എം.എസ്.പി മേല്‍മുറി ക്യാമ്പിലെ മഴമരം, ചീനി എന്നിവ ജൂണ്‍ 21ന് രാവിലെ 11ന് പുനര്‍ലേലം ചെയ്യും.  ഫോണ്‍ 0483 2734921.

പ്രധാനമന്ത്രി നരേന്ദ്രമോദിയോടൊപ്പം സംവദിക്കാന്‍ കഴിഞ്ഞതിന്റെ ആഹ്ലാദത്തിലാണ് ജില്ലയിലെ  പ്രധാനമന്ത്രി ജന്‍ ഔഷധി യോജന (പി.എം.ജെ.എ.വൈ)  ഗുണഭോക്താക്കള്‍. രാജ്യത്തെമ്പാടുമുള്ള പി.എം.ജെ.എ.വൈ ഗുണഭോക്താക്കളുമായുള്ള സംവാദത്തിന്റെ ഭാഗമായാണ് ജില്ലയിലെ ഗുണഭോക്താക്കളോടും വീഡിയോ കോണ്‍ഫ്രന്‍സിലൂടെ പ്രധാനമന്ത്രി സംവദിച്ചത്. ജില്ലയില്‍ നിന്നും 50 ഗുണഭോക്താക്കളെയാണ്  സംവാദത്തിനായി തെരഞ്ഞെടുത്തിരുന്നത്. സിവില്‍ സ്റ്റേഷനിലെ നാഷണല്‍ ഇന്‍ഫര്‍മാറ്റിക് സെന്ററിലാണ് ഇവര്‍ക്ക് കോണ്‍ഫറന്‍സിനായി അവസരമൊരുക്കിയിരുന്നത്.

ചെല്ലാനം, വൈപ്പിന്‍ മേഖലയില്‍ സംരക്ഷണ ഭിത്തി ശക്തിപ്പെടുത്തുന്നത് ഉടന്‍ പൂര്‍ത്തിയാക്കും 

സംസ്ഥാന ലോട്ടറിയുടെ വരുമാനം മുഴുവൻ സംസ്ഥാനത്തെ ആരോഗ്യ മേഖലയ്ക്കായി വിനിയോഗിക്കുമെന്ന്  ധനകാര്യവകുപ്പ് മന്ത്രി ഡോ. ടി എം തോമസ് ഐസക് പറഞ്ഞു.

കുവൈറ്റില്‍ ഗാര്‍ഹികജോലികള്‍ക്കായി കേരളത്തില്‍നിന്ന് വനിതകളെ റിക്രൂട്ട് ചെയ്യുന്നതിന് നോര്‍ക്ക റൂട്ട്‌സും കുവൈറ്റ് സര്‍ക്കാര്‍ അംഗീകരിച്ച അല്‍-ദുറ കമ്പനിയും കരാറില്‍ ഒപ്പുവെച്ചു.
ഇതനുസരിച്ച് ആദ്യപടിയായി 500 വനിതകളെ ഉടന്‍ തിരഞ്ഞെടുത്ത് പരിശീലനം നല്‍കും. പരിശീലനവും റിക്രൂട്ട്‌മെന്റും തികച്ചും സൗജന്യമാണ്. നോര്‍ക്ക റൂട്ട്‌സിന്റെ വെബ്‌സൈറ്റ് www.norkaroots.net മുഖേന ബുധനാഴ്ച മുതല്‍ ഓണ്‍ലൈനായി അപേക്ഷിക്കാമെന്ന് ചീഫ് എക്‌സിക്യുട്ടീവ് ഓഫീസര്‍ .അറിയിച്ചു.

വിഴിഞ്ഞം അന്താരാഷ്ട്ര ആഴക്കടല്‍ തുറമുഖ പദ്ധതി പ്രദേശത്തെ ജീവനോപാധി നഷ്ടപ്പെട്ട 731 കരമടി മത്സ്യത്തൊഴിലാളികള്‍ക്ക് ആളോഹരി നഷ്ടപരിഹാര തുകയായ 5.60 ലക്ഷം രൂപയുടെ വിതരണോദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിക്കും. നാളെ (ജൂണ്‍ 11) ഉച്ചയ്ക്ക് 12.30 ന് തിരുവനന്തപുരം തൈക്കാട് പി.ഡബ്ല്യു.ഡി റെസ്റ്റ് ഹൗസ് കോണ്‍ഫറന്‍സ് ഹാളില്‍ നടക്കുന്ന ചടങ്ങില്‍ തുറമുഖ മന്ത്രി രാമചന്ദ്രന്‍ കടന്നപ്പള്ളി അദ്ധ്യക്ഷത വഹിക്കും. മന്ത്രിമാരായ മേഴ്‌സിക്കുട്ടി അമ്മ, കടകംപള്ളി സുരേന്ദ്രന്‍ എന്നിവര്‍ മുഖ്യാതിഥികളാകും.  

സംസ്ഥാന പരിസ്ഥിതി കാലാവസ്ഥാ വ്യതിയാന വകുപ്പ് നടപ്പിലാക്കുന്ന പരിസ്ഥിതി ഗവേഷണവും കാലാവസ്ഥാ വ്യതിയാനം തുടങ്ങിയ പദ്ധതികളുടെ ഭാഗമായി ഗവേഷണ പ്രോജക്ടുകള്‍ ക്ഷണിച്ചു.

സാങ്കേതിക വിദ്യാഭ്യാസ വകുപ്പിന് കീഴിലുളള 17 ഗവണ്‍മെന്റ് കൊമേഴ്‌സ്യല്‍ ഇന്‍സ്റ്റിറ്റ്യൂട്ടുകളില്‍  രണ്ടു വര്‍ഷത്തെ സെക്രട്ടേറിയല്‍ പ്രാക്ടീസ് ഡിപ്ലോമാ കോഴ്‌സിലേക്കും, 42 ഗവണ്‍മെന്റ് ഇന്‍സ്റ്റിറ്റ്യൂട്ട് ഓഫ് ഫാഷന്‍ ഡിസൈനിംഗില്‍ നടത്തപ്പെടുന്ന രണ്ട് വര്‍ഷത്തെ ഫാഷന്‍ ഡിസൈനിംഗ് ആന്റ് ഗാര്‍മെന്റ് ടെക്‌നോളജി കോഴ്‌സുകളില്‍ പ്രവേശനത്തിന് അപേക്ഷ ക്ഷണിച്ചു.