മൃഗസംരക്ഷണ വകുപ്പിന്റെ  ആഭിമുഖ്യത്തില്‍  മലമ്പുഴ മൃഗസംരക്ഷണ പരിശീലന കേന്ദ്രത്തില്‍ ജൂണ്‍ 13, 14 തിയ്യതികളില്‍ സൗജന്യ എരുമ/പോത്ത് വളര്‍ത്തല്‍ പരിശീലനം സംഘടിപ്പിക്കുന്നു. പങ്കെടുക്കുവാന്‍ താല്‍പര്യമുളളവര്‍ നേരിട്ടോ ഫോണ്‍ മുഖേനയോ ഓഫീസ് സമയങ്ങളില്‍ മുന്‍കൂട്ടി പേര് രജിസ്റ്റര്‍ ചെയ്യേണ്ടണ്‍താണ്.(ഫോണ്‍ നമ്പര്‍: 0491 2815454, 8281777080 )  രജിസ്റ്റര്‍ ചെയ്തവര്‍ ആധാര്‍നമ്പറുമായി 13ന് രാവിലെ 10 നകം മലമ്പുഴ മൃഗസംരക്ഷണ  പരിശീലന കേന്ദ്രത്തില്‍ എത്തിച്ചേരണം.  

ബ്ലോക്ക് പഞ്ചായത്ത് പരിധിയിലെ മുഴുവന്‍ സ്‌കൂള്‍ വിദ്യാര്‍ത്ഥികള്‍ക്കും പരിസ്ഥിതി സൗഹൃദ വാട്ടര്‍ ഫ്‌ളാസ്‌കുകള്‍ സൗജന്യമായി നല്‍കി കുറ്റിപ്പുറത്തിന്റെ മാതൃക. സ്‌കൂളുകളിലും വീടുകളിലും ഹരിത പെരുമാറ്റ ചട്ടം കൊണ്ടു വരുന്നതിന്റെ ഭാഗമായാണ് ബ്ലോക്ക് പഞ്ചായത്തിന്റെ ഈ മാതൃകാ പദ്ധതി. 'സമഗ്ര വിദ്യാഭ്യാസ യജ്ഞവും പ്ലാസ്റ്റിക് നിര്‍മാര്‍ജനവും' എന്ന പേരിലാണ് പദ്ധതി നടപ്പാക്കുന്നത്. പ്ലാനിംഗ് ഫണ്ടില്‍ നിന്നുള്ള പത്ത് ലക്ഷം രൂപ ഉപയോഗിച്ചാണ് പദ്ധതി.

ജന്‍ ശിക്ഷണ്‍ സന്‍സ്ഥാന്‍ (ജെ എസ് എസ്) മലപ്പുറം യൂണിറ്റിന് ദേശീയ തലത്തില്‍ വീണ്ടും അംഗീകാരം.  ന്യൂഡല്‍ഹി ആസ്ഥാനമായ ഇന്ത്യന്‍ അഡല്‍റ്റ് എഡ്യുക്കേഷന്‍ അസോസിയേഷന്റെ ടാഗോര്‍ ലിറ്ററസി അവാര്‍ഡാണ് ജന്‍ ശിക്ഷന്‍ സന്‍സ്ഥാന് ലഭിച്ചത്.  ഓര്‍ഗനൈസേഷന്‍ നടത്തുന്ന സാക്ഷരത പ്രവര്‍ത്തനങ്ങള്‍ക്കും മുതിര്‍ന്നവരുടെ വിദ്യാഭ്യാസ-തൊഴില്‍ നൈപുണ്യ പരിശീലന പ്രവര്‍ത്ത നങ്ങള്‍ക്കുമുള്ള അംഗീകാരമായാണ് അവാര്‍ഡ്.

ശുചിത്വം ഉറപ്പു വരുത്താന്‍ കര്‍ശന പരിശോധനകളും പദ്ധതികളുമായി കോട്ടയ്ക്കല്‍ നഗരസഭ. ബോധവത്കരണത്തോടൊപ്പം പരിശോധനകളും കര്‍ശനമാക്കിയിട്ടുണ്ട്. മാലിന്യം തള്ളുന്നതിനെതിരെ അനൗണ്‍സ്‌മെന്റ് നടത്തുന്ന തൊടൊപ്പം തള്ളുന്നവരെ കണ്ടെത്താന്‍ സി.സി.ടി.വി ക്യാമറകള്‍കൂടി സ്ഥാപിക്കാനൊരുങ്ങുകയാണ് നഗരസഭാധികൃതര്‍.

ജൂണ്‍ ഒമ്പതിന് നടത്താനിരുന്ന പൊന്നാനി ഐ.സി.എസ്.ആര്‍ കെട്ടിട ഉദ്ഘാടനവും ജൂണ്‍ 10ലെ സിവില്‍ സര്‍വ്വീസ് പ്രിലിമിനറി പരീക്ഷാ കോച്ചിങ് പ്രവേശന പരീക്ഷയും മറ്റൊരു മാറ്റിവെച്ചു. പുതുക്കിയ തിയതികള്‍ പിന്നീട് അറിയിക്കും.

ജില്ലയിലെ 16 സ്‌കൂളുകള്‍ ഈ വര്‍ഷം അന്താരാഷ്ട്ര നിലവാരമുള്ള മികവിന്റെ കേന്ദ്രങ്ങളായി മാറും. ഈ സാമ്പത്തിക വര്‍ഷം തന്നെ നിര്‍മാണപ്രവര്‍ത്തനങ്ങള്‍ പൂര്‍ത്തിയാക്കാനുള്ള നടപടികളുമായാണ് ജില്ലാഭരണകൂടം മുന്നോട്ട് പോകുന്നത്. ഇതിന്റെ ഭാഗമായി പഴയ കെട്ടിടങ്ങള്‍ പൊളിച്ചുമാറ്റാനും അധ്യയനം തടസ്സപ്പെടാതിരിക്കാന്‍ പകരം സംവിധാനങ്ങള്‍ ഒരുക്കാനും വിദ്യാഭ്യാസ ഡപ്യൂട്ടി ഡയറക്ടര്‍ക്കും ഡിഇഒമാര്‍ക്കും ജില്ലാ കലക്ടര്‍ നിര്‍ദേശം നല്‍കി. നിര്‍മാണ പുരോഗതി ഡിഇഒമാര്‍ യഥാസമയം വിലയിരുത്തുകയും അത് ബന്ധപ്പെട്ട എംഎല്‍എമാരെ അറിയിക്കുകയും വേണം.

    
പരിസ്ഥിതി ദിനാഘോഷത്തിന്റെ സന്ദേശമുള്‍ക്കൊണ്ട് ജില്ലയിലെ  പ്ലാസ്റ്റിക് മാലിന്യ വിപത്തിനെ നേരിടാന്‍ ഒരുങ്ങുകയാണ് ജില്ലാ പഞ്ചായത്ത്. പരിസ്ഥിതി ദിനത്തില്‍ ജില്ലാ പഞ്ചായത്തില്‍ ചേര്‍ന്ന യോഗത്തില്‍ ഇതിനായി കര്‍മ്മ പദ്ധതി ആവിഷ്‌കരിച്ചു. പോസ്റ്റര്‍ പ്രകാശനം ചെയ്തുകൊണ്ട് ജില്ലാ പഞ്ചായത്ത് പ്രസിഡണ്ട് എ.പി ഉണ്ണികൃഷ്ണന്‍ പദ്ധതിക്ക് തുടക്കം കുറിച്ചു.      

സംസ്ഥാന ഗവണ്‍മെന്റിന്റെ കീഴിലുള്ള സാങ്കേതിക വിദ്യാഭ്യാസ വകുപ്പ് നടത്തുന്ന ഗവ. കോമേഴ്‌സ്യല്‍ ഇന്‍സ്റ്റിറ്റ്യൂട്ടുകളില്‍ ദ്വിവല്‍സര ഡിപ്ലൊമ ഇന്‍ സെക്രട്ടറിയല്‍ പ്രാക്ടീസ് കോഴ്‌സ് പ്രവേശനത്തിന് അപേക്ഷ ക്ഷണിച്ചു.  മഞ്ചേരി കരുവമ്പ്രം വെസ്റ്റിലെ ടെക്‌നിക്കല്‍ ഹൈസ്‌കൂള്‍ കാമ്പസിലെ ഗവ. കൊമേഴ്‌സ്യല്‍ ഇന്‍സ്റ്റിറ്റ്യൂട്ടില്‍ നിന്നും അപേക്ഷ ഫോം ലഭിക്കും.  യോഗ്യത എസ്.എസ്.എല്‍.സി. അപേക്ഷ ജൂണ്‍ 26നകം ലഭിക്കണം.  ഫോണ്‍ 0483 2761565.