തയ്യല്‍തൊഴിലാളി ക്ഷേമനിധി ബോര്‍ഡില്‍ കോവിഡ് 19 ധനസഹായത്തിനുള്ള അപേക്ഷ സമര്‍പ്പിക്കാത്തവര്‍ ബോര്‍ഡിന്റെ വെബ്‌സൈറ്റായ ംംം.മേശഹീൃംലഹളമൃല.ശില്‍ ജൂണ്‍ 30നകം അപേക്ഷ സമര്‍പ്പിക്കണം. ബാങ്ക് പാസ്ബുക്ക്, ആധാര്‍, അംഗത്വ നമ്പര്‍ എന്നിവയുടെ പകര്‍പ്പ് ഓഫീസില്‍ എത്തിക്കണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.
(എം.പി.എം 2288/2020)
 

    ആതവനാട് മൃഗസംരക്ഷണ പരിശീലന കേന്ദ്രത്തില്‍ രജിസ്റ്റര്‍ ചെയ്തിട്ടുള്ള കര്‍ഷകര്‍ക്ക് ജൂണ്‍ 29ന് രാവിലെ 11 മുതല്‍ 12 വരെ പശുവളര്‍ത്തലില്‍ സൗജന്യ വെബിനാര്‍ സംഘടിപ്പിക്കുന്നു. കൂടുതല്‍ വിവരങ്ങള്‍ക്ക് 8089293728 എന്ന നമ്പറില്‍ ബന്ധപ്പെടണമെന്ന് മൃഗസംരക്ഷണ പരിശീലന കേന്ദ്രം ഡെപ്യൂട്ടി ഡയറക്ടര്‍ അറിയിച്ചു.
(എം.പി.എം 2287/2020)
 

    മലപ്പുറം ഗവ. വനിതാ ആര്‍ട്‌സ് ആന്‍ഡ് സയന്‍സ് കോളജില്‍ മൂന്നാംവര്‍ഷ ഇംഗ്ലീഷ് ഡിഗ്രി ക്ലാസുകളില്‍ സീറ്റ് ഒഴിവുണ്ട്. താത്പര്യമുള്ള വിദ്യാര്‍ഥിനികള്‍ പ്ലസ്ടു മാര്‍ക്ക് ലിസ്റ്റ്, കാപ്പ് ഐ.ഡി, അവസാനം എഴുതിയ പരീക്ഷയുടെ ഹാള്‍ടിക്കറ്റ് എന്നിവയുടെ പകര്‍പ്പുകള്‍ സഹിതം ജൂണ്‍ 23ന് വൈകീട്ട് നാലിനകം അപേക്ഷിക്കണമെന്ന് പ്രിന്‍സിപ്പല്‍ അറിയിച്ചു.
(എം.പി.എം 2285/2020)
 

    തമിഴ്‌നാട് പൊലീസ് ബോംബ് ഡിസ്‌പോസല്‍ സ്‌ക്വാഡിലേക്ക് വിമുക്തഭട•ാരെ നിയമിക്കുന്നു. വിശദവിവരങ്ങള്‍ക്ക് സൈനിക ക്ഷേമ ഓഫീസുമായി നേരിട്ടോ ഫോണിലോ ബന്ധപ്പെടണം. ഫോണ്‍: 0483- 2734932.
(എം.പി.എം 2284/2020)
 

    തിരൂര്‍ വിദ്യാഭ്യാസ ജില്ലയില്‍ ജൂണ്‍ 23 മുതല്‍ നടത്താനിരുന്ന കെ.ടെറ്റ് സര്‍ട്ടിഫിക്കറ്റ് പരിശോധന കോവിഡ് 19ന്റെ പശ്ചാത്തലത്തില്‍ മാറ്റിവച്ചു. പുതുക്കിയ തീയതി പിന്നീട് അറിയിക്കുമെന്ന് ജില്ലാവിദ്യാഭ്യാസ ഓഫീസര്‍ അറിയിച്ചു.
(എം.പി.എം 2283/2020)
 

    മലപ്പുറം ഗവ.കോളജില്‍ ഫുഡ് സയന്‍സ് വിഷയത്തില്‍ അതിഥി അധ്യാപകരെ നിയമിക്കുന്നു. കോഴിക്കോട് കോളജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടര്‍ തയ്യാറാക്കിയ ലിസ്റ്റില്‍ ഉള്‍പ്പെട്ട ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകളും ബയോഡാറ്റയും സഹിതം ജൂണ്‍ 24ന് രാവിലെ 10.30ന് കോളജില്‍ നടക്കുന്ന അഭിമുഖത്തിന് ഹാജരാകണമെന്ന് പ്രിന്‍സിപ്പല്‍ അറിയിച്ചു.
(എം.പി.എം 2282/2020)
 

    ജില്ലയില്‍ അടുത്ത നാല് ദിവസങ്ങളില്‍ കാറ്റോടു കൂടിയുള്ള ശക്തമായ മഴയ്ക്ക് സാധ്യത. ജൂണ്‍ 20, 21, 22, 23 തീയതികളില്‍ കേന്ദ്ര കാലാവസ്ഥ വകുപ്പ് മഞ്ഞ ജാഗ്രത പ്രഖ്യാപിച്ചു. ഒറ്റപ്പെട്ടയിടങ്ങളില്‍ 24 മണിക്കൂറില്‍ 64.5 മി.മി മുതല്‍ 115.5 മി.മി വരെയുള്ള ശക്തമായ മഴക്കാണ് സാധ്യത. പൊതുജനങ്ങളും ബന്ധപ്പെട്ട ഉദ്യോഗസ്ഥരും ജാഗ്രത പാലിക്കണം. ഉരുള്‍പൊട്ടല്‍, മണ്ണിടിച്ചില്‍ സാധ്യതയുള്ള പ്രദേശങ്ങളില്‍ വസിക്കുന്നവര്‍, നദിക്കരകളില്‍ താമസിക്കുന്നവര്‍, തീരദേശവാസികള്‍ തുടങ്ങിയവര്‍ പ്രത്യേക ജാഗ്രത പാലിക്കണമെന്ന് സംസ്ഥാന ദുരന്തനിവാരണ അതോറിറ്റി അറിയിച്ചു.
(എം.പി.എം 2281/2020)
 

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 149 പേരാണ് ചികിത്സയിലുള്ളത്. കൂടാതെ, വിവിധ ആശുപത്രികളിലായി  പേര്‍ 26 നിരീക്ഷണത്തിലുമുണ്ട്. ഇന്ന് (ജൂണ്‍ 21) ജില്ലയില്‍ 15 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 35 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 15677 സാമ്പിളുകള്‍ പരിശോധനയ്ക്കായി അയച്ചതില്‍ 14998 പരിശോധനാ ഫലങ്ങളാണ് ലഭ്യമായത്. 352 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 201 പേർ രോഗമുക്തി നേടി. ഇന്ന് 508 പരിശോധനാ ഫലങ്ങളാണ് ലഭിച്ചത്. പുതുതായി 259 സാമ്പിളുകളും അയച്ചു. ഇനി 679 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് (ജൂൺ 21)  വൈകിട്ട് 6.30 വരെ ജില്ലയിൽ പോലീസ് നടത്തിയ പരിശോധനയിൽ 6 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 11 പേരെ അറസ്റ്റ് ചെയ്തു.    

 മാസ്ക് ധരിക്കാത്ത 36 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 36 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത പറഞ്ഞതിനു ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു.