ഭിന്നശേഷിക്കാരായ പെൺകുട്ടികൾക്കും ഭിന്നശേഷിക്കാരായ മാതാപിതാക്കളുടെ പെൺമക്കൾക്കും സാമൂഹ്യ നീതി വകുപ്പ് മുഖേന വിവാഹധനസഹായം അനുവദിക്കുന്നു. ഭിന്നശേഷി തെളിയിക്കുന്ന സർട്ടിഫിക്കറ്റ്‌കോപ്പി, വരുമാന സർട്ടിഫിക്കറ്റ്, പെൺകുട്ടിയുടെ വയസ്സ് തെളിയിക്കുന്ന രേഖ, റേഷൻ കാർഡിന്റെ പകർപ്പ്, ആധാർ കാർഡിന്റെ പകർപ്പ്, ബാങ്ക് പാസ്ബുക്കിന്റെ പകർപ്പ്, എന്നിവ സഹിതം 2020 ജൂലൈ 31നകം ചെമ്പൂക്കാവ് സിവിൽസ്റ്റേഷനിൽ പ്രവർത്തിക്കുന്ന തൃശ്ശൂർ ജില്ലാ സാമൂഹ്യനീതി ഓഫീസിൽ എത്തിക്കണമെന്ന് ജില്ലാ സാമൂഹ്യനീതി ഓഫീസർ അറിയിച്ചു.

തൃശൂർ ഗവ. മെഡിക്കൽ കോളേജിൽ കോവിഡ് രോഗികൾക്കായി പുതിയ പരിശോധന സംവിധാനം നിലവിൽ വന്നു. പ്രോകാൽസിടോണിൻ, ഇന്റർ ലൂകിൻ -6 എന്നീ രണ്ട് ലാബ് പരിശോധനയിലൂടെ കോവിഡ് രോഗികൾക്ക് മുൻകൂട്ടി നിലവിലെ ആരോഗ്യ സ്ഥിതി എന്തെന്ന് അറിയാവുന്നതാണ് പുതിയ സംവിധാനം. കൊറോണാ വൈറസ് രോഗം തീവ്രതയിലായി, രോഗി അപകടത്തിൽ എത്തുന്നതിനു മുമ്പേതന്നെ, രോഗതീവ്രതയെ കുറിച്ച് സൂചന നൽകുന്ന, അത്യാധുനിക പരിശോധനയാണിത്

കോവിഡ് 19 രോഗവ്യാപന സാധ്യതകുറഞ്ഞ സാഹചര്യത്തിൽ തൃശൂർ കോർപ്പറേഷനിലെ 35-ാം ഡിവിഷനെ കണ്ടെയ്ൻമെന്റ് സോണിൽ നിന്ന് ഒഴിവാക്കി. നേരത്തെയുളള ഉത്തരവനുസരിച്ച് പ്രഖ്യാപിച്ച തൃശൂർ കോർപ്പറേഷനിലെ 49, 51 വാർഡുകൾ, ശ്രീനാരായണപുരം ഗ്രാമപഞ്ചായത്തിലെ 11, 12 വാർഡുകൾ കുന്നംകുളം നഗരസഭയിലെ 07, 10, 11, 15, 17, 19, 25, 26 ഡിവിഷനുകൾ എന്നിവ കണ്ടെയ്ൻമെന്റ് സോണുകളായി തുടരും.

കൊവിഡ്-19 ധനസഹായം:
അപേക്ഷ ഉടന്‍ സമര്‍പ്പിക്കണം