ഭിന്നശേഷിക്കാരായ ഉദ്യോഗസ്ഥര്‍ക്ക് വിവിധ പരീക്ഷകളില്‍ പങ്കെടുക്കുന്നതിന് പരിശീലനം നല്‍കുന്നു.  എറണാകുളം ഭിന്നശേഷിക്കാര്‍ക്കുള്ള പ്രത്യേക എംപ്ലോയിമെന്റ് എക്‌സ്‌ചേഞ്ചിന്റെ ആഭിമുഖ്യത്തില്‍ ആലുവ കീഴ്മാട് അന്ധ വിദ്യാലയത്തില്‍ ജൂണ്‍ അവസാനം പരിശീലനം തുടങ്ങും.  25 ദിവസം നീണ്ടു നില്‍ക്കുന്ന പരിശീലനത്തില്‍ പങ്കെടുക്കാന്‍ താല്‍പര്യമുള്ളവര്‍ ജൂണ്‍ 12നകം രിജിസ്റ്റര്‍ ചെയ്യണം.   ഫോണ്‍ 0484 2421633, 2623412.

തവനൂരിലെ മഹിളാ മന്ദിരത്തിലേക്ക് മള്‍ട്ടി ടാസ്‌ക് കെയര്‍ ഗിവര്‍ ഒഴിവിലേക്ക് കരാര്‍ അടിസ്ഥാനത്തില്‍ 89 ദിവസത്തേക്ക് നിയമനം നടത്തുന്നതിന് അപേക്ഷ ക്ഷണിച്ചു.  യോഗ്യത എട്ടാം ക്ലാസ്. പ്രതിമാസം ഓണറേറിയം 13,500 രൂപ. താല്‍പര്യമുള്ളവര്‍ ജൂണ്‍ 18ന് രാവിലെ 11ന് കൂടിക്കാഴ്ചക്ക് സ്ഥാപനത്തില്‍ എത്തണം. 

സംസ്ഥാന സര്‍ക്കാരിന്റെ രണ്ടാം വാര്‍ഷികത്തോടനുബന്ധിച്ചു പെരിന്തല്‍മണ്ണ സ്വദേശിയായ കെ .പി അനീഷ് രചനയും സംഗീതവും നിര്‍വഹിച്ച മ്യൂസിക് ആല്‍ബം മുഖ്യമന്ത്രി പിണറായി വിജയന്‍ കവിയും ഗാനരചയിതാവുമായ പ്രഭാ വര്‍മക്കു നല്‍കി പ്രകാശനം ചെയ്തു. സര്‍ക്കാരിന്റെ രണ്ടു വര്‍ഷത്തെ ഭരണ നേട്ടങ്ങളും മിഷന്‍ പരിപാടികളും ഉള്‍ക്കൊള്ളിച്ചു കൊണ്ടാണ് ആല്‍ബം ചിട്ടപ്പെടുത്തിയിരിക്കുന്നത്. സുരേഷ്, സരിഗ എന്നിവരാണ് പാടിയിരിക്കുന്നത്. വിനീത് വാസുദേവനാണ് ചിത്ര സംയോജനം  ചെയ്തിട്ടുള്ളത്. ആല്‍ബം https://youtu.be/DjegRInd7N4 എന്ന ലിങ്കില്‍ ലഭിക്കും

   തിരൂരങ്ങാടി ഗവണ്‍മെന്റ് പോളിടെക്‌നിക് കോളേജിന്റെ കീഴില്‍ വേങ്ങരയില്‍  പ്രവര്‍ത്തിക്കുന്ന ഗവ.ഇന്‍സ്റ്റിറ്റ്യൂട്ട് ഓഫ് ഫാഷന്‍ ഡിസൈനിങ്ങ് സെന്ററില്‍ രണ്ടു വര്‍ഷ കാലാവധിയുള്ള   ഫാഷന്‍   ഡിസൈനിങ്ങ് ആന്‍ഡ് ഗാര്‍മെന്റ് ടെക്‌നോളജി കോഴ്‌സിനുള്ള അപേക്ഷ ക്ഷണിച്ചു. അപേക്ഷകള്‍ സ്വികരിക്കുന്ന അവസാന തിയ്യതി ജൂണ്‍ 26.  കൂടുതല്‍ വിവരങ്ങള്‍ക്ക് വേങ്ങര കച്ചേരിപ്പടിയില്‍ പ്രവര്‍ത്തിക്കുന്ന ഗവ.ഇന്‍സ്റ്റിറ്റ്യൂട്ട് ഓഫ് ഫാഷന്‍ ഡിസൈനിങ്ങ് സെന്ററുമായി ബന്ധപ്പെടാം. ഫോണ്‍  8943195595, 9847155117.

ജില്ലാ പഞ്ചായത്ത് ദാരിദ്ര ലഘൂകരണ വിഭാഗം പ്രൊജക്ട് ഡയറക്ടര്‍ ആന്‍ഡ് മഹാത്മാഗാന്ധി എന്‍.ആര്‍.ഇ.ജി.എസ് ജോയിന്റ് പ്രോഗ്രാം കോ-ഓര്‍ഡിനേറ്ററായി  കെ. പ്രദീപന്‍ ചുമതലയേറ്റു.

എസ്.ആര്‍.സി കമ്മ്യൂണിറ്റി കോളേജ് മാര്‍ച്ചില്‍ നടത്തിയ സര്‍ട്ടിഫിക്കറ്റ് ഇന്‍ മാനേജ്‌മെന്റ് ഓഫ് ലേണിങ് ഡിസബിലിറ്റി കോഴ്‌സ് പരീക്ഷയുടെ ഫലം പ്രസിദ്ധീകരിച്ചു. ഫലം www.src.kerala.gov.in/www.srccc.in ല്‍ ലഭിക്കും.  അടുത്ത ബാച്ച് ജൂലൈയില്‍ തുടങ്ങും.  ഫോണ്‍ 9446330827.

സംസ്ഥാനത്തെ മികച്ച ലഹരിവിരുദ്ധ ബോധവല്‍ക്കരണപ്രവര്‍ത്തനം നടത്തിയ സ്‌കൂള്‍/ലഹരിവിരുദ്ധ ക്ലബ്/ ക്ലബ് അംഗം/ കോളേജ് ലഹരിവിരുദ്ധ ക്ലബ്/ ക്ലബ് അംഗം/ ലഹരിവിരുദ്ധ സന്നദ്ധസംഘടന/ലഹരിവിരുദ്ധസന്നദ്ധ പ്രവര്‍ത്തകന്‍ എന്നിവര്‍ക്ക് സംസ്ഥാന അവാര്‍ഡുകള്‍ നല്‍കുന്നതിന് എക്‌സൈസ് വകുപ്പ് അപേക്ഷ ക്ഷണിച്ചു.  അപേക്ഷയുടെ കോപ്പി എല്ലാ എക്‌സൈസ് റെയിഞ്ച് ഓഫീസുകളില്‍ നിന്നും ലഭിക്കും.  അപേക്ഷ അവരുടെ പരിധികളിലുളള എക്‌സൈസ് റെയിഞ്ച് ഓഫീസുകളില്‍ ജൂണ്‍ ഒമ്പതിനകം നല്‍കണം.

    മലപ്പുറം അഡീഷണല്‍ ഐ.സി.ഡി.എസ് പ്രോജക്ടിന്റെ ഓഫീസ് ആവശ്യത്തിന് വാഹനം വാടകക്ക് എടുക്കുന്നതിന് റീടെണ്ടര്‍ ക്ഷണിച്ചു.  ടെണ്ടര്‍ ജൂണ്‍ 12ന് ഉച്ചക്ക് ഒന്നിനകം ഐ.സി.ഡി.എസ് മലപ്പുറം അഡീഷണല്‍ ഓഫീസ്, പൂക്കോട്ടൂര്‍ എന്ന വിലാസത്തില്‍ ലഭിക്കണം.  ഫോണ്‍ 0483 2776636.