്ചക്കറി തോട്ടത്തില്‍ പാകമായ പച്ചക്കറികളുടെ  വിളവെടുപ്പ് ജില്ലാകളക്ടര്‍ ജീവന്‍ബാബു കെ നിര്‍വ്വഹിച്ചു. പാകമായ വെണ്ടയ്ക്കയുടെ വിളവെടുപ്പാണ്  നടന്നത്.  ഡെപ്യൂട്ടി കളക്ടര്‍ ജയലക്ഷ്മി കെ, ജില്ലാ ഇന്‍ഫര്‍മേഷന്‍ ഓഫീസര്‍ ഇ വി സുഗതന്‍, ഹുസൂര്‍ ശിരസ്തദാര്‍ കെ എസ് പരീത്, കളക്ടറേറ്റ് ജീവനക്കാര്‍ തുടങ്ങിയവര്‍ സംബന്ധിച്ചു.

   ഉദുമ മണ്ഡലത്തില്‍ കെ കുഞ്ഞിരാമന്‍ എംഎല്‍എ യുടെ  പ്രത്യേക വികസന നിധിയില്‍  നിന്ന് ബേഡഡുക്ക  ഗ്രാമപഞ്ചായത്തിലെ  എരിഞ്ഞിപ്പുഴ പൊലിയംകുന്ന് റോഡ് നിര്‍മ്മാണത്തിനും ടാറിംഗിനും  അഞ്ച് ലക്ഷം രൂപയും ദേലംപാടി ഗ്രാമപഞ്ചായത്തില്‍ കൊട്ട്യാടി, പാണ്ടി എന്നിവിടങ്ങളില്‍ ബസ് വെയിറ്റിംഗ് ഷെഡ് നിര്‍മ്മിക്കുന്നതിന്  ഒരു ലക്ഷം രൂപ വീതവും  അനുവദിച്ചു.  പദ്ധതികള്‍ക്ക് ജില്ലാകളക്ടര്‍ ജീവന്‍ബാബു കെ ഭരണാനുമതി നല്‍കി.

   സംസ്ഥാന പട്ടികവര്‍ഗ വകുപ്പിന് കീഴിലുളള മാതൃകാസഹവാസ വിദ്യാലയങ്ങളിലെ വിദ്യാര്‍ത്ഥികളുടെ സര്‍ഗശേഷി  വിളംബരം ചെയ്യുന്ന സംസ്ഥാനകലാമേള- സര്‍ഗോത്സവം കാഞ്ഞങ്ങാട് ദുര്‍ഗ ഹയര്‍സെക്കന്‍ഡറി സ്‌കൂളില്‍ ഇന്ന് (28ന്) രാവിലെ 10 ന്  പട്ടികജാതി-പട്ടികവര്‍ഗ-പിന്നാക്കക്ഷേമ-സാംസ്‌കാരിക വകുപ്പ് മന്ത്രി എ.കെ ബാലന്‍ ഉദ്ഘാടനം ചെയ്യും. കെ.കുഞ്ഞിരാമന്‍ എംഎല്‍എ അധ്യക്ഷത വഹിക്കും. ചടങ്ങില്‍ എം.രാജഗോപാലന്‍ എംഎല്‍എ, പി.ബി അബ്ദുള്‍ റസാഖ് എംഎല്‍എ എന്നിവര്‍ മുഖ്യാതിഥികളാകും.

കൊച്ചി: ഓഖി ചുഴലിക്കാറ്റിനെ തുടര്‍ന്നുള്ള കടല്‍ക്ഷോഭത്തില്‍ ദുരിതം നേരിട്ട തീരമേഖലകളിലും ഹാര്‍ബറുകളിലും കേന്ദ്ര സര്‍ക്കാര്‍ നിയോഗിച്ച പ്രത്യേകസംഘം സന്ദര്‍ശനം നടത്തി. മുനമ്പം, തോപ്പുംപടി ഫിഷിങ് ഹാര്‍ബറുകള്‍, കണ്ണമാലി, ചെല്ലാനം, വൈപ്പിന്‍ എന്നിവിടങ്ങളാണ് സെന്‍ട്രല്‍ വാട്ടര്‍ കമ്മീഷനിലെ ബീച്ച് ഇറോഷന്‍ വിഭാഗം ഡയറക്ടര്‍ ആര്‍. തങ്കമണി, കേന്ദ്ര കുടിവെള്ള മന്ത്രാലയത്തിലെ അസി. അഡൈ്വസര്‍ സുമിത് പ്രിയദര്‍ശി എന്നിവര്‍ സന്ദര്‍ശിച്ച് നാശനഷ്ടം വിലയിരുത്തിയത്. ജില്ലയിലെ സന്ദര്‍ശനം പൂര്‍ത്തിയാക്കിയ സംഘം ഇന്ന് ആലപ്പുഴയിലേക്ക് പോകും.

കടലില്‍ മത്‌സ്യബന്ധനത്തിനു പോകുന്ന തൊഴിലാളികളുടെ മൊബൈല്‍ ഫോണ്‍ നമ്പറുകള്‍ ഫിഷറീസ് വകുപ്പ് ശേഖരിച്ചു തുടങ്ങി. ഫിഷറീസ് ഡയറക്‌ട്രേറ്റില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം മുഖേനയാണ് നമ്പറുകളെടുക്കുന്നത്. ഓഖി ചുഴലിക്കാറ്റ് പോലെയുള്ള ദുരന്തങ്ങള്‍ ഭാവിയില്‍ ഉണ്ടായാല്‍ മത്സ്യത്തൊഴിലാളികള്‍ക്ക് യഥാസമയം വിവരം ലഭ്യമാക്കുന്നതിനാണ് നടപടി. ഇതുവരെ സംസ്ഥാനത്തെ നാലായിരം മത്‌സ്യത്തൊഴിലാളികളുടെ നമ്പറുകള്‍ ശേഖരിച്ചുകഴിഞ്ഞു. രണ്ടാഴ്ചയ്ക്കകം മുഴുവന്‍ പേരുടെയും നമ്പറുകള്‍ ശേഖരിക്കും. 

പകര്‍ച്ചവ്യാധി പ്രതിരോധത്തിനും നിയന്ത്രണത്തിനുമായി നടപ്പാക്കുന്ന 'ആരോഗ്യ ജാഗ്രത' പദ്ധതിയുടെ സംസ്ഥാനതല ഉദ്ഘാടനം ജനുവരി ഒന്നിന് രാവിലെ 10.30ന് കേരള സര്‍വകലാശാല സെനറ്റ് ഹാളില്‍ മുഖ്യമന്ത്രി പിണറായി വിജയന്‍ നിര്‍വഹിക്കും. ആരോഗ്യ വകുപ്പ് മന്ത്രി കെ.കെ. ശൈലജ ടീച്ചറുടെ അധ്യക്ഷതയില്‍ ചേരുന്ന യോഗത്തില്‍ വിവിധ മന്ത്രിമാര്‍, ജനപ്രതിനിധികള്‍, ഉദ്യോഗസ്ഥര്‍ എന്നിവര്‍ പങ്കെടുക്കും.പകര്‍ച്ചവ്യാധികളുടെ പ്രതിരോധത്തിനും നിയന്ത്രണത്തിനുമായി ആരോഗ്യവകുപ്പ് ആര്‍ദ്രം മിഷനും തദ്ദേശ സ്വയംഭരണ സ്ഥാപനങ്ങളും ഇതര സര്‍ക്കാര്‍ വകുപ്പുകളുമായി ചേര്‍ന്നാണ് ജനുവരി മുതല്‍  'ആരോഗ്യ ജാഗ്രത' നടപ്പാക്കുന്നത്.

മേലുകാവ് ഗ്രാമപഞ്ചായത്തില്‍ð നിന്നും വിധവാ പെന്‍ഷന്‍ കൈപ്പറ്റുന്ന ഗുണഭോക്താക്കള്‍ പുനര്‍വിവാഹം ചെയ്തിട്ടില്ലായെന്നുളള സാക്ഷ്യപത്രം പൂരിപ്പിച്ച് ആധാര്‍ കാര്‍ഡിന്റെ കോപ്പി സഹിതം ഗ്രാമപഞ്ചായത്ത് ഓഫീസില്‍ð ഈ മാസം 30നകം നല്‍കണമെന്ന് സെക്രട്ടറി അറിയിച്ചു.