ആലപ്പുഴ: കുഞ്ചൻ നമ്പ്യാർ സ്മാരക സമിതി സംഘടിപ്പിക്കുന്ന വയലാർ കൃഷ്ണൻ കുട്ടി  അനുസ്മരണവും കേരള സംഗീത നാടക അക്കാദമിയുടെ നാടകാവതരണവും ജനുവരി ആറിന് നടക്കും. വൈകിട്ട് അഞ്ചിന് അമ്പലപ്പുഴ കുഞ്ചൻ നമ്പ്യാർ സ്മാരക ഓഡിറ്റോറിയത്തിൽ നടക്കുന്ന അനുസ്മരണ സമ്മേളനം സ്മാരക സമിതി ചെയർമാൻ ഡോ. പള്ളിപ്പുറം മുരളി ഉദ്ഘാടനം ചെയ്യും. സ്മാരകസമിതിയംഗം എച്ച്. സലാം അധ്യക്ഷത വഹിക്കും. ബ്ലോക്ക് പഞ്ചായത്ത് പ്രസിഡന്റ് പ്രജിത്ത് കാരിക്കൽ, ഗ്രാമപഞ്ചായത്ത് പ്രസിഡന്റ് ജി. വേണുഗോപാൽ, സ്മാരക സമിതി സെക്രട്ടറി കെ.വി. വിപിൻദാസ്, സമിതിയംഗങ്ങളായ എ.

                മാനന്തവാടി താലൂക്ക് ഓഫീസ് കോമ്പൗണ്ടില്‍ സൂക്ഷിച്ചിട്ടുള്ള വെട്ടുകല്ലുകള്‍ ജനുവരി 6ന് ഉച്ചയ്ക്ക് 2ന് താലൂക്ക് ഓഫീസില്‍ ലേലം ചെയ്യും. ഫേണ്‍ 04935 240231.

                മരംകയറ്റ തൊഴിലാളി ക്ഷേമനിധി പെന്‍ഷന്‍, അസംഘടിത മേഖലയിലെ തൊഴിലാളികള്‍ക്കുള്ള പെന്‍ഷന്‍ എന്നിവ കൈപ്പറ്റുന്ന ഗുണഭോക്താക്കള്‍ വില്ലേജ് അധികാരിയില്‍ നിന്നും കൈപ്പറ്റിയ ലൈഫ് സര്‍ട്ടിഫിക്കറ്റ് ജനുവരി 08, 09, 10 തീയതികളില്‍ ജില്ലാ ലേബര്‍ ഓഫീസില്‍  ഹാജരാക്കണം. ലൈഫ് സര്‍ട്ടിഫിക്കറ്റ് ഹാജരാക്കാത്തവര്‍ക്ക് തുടര്‍ന്ന് പെന്‍ഷന്‍ ലഭിക്കില്ല. ഫോണ്‍ 04936  203905.

മത്സ്യത്തൊഴിലാളികള്‍ക്ക് സ്ഥിരംഭവനം നല്‍കുന്ന ഫീഷറീസ് വകുപ്പിന്റെ പുനരധിവാസ പദ്ധതി പ്രകാരം മുട്ടത്തറയില്‍ നിര്‍മ്മിക്കുന്ന സ്വപ്ന ഭവനങ്ങള്‍ക്ക് അടിസ്ഥാന സൗകര്യങ്ങള്‍ ഒരുക്കുന്നതിന് രണ്ടരകോടി രൂപ അധികമായി ചെലവഴിക്കുമെന്ന് ഫിഷറീസ് വകുപ്പ് മന്ത്ര .ജെ.മേഴ്‌സിക്കുട്ടിഅമ്മ പറഞ്ഞുഭവന നിര്‍മ്മാണ പ്രവര്‍ത്തനങ്ങള്‍ വിലയിരുത്തുന്നതിനായി മുട്ടത്തറ സന്ദര്‍ശിച്ച് ആവശ്യമായ നിര്‍ദ്ദേശങ്ങള്‍ ഉദ്യോഗസ്ഥര്‍ക്ക് നല്‍കുകയായിരുന്നു മന്ത്രി.

സൂക്ഷ്മ ചെറുകിട ഇടത്തരം വ്യവസായ സംരംഭകര്‍ക്ക് അവരുടെ കൂടി വിഹിതത്തിന്റെ അടിസ്ഥാനത്തില്‍ പെന്‍ഷന്‍ പദ്ധതി നടപ്പാക്കാന്‍ സര്‍ക്കാര്‍ ഗൗരവമായി ആലോചിക്കുന്നതായി വ്യവസായ മന്ത്രി എ. സി. മൊയ്തീന്‍ പറഞ്ഞു. സംസ്ഥാനത്ത് വ്യവസായം തുടങ്ങുന്നവരുടെ സുരക്ഷിതത്വവും സംരക്ഷണവുമാണ് സര്‍ക്കാര്‍ ലക്ഷ്യമിടുന്നതെന്നും മന്ത്രി പറഞ്ഞു. വ്യവസായ വാണിജ്യ വകുപ്പിന്റെ 2014 - 15ലെ എം. എസ്. എം. ഇ അവാര്‍ഡ് വിതരണം മാസ്‌കറ്റ് ഹോട്ടലില്‍ ഉദ്ഘാടനം ചെയ്യുകയായിരുന്നു അദ്ദേഹം.