പെരിന്തല്‍മണ്ണയില്‍ നഗരസഭ സ്ഥാപിക്കുന്ന ആധുനിക മാംസ സംസ്‌കരണ പ്ലാന്റിന് കിഫ്ബിയില്‍ നിന്നു 11 കോടി രൂപ അനുവദിച്ചു. നഗരസഭ തയാറാക്കി സമര്‍പ്പിച്ച ഡി പി ആര്‍ പ്രകാരമാണ് തുക അനുവദിച്ചത്. ജൂണ്‍ രണ്ടിന് ചേര്‍ന്ന കിഫ്ബി ഡയറക്ടര്‍ ബോര്‍ഡ് യോഗത്തിലാണ് പദ്ധതിക്ക് അന്തിമ അംഗീകാരം നല്‍കിയത്. ടെണ്ടര്‍ നടപടികള്‍ ഈ മാസം തന്നെ ആരംഭിച്ച് ഒരു വര്‍ഷത്തിനുള്ളില്‍ പദ്ധതി പൂര്‍ത്തീകരിക്കും.

    ജില്ലയില്‍ പനി ബാധിച്ച് ഇന്നലെ (ഒന്‍പത്) 357 പേര്‍ വിവിധ ആശുപത്രികളില്‍ ചികിത്സ തേടി. ഡങ്കിപ്പനി ലക്ഷണങ്ങളോടെ ആശുപത്രിയിലെത്തിയ ഏഴ് പേരില്‍ ആറു പേര്‍ക്ക് ഡങ്കിപ്പനി സ്ഥിരീകരിച്ചു. മൂന്നു പേര്‍ക്ക് എലിപ്പനി സ്ഥിരീകരിച്ചു. വയറിളക്ക രോഗങ്ങള്‍ക്ക് 67 പേര്‍ ചികിത്സ തേടി. വല്ലന, മെഴുവേലി, ഇലന്തൂര്‍  എന്നിവിടങ്ങളിലാണ് ഡങ്കിപ്പനി സ്ഥിരീകരിച്ചത്. പുറമറ്റം, വല്ലന, മെഴുവേലി എന്നിവിടങ്ങളിലാണ് എലിപ്പനി സ്ഥിരീകരിച്ചിട്ടുള്ളതെന്നും ഡിഎംഒ (ആരോഗ്യം) അറിയിച്ചു.         (പിഎന്‍പി 1481/18)    
 

ഡെങ്കിപ്പനി സാന്നിധ്യം കണ്ടെത്തിയിട്ടുള്ള ആറډുള പഞ്ചായത്തില്‍ ഡെപ്യുട്ടി ഡിഎംഒ ഡോ. റ്റി. അനിതാകുമാരിയുടെ നേതൃത്വത്തില്‍ രോഗപ്രതിരോധ പ്രവര്‍ത്തനങ്ങള്‍ ശക്തിപ്പെടുത്തി. പഞ്ചായത്തിലെ അഞ്ച്, 11, 12, 13 വാര്‍ഡുകളില്‍ നടന്ന ഊര്‍ജിത ഉറവിട നശീകരണ പ്രവര്‍ത്തനങ്ങളില്‍ വല്ലന സാമൂഹികാരോഗ്യ കേന്ദ്രത്തിലെ ആരോഗ്യ പ്രവര്‍ത്തകരും ആഷാ പ്രവര്‍ത്തകരും കുടുംബശ്രീ അംഗങ്ങളും പങ്കെടുത്തു. തുടര്‍ച്ചയായി മൂന്നാഴ്ച ഈ പ്രവര്‍ത്തനങ്ങള്‍ തുടരുമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) ഡോ. എ.എല്‍. ഷീജ അറിയിച്ചു. രോഗപ്രതിരോധ പ്രവര്‍ത്തനങ്ങള്‍ക്ക് എല്ലാവരുടേയും സഹകരണമുണ്ടാകണമെന്നും ഡിഎംഒ അഭ്യര്‍ഥിച്ചു. 

കേരള ഫിഷറീസ് വകുപ്പിന്റെ കീഴില്‍ പ്രവര്‍ത്തിക്കുന്ന സൊസൈറ്റി ഫോര്‍ അസിസ്റ്റന്റ്‌സ് ടു വിമണ്‍ (സാഫ്) മുഖാന്തിരം  തീരമൈത്രി പദ്ധതിയുടെ കീഴില്‍ സൂക്ഷ്മ തൊഴില്‍ സംരംഭങ്ങളുടെ യൂണിറ്റ് തുടങ്ങുന്നതിന് മത്സ്യത്തൊഴിലാളി  വനിതകളടങ്ങുന്ന ഗ്രൂപ്പുകളില്‍ നിന്നും അപേക്ഷകള്‍ ക്ഷണിച്ചു. ഒരു അംഗത്തിന് പരമാവധി 75000/ രൂപവരെയും  നാല് പേരടങ്ങുന്ന ഒരു ഗ്രൂപ്പിന് മൂന്ന് ലക്ഷം രൂപ വരെയും ഈ പദ്ധതിയില്‍ തിരിച്ചടക്കാത്ത ഗ്രാന്റായി ലഭിക്കും.