മൂന്നിയൂര്‍ ഗ്രാമപഞ്ചായത്തിലെ മുഴുവന്‍ കുടുംബങ്ങള്‍ക്കും ശുദ്ധജലമെത്തിക്കുന്നതിനായി ലോകബാങ്ക് സഹായത്തോടെ നടപ്പാക്കുന്ന ജലനിധി പദ്ധതിയുടെ പൈപ്പ് ലൈന്‍ സ്ഥാപിക്കല്‍ തുടങ്ങി. ചേളാരിയിലെ ജലസംഭരണി യുടെ നിര്‍മ്മാണം 90 ശതമാനവും മൂന്നിയൂര്‍ പാറക്കാവിലെ ടാങ്ക് പ്രവൃത്തി 40 ശതമാനവും പൂര്‍ത്തിയായി. പമ്പ് ഹൗസില്‍ നിന്നും രണ്ട് കിലോ മീറ്റര്‍ അകലെയുള്ള പാറേക്കാവില്‍ ജല ശുദ്ധീകരണ പ്ലാന്റിന്റെ പ്രവൃത്തി പുരോഗമിക്കുകയാണെന്ന് ജലനിധി പ്രൊജക്ട് കമ്മീഷണര്‍ എ. നസീം പറഞ്ഞു.

കോവിഡ്-19  രോഗ വ്യാപന പ്രതിരോധത്തിന്റെ ഭാഗമായി ജൂലായ്- ആഗസ്ത് മാസങ്ങളിലെ ഉദ്യോഗാര്‍ത്ഥികളുടെ തിരക്ക് നിയന്ത്രിക്കാന്‍ ഹോസ്ദുര്‍ഗ്ഗ് എംപ്ലോയ്മെന്റ് എക്സ്ചേഞ്ച്  വഴിയുള്ള സേവനങ്ങള്‍ക്ക് ക്രമീകരണങ്ങള്‍ ഏര്‍പ്പെടുത്തിയതായി ഹോസ്ദുര്‍ഗ്ഗ് എംപ്ലോയ്മെന്റ് എക്സ്ചേഞ്ച് ഓഫീസര്‍ അറിയിച്ചു. രജിസ്ട്രേഷന്‍,പുതുക്കല്‍,സര്‍ട്ടിഫിക്കറ്റ് ചേര്‍ക്കല്‍ എന്നീ സേവനങ്ങള്‍ സെപ്തംബര്‍ 30 വരെ www.eemployment.kerala.gov.in എന്ന വെബ്സൈറ്റ് വഴി  ഓണ്‍ലൈനായി മാത്രം ലഭിക്കും. പാരാമെഡിക്കല്‍ യോഗ്യതകളൊഴിച്ചുള്ള മറ്റ് യോഗ്യതകള്‍ ഓഫീസില്‍ നിന്നും ചേര്‍ത്ത് നല്‍കുന്നതല്ല.

2020 വര്‍ഷത്തെ ട്രോളിംഗ് നിരോധന കാലയളവിന് ശേഷം കടല്‍രക്ഷാപ്രവര്‍ത്തനം നടത്തുന്നതിനും കടല്‍ പട്രോളിങ്ങിനുമായി ഒരു യന്ത്രവത്കൃത ബോട്ട്  വാടകയ്ക്ക് ലഭ്യമാക്കുന്നതിന് ക്വട്ടേഷന്‍ ക്ഷണിച്ചു.  ക്വട്ടേഷനുകള്‍ ജൂലൈ 10 ന് വൈകിട്ട് മൂന്നിനകം ഫിഷറീസ് ഡെപ്യൂട്ടി ഡയറക്ടര്‍, കാസര്‍കോട് അറ്റ് കാഞ്ഞങ്ങാട് എന്ന വിലാസത്തില്‍ ലഭിക്കണം. കൂടുതല്‍ വിവരങ്ങള്‍ ഫിഷറീസ് ഡെപ്യൂട്ടി ഡയറക്ടര്‍ ഓഫീസില്‍ നിന്ന് ലഭിക്കും. ഫോണ്‍ 0467 2202537

കോവിഡാനന്തര കേരളത്തിന്റെ ഭക്ഷ്യഭദ്രത ഉറപ്പുവരുത്താന്‍ സംസ്ഥാന സര്‍ക്കാര്‍ നടപ്പിലാക്കുന്ന സുഭിക്ഷ കേരളം പദ്ധതിക്ക് ജില്ലയില്‍ ലഭിക്കുന്നത് വന്‍ സ്വീകാര്യത. പദ്ധതി യാഥാര്‍ത്ഥ്യമാക്കുന്നിതിനായി ഭൂമി ഏറ്റെടുക്കല്‍  തുടര്‍ന്ന് കൊണ്ടിരിക്കുമ്പോള്‍ തന്നെ ചുരുങ്ങിയ സമയം കൊണ്ട്  വലിയ അളവിലാണ് ഭൂമി ലഭിച്ചത്. ഭക്ഷ്യ ഉത്പാദനത്തില്‍ സ്വയംപര്യാപ്തത കൈവരിക്കാന്‍ ജില്ലയിലെ പൊതുസമൂഹം ഒന്നരമാസത്തിനുള്ളില്‍ 2800 ഏക്കര്‍ ഭൂമിയാണ് വിട്ടുനല്‍കിയതെന്ന് ഹരിത കേരളം മിഷന്‍ ജില്ലാ കോ-ഓഡിനേറ്റര്‍ എം പി സുബ്രഹ്മണ്യന്‍ പറഞ്ഞു.

ജില്ലയില്‍ കൂടുതല്‍ കോവിഡ് കേസുകള്‍ റിപ്പോര്‍ട്ട് ചെയ്യുന്ന സാഹചര്യത്തില്‍ നടപടികള്‍ കര്‍ശനമാക്കി പോലീസ്. സമൂഹവ്യാപനം ഉണ്ടാവാതിരിക്കാന്‍ സാമൂഹ്യഅകലം പാലിക്കുന്നതുള്‍പ്പെടെയുള്ള നിര്‍ദ്ദേശങ്ങളും നിബന്ധനകളും ആളുകള്‍ നിര്‍ബന്ധമായും അനുസരിക്കണം. അല്ലാത്ത പക്ഷം ശക്തമായ നിയമനടപടികള്‍ സ്വീകരിക്കുമെന്ന് ജില്ലാ പോലീസ് മേധാവി ഡി ശില്‍പ അറിയിച്ചു.

മഞ്ചേശ്വരത്ത് നിയന്ത്രണം കടുപ്പിച്ച് പോലീസ്

മഴക്കാലം ജില്ലയില്‍ ശക്തിപ്രാപിച്ചതോടു കൂടി ജില്ലയിലെ  കുടിവെള്ളസ്രോതസ്സുകളിലും മറ്റും മലിനജലം  കലരുകയും ചെയ്ത സാഹചര്യത്തില്‍ ജന്തുജന്യരോഗമായ എലിപ്പനിരോഗം പടരാന്‍ സാധ്യതയുണ്ട്. ഈ സാഹചര്യത്തില്‍ പൊതുജനങ്ങള്‍ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസര്‍ ഡോ. രാം ദാസ് എ വി അറിയിച്ചു. 

എലിപ്പനി: ലക്ഷണങ്ങളും രോഗപ്പകര്‍ച്ചയും 

നിലവില്‍ കണ്ടയിന്‍മെന്റ് സോണായ തൃക്കോവില്‍വട്ടം ഗ്രാമപഞ്ചായത്തിലെ 6, 7, 9 വാര്‍ഡുകളിലെ കണ്ടയിന്‍മെന്റ് സോണ്‍ നിയന്ത്രണങ്ങള്‍ പിന്‍വലിച്ച് ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ബി അബ്ദുല്‍ നാസര്‍ ഉത്തരവായി.

ജില്ലയില്‍ കോവിഡ് പ്രാഥമിക ചികിത്സയ്ക്കായി എട്ടു  സെന്ററുകളായി 777 കിടക്കകള്‍ സജ്ജമാകുന്നു.  വാളകം മേഴ്‌സി ഹോസ്പിറ്റലില്‍ 90 കിടക്കകളുമായി  പ്രവര്‍ത്തനസജ്ജമായിട്ടുണ്ട്. ആകെ 1000 കിടക്കകളാണ് സജ്ജമാക്കുന്നത്. തിരഞ്ഞെടുക്കപ്പെട്ട കെട്ടിടങ്ങളും സ്ഥാപനങ്ങളും പൂര്‍ണ്ണതോതില്‍ പ്രവര്‍ത്തനസജ്ജമാക്കുന്നതിനുളള ഊര്‍ജ്ജിത നടപടികള്‍ നടന്നു വരുന്നു.

മത്സ്യബന്ധനത്തിന് ഉള്‍പ്പടെ മറ്റ് സംസ്ഥാനങ്ങളില്‍ നിന്നും തൊഴിലാളികളെ കൊണ്ടുവരുന്നവര്‍ എത്തുന്നവരുടെ ക്വാറന്റയിന്‍ സൗകര്യങ്ങള്‍ സ്വന്തം ചെലവില്‍ ഉറപ്പാക്കിയിരിക്കണം. വരുന്നവരുടെ താമസ സൗകര്യം ഉള്‍പ്പടെ വിശദ വിവരങ്ങള്‍    കലക്‌ട്രേറ്റിലെ ദുരന്ത നിവാരണ സെല്ലില്‍ നല്‍കണമെന്നും ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു. അല്ലാതെയുള്ള തൊഴിലാളികളുടെ വരവ് അനുവദിക്കുന്നതല്ല.
(പി.ആര്‍.കെ നമ്പര്‍ 1819/2020)