ജൂണ്‍ 12 ന് രാവിലെ 10.30 മണിക്ക് ജില്ലാ പഞ്ചായത്ത് പ്രസിഡണ്ടിന്റെ ചേമ്പറില്‍ നടത്താനിരുന്ന ജില്ലാ കാര്‍ഷിക വികസനസമിതി യോഗം മാറ്റി. 

മക്കരപ്പറമ്പ് ഇലക്ട്രിക്കല്‍ സെക്ഷന്‍് പരിധിയില്‍ വരുന്ന ചുങ്കത്തപ്പാറ, സെനീത്ത്, കടൂപുറം, കടുങ്ങൂത്ത്, കടുങ്ങൂത്ത് അത്തിക്കുഴി എന്നീ സ്ഥലങ്ങളില്‍  ഇന്ന് (ജൂണ്‍ 9) രാവിലെ എട്ടു മണി മുതല്‍ വൈകിട്ട് അഞ്ചു മണി വൈദ്യുതി മുടങ്ങുമെന്ന് അസിസ്റ്റന്റ് എഞ്ചിനീയര്‍ അറിയിച്ചു.

    നിലമ്പൂര്‍ ബ്ലോക്ക് പഞ്ചായത്ത് പരിധിയില്‍ വരുന്ന ഗ്രാമ പഞ്ചായത്തുകളില്‍ നിന്നും പ്രധാന മന്ത്രി ആവാസ് യോജന (പി.എം.എ.വൈ ഭവന പദ്ധതി) പ്രകാരം ഭവന നിര്‍മ്മാണത്തിന് കേന്ദ്ര സര്‍ക്കാര്‍ നിശ്ചയിച്ചിട്ടുള്ള മാനദണ്ഡ പ്രകാരം നിലവില്‍ വാസയോഗ്യമായ വീടില്ലാത്ത കുടുംബങ്ങളില്‍ നിന്നും അപേക്ഷ ക്ഷണിച്ചു. കൂടുതല്‍ വിവരങ്ങള്‍ക്ക് അതാത് ഗ്രാമ പഞ്ചായത്ത് വി.ഇ.ഒ. മാരുമായോ ബ്ലോക്ക് പഞ്ചായത്ത് ഓഫീസുമായോ ബന്ധപ്പെടേണ്ടതാണ്  ബ്ലോക്ക് സെക്രട്ടറി അറിയിച്ചു.

അച്ചനമ്പലം- കൂരിയാട് റൂട്ടില്‍ ബാലിക്കാട്ട് റോഡിന്റെ പാര്‍ശ്വഭിത്തി ഇടിഞ്ഞ് അപകടാവസ്ഥയിലായതിനാല്‍ ഇതു വഴി വലിയ വാഹനങ്ങള്‍ കടന്നു പോകുന്നത് അനിശ്ചിത കാലത്തേക്ക് നിരോധിച്ചു. വാഹനങ്ങള്‍ മറ്റു റൂട്ടുകളിലൂടെ കടന്നുപോകണമെന്ന് പി.ഡബ്യു.ഡി എക്‌സിക്യൂട്ടീവ് എഞ്ചിനീയര്‍ അറിയിച്ചു.

ലോകകപ്പ് ഫുട്‌ബോള്‍ മത്സരത്തിന്റെ പ്രചരണാര്‍ത്ഥം കേരള സംസ്ഥാന യുവജനക്ഷേമ ബോര്‍ഡിന്റെ ആഭിമുഖ്യത്തില്‍ സ്‌പോര്‍ട്‌സ് ക്വിസ് മത്സരം സംഘടിപ്പിക്കുന്നു. ചൊവാഴ്ച (ജൂണ്‍ 12) രാവിലെ 9.30 ന് മലപ്പുറം ബ്ലോക്ക് പഞ്ചായത്ത് കോണ്‍ഫ്രന്‍സ് ഹാളിലാണ് മത്സരം. 35 വയസ്സിനു താഴെ പ്രായമുള്ളവര്‍ക്കായാണ് മത്സരം. ഒന്നും രണ്‍ും മൂന്നും സ്ഥാനങ്ങള്‍ നേടുന്നവര്‍ക്ക് യഥാക്രമം 7,000/,  3,000/, 2,000/രൂപ വീതം ക്യാഷ് അവാര്‍ഡുകള്‍ നല്‍കും.

    മഞ്ചേരി ഗവ:നഴ്‌സിംഗ് സ്‌കൂളില്‍ 2018-21 വര്‍ഷത്തേക്കുള്ള ജനറല്‍ നഴ്‌സിംഗ് കോഴ്‌സിന് അപേക്ഷ ക്ഷണിച്ചു. പ്ലസ്ടു സയന്‍സ് (ബയോളജി, കെമിസ്ട്രി, ഫിസിക്‌സ്) ഐച്ഛിക വിഷയമായെടുത്ത് 40% മാര്‍ക്കോടെ പ്ലസ്ടു പാസ്സായവര്‍ക്ക് അപേക്ഷിക്കാം. എസ്.സി/ എസ്.ടി വിഭാഗത്തിന് പാസ് മാര്‍ക്ക് മതിയാകും. സയന്‍സ് ബാച്ചുകാരുടെ അഭാവത്തില്‍ മറ്റു ഗ്രൂപ്പുകാരെയും പരിഗണിക്കും. അപേക്ഷാ ഫോറവും പ്രോസ്‌പെക്ടസും ആരോഗ്യ വകുപ്പ് ഡയറക്ടറുടെ വെബ്‌സൈറ്റായ ംം.റവ.െസലൃമഹമ.ഴീ്.ശി ല്‍ ലഭിക്കും. ജൂലൈ 21 വൈകിട്ട് അഞ്ച് മണിക്ക് മുമ്പായി അപേക്ഷ സമര്‍പ്പിക്കണമെന്ന് പ്രിന്‍സിപ്പാള്‍ അറിയിച്ചു.