*മുഖ്യമന്ത്രി പിണറായി വിജയൻ ഉദ്ഘാടനം നിർവഹിച്ചു

ഓണം വിപണിയിലെ ഭക്ഷ്യ നിർമ്മാണത്തിനും വിൽപ്പനയ്ക്കും എഫ്എസ്എസ്എഐ ലൈസൻസ്/രജിസ്ട്രേഷൻ എടുക്കണം. ഓണത്തോടനുബന്ധിച്ചു റെഡി ടു ഈറ്റ് പായസം, സദ്യ, ബിരിയാണി എന്നിവയുടെ വിൽപനയ്ക്കുള്ള മാർഗനിർദേശങ്ങൾ ഭക്ഷ്യസുരക്ഷാ കമ്മീഷണറുടെ കാര്യാലയം പ്രസിദ്ധീകരിച്ചു. പാക്കറ്റിൽ നിർമ്മാണ തിയതി, ഉപയോഗിക്കാവുന്ന പരമാവധി തിയതി, വില, തൂക്കം, സ്ഥാപനത്തിന്റെ മേൽ വിലാസം, എഫ്എസ്എസ്എഐ നമ്പർ, ഫോൺ എന്നിവ പ്രദർശിപ്പിക്കണം.

കോവിഡ് പ്രതിരോധത്തിന്റെ ഭാഗമായി ഓണാഘോഷങ്ങൾക്ക് ജില്ലാതലത്തിൽ ഏർപ്പെടുത്തിയിട്ടുളള നിയന്ത്രണങ്ങളിൽ നിന്ന് കച്ചവടസ്ഥാപനങ്ങളുടെ മാധ്യമപരസ്യങ്ങൾ ഒഴിവാക്കിയതായി ജില്ലാ കളക്ടർ എസ് ഷാനവാസ് അറിയിച്ചു. കച്ചവടസ്ഥാപനങ്ങൾ ഓണാഘോഷത്തോടനുബന്ധിച്ച് മാധ്യമങ്ങളിൽ പരസ്യം നൽകുന്നതിന് തടസ്സമില്ല. കച്ചവടസ്ഥാപനങ്ങളിൽ ആൾകൂട്ടം ഒഴിവാക്കുകയും സാമൂഹ്യഅകലം പാലിക്കുകയും വേണമെന്ന നിർദ്ദേശം കർശനമായി നടപ്പാക്കും. സംസ്ഥാനത്തിന് പുറത്ത് നിന്ന് എത്തുന്ന പൂക്കളുടെ കച്ചവടം ഒഴിവാക്കണമെന്നും നിർദ്ദേശിച്ചിട്ടുണ്ട്.

തൃപ്പുണിത്തുറ ഗവൺമെന്റ് ആയുർവേദ കോളേജിൽ കായചികിത്സ, പ്രസൂതി തന്ത്ര വകുപ്പുകളിൽ ഒരു അധ്യാപക തസ്തിക ഒഴിവുണ്ട്. ഇതിലേക്കുളള താത്ക്കാലിക നിയമനത്തിന് അപേക്ഷ ക്ഷണിച്ചു. കരാർ കാലാവധി ഒരു വർഷം.

കൊടുങ്ങല്ലൂർ നഗരസഭയിൽ സംസ്ഥാന സർക്കാരിന്റെ സമ്പൂർണ്ണ ഭവന പദ്ധതിയിൽ ഉൾപ്പെടുത്തി പൂർത്തിയാക്കിയത് 1000 വീടുകൾ. ഇതിന്റെ നിർമ്മാണ പൂർത്തീകരണ പ്രഖ്യാപനം ആഗസ്റ്റ് 27 രാവിലെ 11.30ന് മുഖ്യമന്ത്രി പിണറായി വിജയൻ ഓൺലൈനായി നിർവഹിക്കും.
തദ്ദേശസ്വയംഭരണ വകുപ്പ് മന്ത്രി എ സി മൊയ്തീൻ അധ്യക്ഷത വഹിക്കും. ബെന്നി ബെഹനാൻ എം പി, അഡ്വ വി ആർ സുനിൽകുമാർ എംഎൽഎ, ജില്ലാ കളക്ടർ എസ് ഷാനവാസ്, കുടുംബശ്രീ മിഷൻ കോ-ഓഡിനേറ്റർ ഹരി കിഷോർ എന്നിവർ പങ്കെടുക്കും.

പ്ലസ് വൺ ഏകജാലക അപേക്ഷകൾ സംബന്ധിച്ച് ജില്ലയിലെ ഹെൽപ്പ് ഡെസ്ക്കുകൾ അടിയന്തര ശ്രദ്ധ പുലർത്തണമെന്ന് വിദ്യാഭ്യാസ വകുപ്പ്. അപേക്ഷാ തീയ്യതി നീട്ടിയ സാഹചര്യത്തിൽ 300 ഹെൽപ്പ് ഡെസ്കുകൾ ജില്ലയിൽ പുനഃസ്ഥാപിച്ചിട്ടുണ്ട്. ഹെൽപ്പ് ഡെസ്ക്കുകളായി പ്രവർത്തിക്കുന്ന ഹൈസ്കൂൾ, ഹയർസെക്കൻ്ററി, എസ് എസ് കെ, ബി ആർ സി, യുആർസി അധ്യാപകർ, ഹെഡ്മാസ്റ്റർമാർ, പ്രിൻസിപ്പൾമാർ എന്നിവർ ഹെൽപ്പ് ഡെസ്കുകൾ പുന:രാരംഭിച്ച് തങ്ങളുടെ മുഴുവൻ കുട്ടികളും കാൻഡിഡേറ്റ് ലോഗിൻ ചെയ്തുവെന്ന് ഉറപ്പാക്കണം. 

തിരുവനന്തപുരം പേരൂർക്കട ജില്ലാ മാതൃകാ ആശുപത്രിയിൽ ഇ.സി.ജി ടെക്‌നീഷ്യൻ തസ്തികയിൽ എച്ച്.എം.സി മുഖേന ദിവസ വേതനാടിസ്ഥാനത്തിൽ നിയമനം നടത്തും. താത്പര്യമുളളവർ 24ന് വൈകിട്ട് മൂന്നിനു മുൻപ് അപേക്ഷയും സർട്ടിഫിക്കറ്റുകളുടെ പകർപ്പും ആശുപത്രിയിൽ എത്തിക്കണം. 25ന് രാവിലെ 10.30 മുതൽ കൂടിക്കാഴ്ച്ച നടക്കും. കൂടിക്കാഴ്ച സമയത്ത് സർട്ടിഫിക്കറ്റുകളുടെ അസൽ ഹാജരാക്കണം. ഉദ്യോഗാർത്ഥികൾ സർക്കാർ അംഗീകരിച്ച ഇ.സി.ജി ടെക്‌നീഷ്യൻ കോഴ്‌സ് പാസ്സായിരിക്കണം.
പി.എൻ.എക്‌സ്. 2883/2020

ഗുരുവായൂരിൽ ഇനി ഒരു ദിവസം 50 വിവാഹങ്ങൾ വരെ നടത്താം. കോവിഡ് 19ന്റെ പശ്ചാത്തലത്തിൽ ഗുരുവായൂർ ക്ഷേത്രത്തിൽ വിവാഹങ്ങളുടെ എണ്ണം പ്രതിദിനം 40 ആയി പരിമിതപ്പെടുത്തിയിരുന്നു. എന്നാൽ ജനങ്ങളുടെ നിരന്തര ആവശ്യം മാനിച്ച് വിവാഹങ്ങളുടെ എണ്ണം വർധിപ്പിക്കാനുള്ള നടപടികൾ ദേവസ്വം സ്വീകരിച്ചതായി ഗുരുവായൂർ ദേവസ്വം അഡ്മിനിസ്‌ട്രേറ്റർ അറിയിച്ചു.

കേരളത്തിലെ മുഴുവൻ സർക്കാർ, ഗവ. എയ്ഡഡ്, സ്വാശ്രയ, ഐ.എച്ച്. ആർ.ഡി. പോളിടെക്‌നിക്കുകളിലേക്ക് ലാറ്ററൽ എൻട്രി മുഖേന ഡിപ്ലോമ പ്രവേശനത്തിന്  പ്ലസ് ടു/വി.എച്ച്.എസ്.ഇ വിജയിച്ച,   ഫിസിക്‌സ്, കെമിസ്ട്രി, മാത്തമാറ്റിക്‌സ്  വിഷയങ്ങളിൽ ഓരോ വിഷയങ്ങൾക്കും 50 ശതമാനം മാർക്ക് വേണമെന്നുള്ള യോഗ്യത,  ഈ വിഷയങ്ങളിൽ  ഒരുമിച്ച് 50 ശതമാനം മാർക്ക് ലഭിച്ചാൽ മതിയെന്ന് പുതുക്കി നിശ്ചയിച്ചു. പുതുക്കിയ യോഗ്യതയനുസരിച്ച് പ്രവേശനത്തിന് 26 വരെ അപേക്ഷ നൽകാം.
പി.എൻ.എക്‌സ്. 2882/2020