2020 ഫെബ്രുവരിയിലെ കെ-ടെറ്റ് വിജയികളുടെ അസല്‍ സര്‍ട്ടിഫിക്കറ്റ് പരിശോധന പത്തനംതിട്ട ജില്ലാ വിദ്യാഭ്യാസ ഓഫീസില്‍ നടത്തും.  ജൂണ്‍ 11 മുതല്‍ 30 വരെയാണ് പരിശോധന. ഈ ദിവസങ്ങളില്‍ ഹാജരാകുവാന്‍ സാധിക്കാത്തവര്‍ ജൂലൈ ആറിനകം സര്‍ട്ടിഫിക്കറ്റ് പരിശോധനയ്ക്ക് ഹാജരാക്കണമെന്ന് ജില്ലാ വിദ്യാഭ്യാസ ഓഫീസര്‍ അറിയിച്ചു.  

സര്‍ട്ടിഫിക്കറ്റ് പരിശോധന നടത്തുന്ന കാറ്റഗറി, രജിസ്റ്റര്‍ നമ്പര്‍, തീയതി എന്നിവ ക്രമത്തില്‍ താഴെ:

മലപ്പുറം ജില്ലയില്‍ പത്ത് പേര്‍ക്ക് കൂടി ഇന്നലെ (ജൂണ്‍ 11) കോവിഡ് 19 സ്ഥിരീകരിച്ചു. ഇതില്‍ അഞ്ച് പേര്‍ക്ക് സമ്പര്‍ക്കത്തിലൂടെയാണ് രോഗബാധ. മൂന്ന് പേര്‍ ഇതര സംസ്ഥാനങ്ങളില്‍ നിന്നും രണ്ട് പേര്‍ വിദേശ രാജ്യങ്ങളില്‍ നിന്നും എത്തിയവരാണ്. പുതുതായി രോഗബാധ സ്ഥിരീകരിച്ചവരെല്ലാം കോവിഡ് പ്രത്യേക ചികിത്സാ കേന്ദ്രമായ മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ ഐസൊലേഷനില്‍ ചികിത്സയിലാണെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. 

കടമ്പനാട് പഞ്ചായത്ത് ഓണ്‍ലൈന്‍ പഠനവുമായി ബന്ധപ്പെട്ട് പ്രത്യേക പിഇസി യോഗം പഞ്ചായത്ത് ഹാളില്‍ ചേര്‍ന്നു. ചിറ്റയം ഗോപകുമാര്‍ എംഎല്‍എ ഉദ്ഘാടനം ചെയ്തു. 

ഓണ്‍ലൈന്‍ പഠനം പ്രശ്‌നങ്ങള്‍, സാധ്യതകള്‍  എന്നിവയെപ്പറ്റി സമഗ്ര ശിക്ഷ പ്രോഗ്രാം ഓഫീസര്‍ ജോസ് മാത്യു  വിശദീകരിച്ചു. പഞ്ചായത്തിലെ മുഴുവന്‍ പ്രഥമാധ്യാപകരും പങ്കെടുത്ത് റിപ്പോര്‍ട്ട് അവതരിപ്പിച്ചതില്‍ നിന്നും 41 കുട്ടികള്‍ക്കാണ് സ്വന്തമായി ഓണ്‍ലൈന്‍ പഠന സാമഗ്രികള്‍ ഇല്ലാത്തതെന്ന് കണ്ടെത്തി. യോഗത്തില്‍ ബ്ലോക്ക് പഞ്ചായത്ത് വൈസ് പ്രസിഡന്റ് നാലു പഴയ ടി.വി ക്രമീകരിച്ചു നല്‍കാമെന്ന് അറിയിച്ചു. 

കോവിഡിന്റെ പശ്ചാത്തലത്തില്‍ കര്‍ഷകര്‍ക്കായി പത്തനംതിട്ട ജില്ലാ കൃഷി വിജ്ഞാന കേന്ദ്രത്തിന്റെ ആഭിമുഖ്യത്തില്‍ ഓണ്‍ ലൈന്‍ ക്ലാസുകള്‍ ആരംഭിച്ചു. പുകരഹിത കുടംപുളി സംസ്‌കരണം എന്ന പരിശീലനത്തില്‍ സംസ്ഥാനത്തിന്റെ വിവിധ ഭാഗത്തുനിന്നായി 37 കര്‍ഷകരും സംരംഭകരും പങ്കെടുത്തു.  കൃഷി വിജ്ഞാന കേന്ദ്രം മേധാവി ഡോ.സി.പി റോബര്‍ട്ട് പരിശീലന പരിപാടി ഉദ്ഘാടനം ചെയ്തു.  ഹോം സയന്‍സ് വിഭാഗം സബ്ജക്റ്റ് മാറ്റര്‍ സ്പെഷ്യലിസ്റ്റ് ഡോ.ഷാനാ ഹര്‍ഷന്‍ പരിശീലനത്തിന് നേതൃത്വം നല്‍കി.  പുകരഹിതമായി കുടംപുളി സംസ്‌കരിക്കുന്നതിന്റെ വിവിധ വശങ്ങള്‍ പരിശീലനത്തില്‍ വിവരിച്ചു. വീഡിയോ പ്രദര്‍ശനവും നടത്തി. 

പത്തനംതിട്ട ജില്ലയില്‍ ഇന്ന് (10) മൂന്നു കോവിഡ്-19 കേസുകള്‍ സ്ഥിരീകരിച്ചു. 1) ജൂണ്‍ രണ്ടിന് അഹമ്മദാബാദില്‍ നിന്നും എത്തിയ സീതത്തോട് സ്വദേശിയായ 34 വയസുകാരന്‍. 2)ജൂണ്‍ നാലിന് ചെന്നൈയില്‍ നിന്നും എത്തിയ മല്ലപ്പളളി സ്വദേശിനിയായ 22 വയസുകാരി. 3)ജൂണ്‍ അഞ്ചിന് മഹാരാഷ്ട്രയില്‍ നിന്നും എത്തിയ നിരണം സ്വദേശിനിയായ 29 വയസുകാരി എന്നിവര്‍ക്കാണ് ഇന്ന് (10) രോഗം സ്ഥിരീകരിച്ചത്.

ഓണ്‍ലൈന്‍ പഠനത്തിന് വിദ്യാര്‍ത്ഥികള്‍ക്കായി പത്തനംതിട്ട കനല്‍ ബാന്‍ഡ് നാടന്‍പാട്ട് സംഘവും ഫയര്‍ ഫോഴ്‌സ് ഡിഫന്‍സ് അംഗങ്ങളും ചേര്‍ന്ന് സമാഹരിച്ച തുക ഉപയോഗിച്ച് വാങ്ങിയ ടെലിവിഷന്‍ ജില്ലാ കളക്ടര്‍ പി.ബി നൂഹിന് പത്തനംതിട്ട ഫയര്‍ ഫോഴ്‌സ് സ്റ്റേഷന്‍ ഓഫീസര്‍ വി.വിനോദ്കുമാര്‍ കൈമാറി.  

നെല്ലിക്കാല ഗവ എല്‍പി സ്‌കൂളിന്റെ പുതിയ കെട്ടിട നിര്‍മാണ ഉദ്ഘാടനം വീണാ ജോര്‍ജ് എംഎല്‍എ നിര്‍വഹിച്ചു. എംഎല്‍എ ആസ്തി വികസന ഫണ്ടില്‍ നിന്ന് 70 ലക്ഷം രൂപ ഉപയോഗിച്ചാണു പുതിയ കെട്ടിടം നിര്‍മിക്കുന്നത്. 

ജില്ലയില്‍ വനം വകുപ്പില്‍ ബീറ്റ്  ഫോറസ്റ്റ്  ഓഫീസര്‍ (പാര്‍ട്ട് 1 ഡയറക്ട്- കാറ്റഗറി നമ്പര്‍ 582/17), (പാര്‍ട്ട് 2-ബൈട്രാന്‍സ്ഫര്‍-കാറ്റഗറി നമ്പര്‍ 583, 584, 585/17) തസ്തികയിലേക്കുള്ള റാങ്ക് പട്ടിക പി.എസ്.സി പ്രസിദ്ധീകരിച്ചു.        (പിഎന്‍പി 2551/20)