സ്റ്റേറ്റ് റിസോഴ്‌സ് സെന്റർ മാനേജ്‌മെന്റ് ഓഫ് ലേണിങ് ഡിസബിലിറ്റീസ് വിഷയത്തിൽ സർട്ടിഫിക്കറ്റ് പ്രോഗ്രാമിന് അപേക്ഷ ക്ഷണിച്ചു. പ്ലസ് ടു യോഗ്യതയുളളവർക്ക് അപേക്ഷിക്കാം. അപേക്ഷാഫോമും വിശദാംശങ്ങളും www.src.kerala.gov./www.srccc.in എന്ന വെബ് സൈറ്റിൽ ലഭിക്കും. അപേക്ഷ സ്വീകരിക്കുന്ന അവസാന തീയതി ജൂലൈ 15. ഫോൺ : 0471-2325101, 2326101.
 

ഹോമിയോ വകുപ്പ് ഫാർമസിസ്റ്റ് തസ്തികകയിൽ താൽക്കാലികാടിസ്ഥാനത്തിൽ നിയമനം നടത്തുന്നു. എൻസിപി/സിസിപി യോഗ്യതയുളളവർ ജൂലൈ രണ്ട് രാവിലെ 10.30 ന് പ്രായം, യോഗ്യത, പ്രവൃത്തിപരിചയം എന്നിവ തെളിയിക്കുന്ന സർട്ടിഫിക്കറ്റിന്റെ അസ്സലും പകർപ്പും സഹിതം അഭിമുഖത്തിന് എത്തണം. ഫോൺ : 0487-2386643.

ഈ അദ്ധ്യയന വർഷത്തെ പ്രോഗ്രാം അഡൈ്വസറി കമ്മിറ്റി യോഗം ജൂലൈ ഒന്നിന് രാവിലെ 10 ന് ജില്ലാ വിദ്യാഭ്യാസ പരിശീലന കേന്ദ്രത്തിൽ നടക്കും. ജില്ലാ പഞ്ചായത്ത് പ്രസിഡണ്ട് മേരി തോമസ് ഉദ്ഘാടനം ചെയ്യും. ജില്ലാ പഞ്ചായത്ത് സ്റ്റാൻഡിങ് കമ്മിറ്റി ചെയർപേഴ്‌സൺ മഞ്ജുള അരുണൻ അദ്ധ്യക്ഷത വഹിക്കും.
വാർഡ് കൗൺസിലർ അഡ്വ. സുരേഷ്‌കുമാർ, ഡയറ്റ് പ്രിൻസിപ്പൽ ഡോ. ഡി ശ്രീജ, ഡയറ്റ് ലക്ച്ചറർമാരായ ഡോ. ബിനോയി എൻ കെ രമേഷ്, മിനി ചെറിയാൻ എന്നിവർ പങ്കെടുക്കും. 

കൂരിരുട്ടിന്റെ ലോകത്ത് ജീവിക്കുന്നവർക്ക് ഭാവനയുടെ സ്വപ്നലോകം തീർക്കാൻ നിങ്ങളുടെ ശബ്ദം ദാനം ചെയ്യാം. കാഴ്ചയില്ലാത്തവർക്കായി ശബ്ദപുസ്തകം തയാറാക്കുന്ന തൃശൂർ ജില്ലാ ഇൻഫർമേഷൻ ഓഫീസിന്റെ 'അകക്കണ്ണ്' കാമ്പയിന് ജൂലൈ ഒന്നിന് തുടക്കമാവും. കാഴ്ചയില്ലാത്തവരെ വായനയുടെ ലോകത്തേക്ക് കൊണ്ടുവരുന്നതിനായി ശബ്ദ പുസ്തകങ്ങൾ സമാഹരിക്കുക എന്നതാണ് കാമ്പയിന്റെ ലക്ഷ്യം.

ജില്ലാ നിര്‍മ്മിതി കേന്ദ്രത്തിലെ ജൂനിയര്‍ എഞ്ചിനീയര്‍( ഇലക്ട്രിക്കല്‍) തസ്തികയിലേക്ക് (ഒരു ഒഴിവ്) നിയമനം നടത്തുന്നതിന് ജൂലൈ അഞ്ചിന് അഭിമുഖം നടത്തും.കാഞ്ഞങ്ങാട് ആര്‍.ഡി.ഒ ഓഫീസില്‍ രാവിലെ 10.30 നാണ്  അഭിമുഖം.അംഗീകൃത യൂണിവേഴ്‌സിറ്റിയില്‍നിന്നോ, ടെക്‌നിക്കല്‍ എഡ്യൂക്കേഷന്‍ ഡിപ്പര്‍ട്ട്‌മെന്റില്‍ നിന്നോ ലഭിച്ച ഇലക്ട്രിക്കല്‍ എന്‍ജിനിയറിങ്  ഡിപ്ലോമ/ബിരുദം, ആണ് വിദ്യാഭ്യാസ യോഗ്യത.  പ്രായപരിധി 35 വയസ്. ഫോണ്‍- 0467 2202572.

പട്ടികജാതി വികസന വകുപ്പിന്റെ കീഴിലുള്ള വെളളച്ചാലിലെ ഗവണ്‍മെന്റ് മോഡല്‍ റസിഡന്‍ഷ്യല്‍ സ്‌കൂളില്‍ ആറ്,ഏഴ്,എട്ട്,ഒന്‍പത്  ക്ലാസുകളിലേക്ക് ഏതാനും സീറ്റുകള്‍ ഒഴിവുണ്ട്.  താല്‍പര്യമുളള വിദ്യാര്‍ത്ഥികളുടെ രക്ഷിതാക്കള്‍ സ്‌കൂള്‍ ഓഫീസുമായി ബന്ധപ്പെടുക.  ഫോണ്‍- 04985 262622.