കാവനൂര്‍ ഗവ:ഹയര്‍ സെക്കന്ററി സ്‌കൂളില്‍ ദിവസ വേതനാ ടിസ്ഥാനത്തില്‍  ഹയര്‍ സെക്കന്ററി വിഭാഗത്തില്‍ എക്കണോമിക്‌സ് സീനിയര്‍ അധ്യാപക ഒഴിവുണ്ട്. കൂടിക്കാഴ്ച നവംബര്‍ 28 ഉച്ചക്ക് രണ്ടിന് നടക്കും.
പൂക്കോട്ടൂര്‍ ഗവ. ഹയര്‍ സെക്കന്‍ഡറി സ്‌കൂളില്‍ ഫിസിക്‌സ് അധ്യാപക ഒഴിവുണ്ട്. കൂടികാഴ്ച  നവംബര്‍ 27ന് രാവിലെ 9.30ന് നടക്കും.

നാടുകാണി-മഞ്ചേരി-പരപ്പനങ്ങാടി റോഡിന്റെയും  മലപ്പുറം - കോട്ടപ്പടി - വലിയങ്ങാടി ബൈപാസിന്റെയും പ്രവൃത്തി ഉദ്ഘാടനം നാളെ (നവംബര്‍ 26) പൊതുമരാമത്ത് വകുപ്പ് മന്ത്രി ജി സുധാകരന്‍ നിര്‍വഹിക്കും. രാവിലെ 9.30ന് കിഴക്കേത്തലയില്‍ നടക്കുന്ന പരിപാടിയില്‍ പി ഉബൈദുള്ള എംഎല്‍എ അധ്യക്ഷനാവും. മന്ത്രി കെടി ജലീല്‍, എം പി മാരായ പികെ കുഞ്ഞാലിക്കുട്ടി, എം ഐ ഷാനവാസ് എന്നിവര്‍ പങ്കെടുക്കും.

2014-15,16 വര്‍ഷങ്ങളിലെ കെടെറ്റ് സര്‍ട്ടിഫിക്കറ്റ് പരിശോധന പൂര്‍ത്തിയാക്കിയവരുടെ സര്‍ട്ടിഫിക്കറ്റുകള്‍ ജില്ലാ വിദ്യാഭ്യാസില്‍ ലഭിക്കുമെന്ന് മലപ്പുറം വിദ്യാഭ്യാസ ഓഫീസര്‍ അറിയിച്ചു.

നെല്‍ കൃഷി നടത്താതെ നെല്‍ വയലുകള്‍ തരിശിടുന്ന പ്രവണത ഗുരുതരമായ പരിസ്ഥിതി പ്രശ്‌നങ്ങള്‍ സൃഷ്ടിക്കുമെന്ന് ജില്ലാ പഞ്ചായത്ത് പ്രസിഡണ്ട് എ.പി ഉണ്ണികൃഷ്ണന്‍ പ്രസ്താവിച്ചു. വേനലാവുന്നതോടെ രൂക്ഷമായ വരള്‍ച്ചയേ നേരിടേണ്ടി വരുന്നത് നെല്‍പാടങ്ങള്‍ കൃഷി ചെയ്യാതെ തരിശിടുന്നത് കൊണ്ടും നെല്‍ വയല്‍ തരം മാറ്റുന്നത് കൊണ്ടുമാണ്. സാമ്പത്തിക നഷ്ടത്തിന്റെ കണക്ക് പറഞ്ഞ് നെല്‍കൃഷി ഉപേക്ഷിച്ച് പോവുന്ന പ്രവണതക്ക് പരിഹാരമായാണ് നെല്‍ കൃഷിക്ക് കൂലി ചിലവിന്റെ സബ്‌സിഡി നല്‍കുവാന്‍ ജില്ലാ പഞ്ചായത്ത് തീരുമാനിച്ചതെന്ന് അദ്ദേഹം പറഞ്ഞു.

    പെരിന്തല്‍മണ്ണ സബ് രജിസ്ട്രാര്‍ ഓഫീസ് പരിധിയിലെ കൈപ്പട ലൈസന്‍സിയായ ശ്രീഹരി. ടി.ആര്‍ എന്നവരുടെ കൈപ്പട ലൈസന്‍സ് മൂന്ന് മാസത്തേക്ക് റദ്ദ് ചെയ്തതായി ജില്ലാ റജിസ്ട്രാര്‍ (ജനറല്‍) അറിയിച്ചു.

    വിദേശത്ത് തൊഴില്‍ തേടുന്നവര്‍ക്കായി നോര്‍ക്ക റൂട്ട്‌സ് നടത്തുന്ന തൊഴില്‍    വൈദഗ്ധ്യ പരിശീലനത്തിന് അപേക്ഷ ക്ഷണിച്ചു.
    ടോട്ടല്‍ സ്റ്റേഷന്‍ , ആട്ടോകാഡ് 2ഉ & 3ഉ, വെല്‍ഡര്‍ ഗ്യാസ് & ഇലക്ട്രിക്ക്,            ടിഗ് & മിഗ് വെല്‍ഡിംഗ്, ആട്ടോ മൊബൈല്‍ ടെക്‌നീഷ്യന്‍, പ്ലംബിംഗ് & സാനിറ്റേഷന്‍, ഷട്ടര്‍  കാര്‍പെന്റര്‍  ട്രേഡുകളിലാണ് പരിശീലനം. പരിശീലനത്തിന്റെ കാലാവധി  മൂന്ന് മാസമാണ്.  അപേക്ഷകര്‍ക്ക് ബന്ധപ്പെട്ട ട്രേഡില്‍ ഐ ടി ഐ യോഗ്യതയോ          അല്ലെങ്കില്‍ രണ്ടു വര്‍ഷത്തെ പ്രവത്തി പരിചയമോ ഉണ്ടായിരിക്കണം.

    കാലാവസ്ഥാ വ്യതിയാനവുമായി ബന്ധപ്പെട്ട് കടല്‍ രക്ഷാപ്രവത്തനങ്ങള്‍ക്കായി  24 മണിക്കൂറും  പ്രവര്‍ത്തന സജ്ജമായ കണ്‍ട്രോള്‍ റൂം ഫിഷറീസ് ഡെപ്യൂട്ടി ഡയറക്ടര്‍ ഓഫീസ്  പൊന്നാനി  കേന്ദ്രീകരിച്ച് തുറന്ന് പ്രവര്‍ത്തനം ആരംഭിച്ചു.  രക്ഷാപ്രവര്‍ത്തനങ്ങള്‍ക്ക് സജ്ജമായ പട്രോള്‍ ബോട്ടിന്റെയും ജീവനക്കാരുടെയും സേവനം ലഭിക്കുന്നതിന് 0494-2666428, 9496007031 നമ്പറുകളില്‍ വിളിക്കാവുന്നതാണ്.

ജില്ലയിലെ ഹൈസ്‌ക്കൂള്‍, ഹയര്‍ സെക്കണ്ടറി സ്‌ക്കൂള്‍ വിദ്യാര്‍ത്ഥികള്‍ക്ക് തെരഞ്ഞെടുപ്പുമായി ബന്ധപ്പെട്ട വിഷയത്തില്‍ തെരഞ്ഞെടുപ്പ് വിഭാഗം ജില്ലാ തല ക്വിസ് മത്സരം നടത്തുന്നു. ഡിസംബര്‍ നാലിന് മലപ്പുറം ഗവ. ഗേള്‍സ് ഹയര്‍ സെക്കണ്ടറി സ്‌കൂളില്‍  വൈകുന്നേരം മൂന്നിനാണ് മത്സരം.  
സ്‌കൂളുകളില്‍ നിന്ന് പ്രാഥമിക റൗണ്ടില്‍ തെരഞ്ഞെടുത്ത രണ്ടു വിദ്യാര്‍ത്ഥികള്‍ ഉള്‍പ്പെടുന്ന 120 സ്‌ക്കൂളുകളില്‍ നിന്നുള്ള ടീമുകള്‍പങ്കെടുക്കും.

ജില്ലാ എംപ്ലോയ്‌മെന്റ് എക്‌സചേഞ്ചിലെ സ്വയംതൊഴില്‍ വിഭാഗത്തിന്റെയും കാലിക്കറ്റ് സര്‍വ്വകലാശാല എംപ്ലോയ്‌മെന്റ് ഇന്‍ഫര്‍മേഷന്‍ ആന്‍ഡ് ഗൈഡന്‍സ് ബ്യൂറോയുടേയും സംയുക്ത ആഭിമുഖ്യത്തില്‍ യൂണിവേഴ്‌സിറ്റ്  ടാഗോര്‍ നികേതന്‍ സെമിനാര്‍ ഹാളില്‍ ഡിസംബര്‍ ആറിന് രാവിലെ 10ന് സ്വയം തൊഴില്‍ ബോധവല്‍ക്കരണ ശില്‍പശാല സംഘടിപ്പിക്കും.