മാലിന്യ സംസ്‌കരണത്തില്‍ മികച്ച പ്രവര്‍ത്തനം കാഴ്ചവച്ച കൊട്ടാരക്കര നഗരസഭ ശുചിത്വ നഗര പദവിയിലേക്ക്. ഔദ്യോഗിക പ്രഖ്യാപനം പി അയിഷാ  പോറ്റി എം എല്‍ എ നിര്‍വഹിച്ചു.

ലോക കൊതുക് ദിനത്തോടനുബന്ധിച്ച് സമ്പൂര്‍ണ്ണ കൊതുക് നിവാരണത്തിനായി ജില്ലയില്‍  നടപ്പാക്കിയ ബ്രേക്ക് ദ സൈക്കിള്‍ പ്രവര്‍ത്തനങ്ങള്‍ കൂടുതല്‍ ശക്തമാക്കി. ജില്ലാതല ഉദ്ഘാടനം പ്രതിജ്ഞ ചൊല്ലിക്കൊടുത്ത് ജില്ലാ മെഡിക്കല്‍ ഓഫീസര്‍ ഡോ.ആര്‍. ശ്രീലത നിര്‍വഹിച്ചു.  

മേപ്പാടി ഗ്രാമപഞ്ചായത്തിലെ തേയില തോട്ടങ്ങള്‍ക്ക് കോവിഡ് 19 മാനദണ്ഡങ്ങള്‍ പാലിച്ച് പ്രവര്‍ത്തിക്കുന്നതിന് ജില്ലാ കലക്ടര്‍ അനുമതി നല്‍കി. തേയില തോട്ടങ്ങളില്‍ താമസിക്കുന്ന തൊഴിലാളികളെ മാത്രം ഉള്‍പ്പെടുത്തി സാമൂഹിക അകലം പാലിച്ച് ജോലി ചെയ്യാനുളള സാഹചര്യം ബന്ധപ്പെട്ടവര്‍ ഒരുക്കണമെന്നും ഉത്തരവില്‍ നിര്‍ദ്ദേശിച്ചു. നിലവില്‍ മേപ്പാടി ഗ്രാമപഞ്ചായത്തിലെ മുഴുവന്‍ വാര്‍ഡുകളും കണ്ടെയ്ന്‍മെന്റ് സോണിലാണ്.

ജില്ലാ നിയമ സേവന  അതോറിറ്റിയുടെ പ്രവര്‍ത്തനങ്ങള്‍ക്കായി  ടൂറിസ്റ്റ്/ടാക്‌സി പെര്‍മിറ്റുള്ള കാര്‍ മാസ വാടക  വ്യവസ്ഥയില്‍ വേണം. നിശ്ചിത ഫോറത്തില്‍ തയ്യാറാക്കിയ സീല്‍ ചെയ്ത ക്വട്ടേഷനുകള്‍ 2020 സെപ്റ്റംബര്‍ 4 നകം നല്‍കണം. വിവരങ്ങള്‍ ജില്ലാ നിയമ സേവന അതോറിറ്റി ഓഫീസ് നോട്ടീസ് ബോര്‍ഡില്‍ കാണാം.
(പി.ആര്‍.കെ നമ്പര്‍ 2260/2020)

മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതി പ്രകാരം കല്‍പറ്റ നിയോജക മണ്ഡലത്തിലെ ഗ്രാമീണ റോഡുകളുടെ നിര്‍മ്മാണ പ്രവര്‍ത്തനത്തിനായി രണ്ടു കോടി അഞ്ച് ലക്ഷം രൂപയുടെ ഭരണാനുമതി കൂടി ലഭിച്ചു. 12 റോഡുകളുടെ പ്രവൃത്തികള്‍ക്കാണ് തുക അനുവദിച്ചത്. ഇതോടെ  കല്‍പ്പറ്റ മണ്ഡലത്തില്‍ മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി 16.17 കോടി രൂപയാണ്  ഇതിനകം അനുവദിച്ചത്. ഭരണാനുമതി ലഭിച്ച റോഡുകളുടെ വിവരങ്ങള്‍,

 
ജില്ലാ ഓണം ഫെയര്‍ മുഖ്യമന്ത്രി ഇന്ന്(ആഗസ്റ്റ് 21) വീഡിയോ കോണ്‍ഫറന്‍സ് വഴി ഉദ്ഘാടനം ചെയ്യും.  കന്റോണ്‍മെന്റ് മൈതാനത്ത് വൈകിട്ട് 4 മണിക്ക് ആരംഭിക്കുന്ന ഫെയറില്‍  എന്‍. കെ പ്രേമചന്ദ്രന്‍ എം.പി, എം.എല്‍.എ മാരായ എം മുകേഷ്, എം നൗഷാദ്, മേയര്‍ ഹണി ബെഞ്ചമിന്‍, ഡെപ്യൂട്ടി മേയര്‍ എസ് ഗീതാകുമാരി, കൗണ്‍സിലര്‍മാര്‍ എന്നിവര്‍ പങ്കെടുക്കും. എം.പി യും എം.എല്‍.എ മാരും ചേര്‍ന്ന് ആദ്യവില്‍പ്പന നടത്തും.
(പി.ആര്‍.കെ നമ്പര്‍ 2259/2020) 

24 പേര്‍ക്ക് രോഗ മുക്തി

വയനാട് ജില്ലയില്‍ ഇന്ന് (20.08.20) 35 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. ഇതര സംസ്ഥാനങ്ങളില്‍ നിന്നെത്തിയ 11 പേര്‍ക്കും സമ്പര്‍ക്കത്തിലൂടെ 23 പേര്‍ക്കും വിദേശത്ത് നിന്നെത്തിയ ഒരാള്‍ക്കുമാണ് രോഗം സ്ഥിരീകരിച്ചത്. 24 പേര്‍ ഇന്ന് രോഗമുക്തി നേടി.
 
ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 1245 ആയി. ഇതില്‍ 902 പേര്‍ രോഗമുക്തരായി. ചികിത്സക്കിടെ അഞ്ചു പേര്‍ പേര്‍ മരണപ്പെട്ടു. 338 പേരാണ് ഇപ്പോള്‍ ചികിത്സയിലുള്ളത്. 328 പേര്‍ ജില്ലയിലും 10 പേര്‍ ഇതര ജില്ലകളിലും ചികിത്സയില്‍ കഴിയുന്നു.

അത്യാധുനിക സൗകര്യങ്ങളോടുകൂടിയ പുനലൂര്‍ ഗവണ്‍മെന്റ് ഹോമിയോ ആശുപത്രി ഇന്ന് നാടിന് സമര്‍പ്പിക്കും. ഉച്ചകഴിഞ്ഞ് 2.30ന് ആരോഗ്യ വകുപ്പ് മന്ത്രി കെ കെ ശൈലജ  വീഡിയോ കോണ്‍ഫറന്‍സിലൂടെ ഉദ്ഘാടനം നിര്‍വഹിക്കും.വനം വകുപ്പ് മന്ത്രി അഡ്വ കെ രാജു ശിലാഫലകം അനാച്ഛാദനം  ചെയ്യും. 
പുനലൂര്‍ ചെമ്മന്തൂരിലെ പ്രൈവറ്റ് ബസ് സ്റ്റാന്‍ഡിന് സമീപം നഗരസഭ  ഭൂമിയിലാണ്  രണ്ടു നിലകളിലായുള്ള ഹോമിയോ ആശുപത്രി നിര്‍മ്മിച്ചിട്ടുള്ളത്. നാഷണല്‍ ഹെല്‍ത്ത് മിഷന്‍ വഴി   ഒരു കോടി രൂപ ചെലവഴിച്ചാണ് കെട്ടിടം നിര്‍മിച്ചത്.