കോട്ടയം താലൂക്കില്‍ മണര്‍കാട് വില്ലേജില്‍ ബ്ലോക്ക് നമ്പര്‍ 23ല്‍ സൈനികക്ഷേമവകുപ്പിന് പാട്ടത്തിനു നല്‍കിയിരിക്കുന്ന സ്ഥലത്ത് സ്ഥിതി ചെയ്യുന്ന പഴയകെട്ടിടം 2018 ജനുവരി നാലിന് ഉച്ച കഴിഞ്ഞ് മൂന്നിന് ലേലം ചെയ്യും. കൂടുതല്‍ വിവരങ്ങള്‍ക്ക് കോട്ടയം തഹസില്‍ദാരുടെ കാര്യാലയവുമായി ബന്ധപ്പെടുക. 

ക്ഷീരവികസന വകുപ്പിന് കീഴില്‍ ഈരയില്‍ക്കടവില്‍ പ്രവര്‍ത്തിക്കുന്ന ക്ഷീര പരിശീലന കേന്ദ്രത്തില്‍ ക്ഷീരോല്പന്ന നിര്‍മാണത്തില്‍  പരിശീലനം സംഘടിപ്പിക്കുന്നു. ഡിസംബര്‍ നാലാം തീയതി മുതല്‍ 15-ാം തീയതി വരെയാണ് പരിശീലനം. രജിസ്‌ട്രേഷന്‍ ഫീസ് 115/- രൂപയാണ്. ആദ്യം രജിസ്റ്റര്‍ ചെയ്യുന്ന 30 പേര്‍ക്കാണ് അവസരം.  ഫോണ്‍- 0481- 2302223                               (കെ.ഐ.ഒ.പി.ആര്‍-2032/17)

നാട്ടകം മൃഗാശുപത്രിയിലേക്ക് മരുന്നുകള്‍ക്കും ഇന്‍വെര്‍ട്ടറിനും ടെന്‍ഡര്‍/ക്വട്ടേഷന്‍ ക്ഷണിക്കുന്നു. താല്പര്യമുളളവര്‍ കോട്ടയം നഗരസഭയുമായോ നാട്ടകം വെറ്ററിനറി ഡിസ്‌പെന്‍സറിയുമായോ ബന്ധപ്പെടുക. വിശദവിവരങ്ങള്‍ കോട്ടയം നഗരസഭയുടെ വെബ്‌സൈറ്റില്‍ ലഭ്യമാണ്.

കേരള സംസ്ഥാന വ്യവസായ വികസന കോര്‍പ്പറേഷനും കേരള ഇന്‍സ്റ്റിറ്റ്യൂട്ട് ഓഫ് എന്റര്‍പ്രണര്‍ഷിപ്പ് ഡവലപ്പ്‌മെന്റും സംയുക്തമായി സംരഭകത്വ വികസന പരിശീലന പരിപാടി നടത്തുന്നു. 18നും 45നും മധ്യേ പ്രായമുളള വനിതകള്‍ക്ക് പരിശീലനത്തില്‍ പങ്കെടുക്കാം. മിനിമം യോഗ്യത പത്താം ക്ലാസ്. ആദ്യം അപേക്ഷിക്കുന്ന 30 പേര്‍ക്കാണ് അവസരം. ംംം.സശലറ.ശിളീ  എന്ന വെബ്‌സൈറ്റില്‍ അപേക്ഷാ ഫോം ലഭ്യമാണ്. കൂടുതല്‍ വിവരങ്ങള്‍ക്ക് 0484 2550322, 0484 2532890, 9539772373

                                                   (കെ.ഐ.ഒ.പി.ആര്‍-2032/17)

    
    ജില്ലാ സൈനികക്ഷേമ ഓഫീസില്‍ നിന്നും പ്രതിമാസ ധനസഹായം കൈപ്പറ്റുന്ന രണ്ടാം ലോക മഹായുദ്ധ സേനാനികളും വിധവകളും ധനസഹായം തുടര്‍ന്നും ലഭിക്കുന്നതിന് ലൈഫ് സര്‍ട്ടിഫിക്കറ്റ്  നല്‍കണം. ഗസറ്റഡ് ഓഫീസര്‍ സാക്ഷ്യപ്പെടുത്തിയ ലൈഫ് സര്‍ട്ടിഫിക്കറ്റ് നേരിലോ ദൂതന്‍ മുഖേനയോ തപാല്‍ വഴിയോ ജില്ലാ സൈനികക്ഷേമ ഓഫീസില്‍ ഡിസംബര്‍ 10നകം ലഭ്യമാക്കണം.