ജില്ലാതല ബാങ്കിങ് അവലോകന സമിതി യോഗം ജൂണ്‍ 20-ന് രാവിലെ 10-ന് ഹോട്ടല്‍ ഗസാലയില്‍ നടക്കുമെന്ന് ലീഡ് ഡിസ്ട്രിക്ട് മാനെജര്‍ അറിയിച്ചു.

പട്ടാമ്പി താലൂക്ക് ആശുപത്രിയില്‍ ലാബ് ടെക്നീഷന്‍റെ താല്‍ക്കാലിക ഒഴിവുണ്ട്. അഭിമുഖം ജൂണ്‍ 13-ന് രാവിലെ 11-ന് താലൂക്ക് ആശുപത്രിയില്‍ നടക്കും. പ്ലസ്ടുവും പി.എസ്.സി അംഗീകൃത ഡി.എം.എല്‍.റ്റി കോഴ്സും രണ്ടു വര്‍ഷത്തെ പ്രവൃത്തി പരിചയം അല്ലെങ്കില്‍ പി.എസ്.സി അംഗീകൃത മെഡിക്കല്‍ ലബോറട്ടറി ടെക്നോളജി ബിരുദ കോഴ്സും ഒരു വര്‍ഷത്തെ പ്രവൃത്തി പരിചയവും യോഗ്യതയായി പരിഗണിക്കും. താല്‍പര്യമുളളവര്‍ അസ്സല്‍ സര്‍ട്ടിഫിക്കറ്റുകളും   സാക്ഷ്യപ്പെടുത്തിയ പകര്‍പ്പുകളും തിരിച്ചറിയല്‍ രേഖയും പാസ്പോര്‍ട്ട്സൈസ് ഫോട്ടോയും, പ്രവൃത്തി പരിചയമുളളവര്‍ അവ തെളിയിക്കുന്ന രേഖകളും സഹിതമെത്തണം.

അട്ടപ്പാടി ബ്ലോക്ക് പഞ്ചായത്തിലെ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ ബ്ലോക്ക് പ്രോഗ്രാം ഓഫീസില്‍ അക്കൗണ്ടന്‍റ് കം ഡാറ്റാ എന്‍ട്രി ഓപ്പറേറ്ററുടെ നിലവിലുളള ഒഴിവിലേക്ക് കരാര്‍ നിയമനം നടത്തുന്നു. ബികോം, പി.ജി.ഡി.സി.എ യോഗ്യതയുളളവര്‍ക്ക് അപേക്ഷിക്കാം. ബയോഡാറ്റ സഹിതമുളള അപേക്ഷ ജൂണ്‍ 16-നകം ഓഫീസില്‍ ലഭ്യമാക്കണം. കൂടൂതല്‍ വിവരങ്ങള്‍ ബ്ലോക്ക് പഞ്ചായത്ത് ഓഫീസില്‍ ലഭിക്കും. 
 

ഭരണപരിഷ്ക്കരണ കമ്മീഷന്‍ ചെയര്‍മാന്‍ കൂടിയായ വി.എസ്. അച്ചുതാനന്ദന്‍ എം.എല്‍.എ യുടെ മലമ്പുഴ നിയോജക മണ്ഡലത്തിലെ വ്യവസായ വികസന പദ്ധതിയുടെ ഭാഗമായി കഞ്ചിക്കോട് വ്യവസായ മേഖലയില്‍ ഫലവൃക്ഷങ്ങള്‍ നട്ടുവളര്‍ത്തി ഗ്രീന്‍ ബെല്‍റ്റ് ശക്തിപ്പെടുത്തും. ഇതിന്‍റെ ഭാഗമായി ലോക പരിസ്ഥിതി ദിനത്തില്‍ മലമ്പുഴ ബ്ലോക്ക് പഞ്ചായത്ത് ക്ഷേമകാര്യ സ്റ്റാന്‍ഡിങ്ങ് കമ്മിറ്റി ചെയര്‍മാന്‍ വി.സി  ഉദയകുമാര്‍ വൃക്ഷതൈകള്‍ നട്ട് ഉദ്ഘാടനം ചെയ്തു.  ജില്ലാ വ്യവസായ കേന്ദ്രം മാനെജര്‍മാരായ ടി.ടി ലോഹിതാക്ഷന്‍, ആര്‍.ദിനേഷ്, കഞ്ചിക്കോട് ഇന്‍ഡസ്ട്രീസ് ഫോറം പ്രതിനിധികള്‍ പങ്കെടുത്തു.

    ബെമ്മണ്ണൂര്‍ സര്‍ക്കാര്‍ ഹൈസ്കൂളില്‍ എച്ച്.എസ്.എ മലയാളം വിഭാഗം ഒഴിവുണ്ട്. കൂടിക്കാഴ്ച ജൂണ്‍ 11 ന് രാവിെല 10.30 ന് സ്കൂളില്‍ നടക്കും. ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം കൂടിക്കാഴ്ചയ്ക്കെത്തണമെന്ന് പ്രധാനധ്യാപിക അറിയിച്ചു.

    ഐ.എച്ച്.ആര്‍.ഡി. യുടെ കീഴിലുളള ഏഴ് എഞ്ചിനീയറിങ് കോളെജുകളില്‍ എം.ടെക് കോഴ്സുകളിലെ (2018-19) സ്പോണ്‍സേഡ് സീറ്റ് പ്രവേശനത്തിന് അപേക്ഷിക്കാം.  അതത് കോളെജിന്‍റെ വെബ്സൈറ്റില്‍ നിന്നും അപേക്ഷ ഡൗണ്‍ലോഡ് ചെയ്യാം.  പൂരിപ്പിച്ച അപേക്ഷയും മറ്റ് അനുബന്ധ രേഖകളും 500 രൂപയുടെ ഡിമാന്‍ഡ് ഡ്രാഫ്റ്റ് (എസ്.സി/എസ്.റ്റിക്ക് 250 രൂപ) സഹിതം ജൂണ്‍ 12 നകം അതത് കോളെജില്‍ എത്തിക്കണം.  യോഗ്യതയും മറ്റ്   വിവരങ്ങളും ശവൃറ.മര.ശി  ലെ പ്രോസ്പെക്ടസില്‍ ലഭിക്കും.

വയറിളക്ക രോഗങ്ങള്‍ക്കെതിരെയുളള പാനീയ ചികിത്സാ പരിചരണത്തിന്‍റെ ഭാഗമായി ഹൈസ്കൂള്‍ വിദ്യാര്‍ഥികള്‍ക്കായി ക്വിസ് മത്സരവും ഹയര്‍ സെക്കന്‍ഡറി വിദ്യാര്‍ഥികള്‍ക്കായി ഉപന്യാസ രചനാ മത്സരവും നടത്തും.  ക്വിസ് മത്സരം ജൂണ്‍ 21 നും ഉപന്യാസ മത്സരം ജൂണ്‍ 22 നും  ജില്ലാ ആശുപത്രി കോംപൗണ്ടിലുളള ഗവ. നഴ്സിങ് സ്കൂള്‍ ഓഡിറ്റോറിയത്തില്‍ നടത്തും.  താത്പര്യമുളളവര്‍ സ്കൂള്‍ അധികൃതരുടെ സമ്മതപത്രവുമായി രാവിലെ 9.30 ന് എത്തണം.  വയറിളക്ക രോഗവും പാനീയ ചികിത്സയും, പൊതുജനാരോഗ്യവും എന്നതാണ് ക്വിസ് മത്സര വിഷയം.  വയറിളക്കരോഗവും പാനീയ ചികിത്സയും എന്നതാണ് ഉപന്യാസ മത്സരത്തിനുളള വിഷയം.  ഫോണ്‍ - 9446381289.

    ജൂണ്‍ 11 വരെ കേരളത്തില്‍ അതിശക്തമായി മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്‍റെ മുന്നറിയിപ്പിനെ തുടര്‍ന്ന് ജില്ലാ കലക്ടറേറ്റിലും താലൂക്കുകളിലും 24 മണിക്കൂര്‍  കണ്‍ട്രോള്‍ റൂമുകള്‍ പ്രവര്‍ത്തിക്കുമെന്ന് ജില്ലാ കലക്ടര്‍ അറിയിച്ചു.   0491 2505309, 0491 2505209 എന്നീ നമ്പരുകളിലാണ് ജില്ലാ കലക്ടറേറ്റ് കണ്‍ട്രോള്‍ റൂം പ്രവര്‍ത്തിക്കുക.