ജില്ലാ മെഡിക്കല്‍ ഓഫീസറുടെ കോവിഡ് പരിശോധന ഫലം നെഗറ്റീവ്

ജില്ലയില്‍ കോവിഡ് കേസുകള്‍ കൂടിവരുന്ന സാഹചര്യത്തില്‍ ഇത്തവണ ഓണഘോഷങ്ങള്‍ കോവിഡ് മാനദണ്ഡങ്ങള്‍ പാലിച്ച് ജാഗ്രതയോടെ നടത്തണമെന്ന് ജില്ലാ മെഡിക്കല്‍ ഓഫീസര്‍ ഡോ.കെ സക്കീന അറിയിച്ചു. ഓണവുമായി ബന്ധപ്പെട്ട് വരും ദിവസങ്ങളില്‍ വ്യാപാരസ്ഥാപനങ്ങളില്‍ തിരക്ക് വര്‍ധിക്കാന്‍ സാധ്യതയുള്ളതിനാല്‍  സ്ഥാപനങ്ങള്‍ ആള്‍ക്കൂട്ടം ഉണ്ടാകുന്ന സാഹചര്യം ഒഴിവാക്കുന്നതുമായി ബന്ധപ്പെട്ട കോവിഡ് മാനദണ്ഡങ്ങള്‍ കര്‍ശനമായി പാലിക്കണം. സാമൂഹിക അകലം പാലിച്ച് മാത്രം ആളുകളെ അകത്ത് പ്രവേശിപ്പിക്കാന്‍ പാടൂള്ളൂ.

 നിര്‍ദേശങ്ങള്‍

ഓണാഘോഷവുമായി ബന്ധപ്പെട്ട് കച്ചവട സ്ഥാപനങ്ങളിലും പൊതുസ്ഥലങ്ങളിലും കോവിഡ് മാനദണ്ഡങ്ങള്‍ പാലിക്കുന്നുണ്ടോയെന്ന് പരിശോധിക്കാനും ഉറപ്പുവരുത്താനും ജില്ലാകലക്ടര്‍ പ്രത്യേക സ്‌ക്വാഡുകളെ നിയോഗിച്ചു. ഹയര്‍സെക്കന്‍ഡറി അധ്യാപകരുടെ നേതൃത്വത്തില്‍ പൊലീസ് ഉദ്യോഗസ്ഥരും മറ്റ് വകുപ്പുദ്യോഗസ്ഥരും അടങ്ങുന്ന സ്‌ക്വാഡ് എല്ലാ പഞ്ചായത്തുകളിലും പരിശോധന നടത്തും. നിയമലംഘനങ്ങള്‍ കണ്ടെത്തിയാല്‍ അത്തരം സ്ഥാപനങ്ങള്‍ക്കും ആളുകള്‍ക്കുമെതിരെ നിയമ നടപടികള്‍ സ്വീകരിക്കും. എല്ലാ നാട്ടുകാരും കോവിഡ് മാനദണ്ഡങ്ങള്‍ പാലിച്ച് മാത്രം ഓണച്ചന്തകളിലും മറ്റും പങ്കെടുക്കണമെന്ന് ജില്ലാകലക്ടര്‍ അറിയിച്ചു.
 

പുനലൂര്‍ ഗവണ്‍മെന്റ് ഹോമിയോ ആശുപത്രിയുടെ പുതിയ ഇരുനില മന്ദിരം ആരോഗ്യ വകുപ്പ് മന്ത്രി കെ കെ ശൈലജ വീഡിയോ കോണ്‍ഫറന്‍സിലൂടെ നാടിനു സമര്‍പ്പിച്ചു. ജില്ലയിലെ ഹോമിയോപ്പതി രംഗത്ത് നിരവധി മാറ്റങ്ങള്‍ വരുത്താന്‍ സര്‍ക്കാരിന് സാധിച്ചുവെന്നും ശാസ്താംകോട്ട, ചാത്തന്നൂര്‍, ഇട്ടിവ, ഇളമാട്, തൊടിയൂര്‍ എന്നീ ഡിസ്‌പെന്‍സറികളുടെ പ്രവര്‍ത്തന നിലവാരം ഉയര്‍ത്താന്‍ കഴിഞ്ഞുവെന്നും മന്ത്രി പറഞ്ഞു. കോവിഡ് കാലത്ത് രോഗപ്പകര്‍ച്ച ഒഴിവാക്കുന്നതില്‍ കൂടുതല്‍ ജാഗ്രത പുലര്‍ത്തണമെന്നും മന്ത്രി കൂട്ടിച്ചേര്‍ത്തു.

ജില്ലയില്‍ ഇന്നലെ (ആഗസ്റ്റ് 21) 82 പേര്‍ക്ക് കോവിഡ്  സ്ഥിരീകരിച്ചു. വിദേശത്ത് നിന്ന് വന്ന 3 പേര്‍ക്കും ഇതരസംസ്ഥാനങ്ങളില്‍ നിന്നുമെത്തിയ  2 പേര്‍ക്കും സമ്പര്‍ക്കം മൂലം 77 പേര്‍ക്കും  രോഗം സ്ഥിരീകരിച്ചു.  54 പേര്‍  രോഗമുക്തി നേടി. 

വിദേശത്ത് നിന്നും എത്തിയവര്‍
ചവറ കരിത്തുറ സ്വദേശിയും(45), ശക്തികുളങ്ങര സ്വദേശിയും(41) യു.എ.ഇ യില്‍ നിന്നുമെത്തി. നെടുമ്പന പള്ളിമണ്‍ സ്വദേശി(53) ഖത്തറില്‍ നിന്നുമെത്തി.

ഓണത്തിന് കാഷ്യു കോര്‍പ്പറേഷന്‍ വക പുതിയ ഉല്‍പ്പന്നങ്ങള്‍ വിപണിയിലിറക്കി. പ്രീമിയം ഗിഫ്റ്റ് ബോക്‌സ്, പ്ലാറ്റിനം ഗിഫ്റ്റ് ബോക്‌സ്, ടിന്‍ പരിപ്പ് എന്നിവയാണിവ.
കൊല്ലം പ്രസ് ക്ലബ്ബില്‍ മന്ത്രി ജെ മേഴ്സിക്കുട്ടിയമ്മ ഉല്‍പ്പന്നങ്ങള്‍ കശുവണ്ടി വികസന കോര്‍പ്പറേഷന്‍ ചെയര്‍മാന്‍ എസ് ജയമോഹന് കൈമാറി.  നിലവില്‍ 11 ഉല്‍പ്പന്നങ്ങളാണ് മൂല്യ വര്‍ദ്ധിത ഉല്‍പ്പന്നങ്ങളായി വിപണിയിലുള്ളത്. പ്രീമിയം, പ്ലാറ്റിനം ഗിഫ്റ്റ് ബോക്‌സുകളിലും ആകര്‍ഷകമായ ടിന്‍ കണ്ടെയ്‌നറുകളിലും കശുവണ്ടി പരിപ്പും കോര്‍പ്പറേഷന്റെ എല്ലാ ഉല്‍പ്പന്നങ്ങളും വിപണിയിലിറക്കുന്നു