പാമ്പാടി താലൂക്ക് ആശുപത്രി സ്റ്റോറില്‍ ലാബ് റീഏജന്‍സ്, എക്‌സ്‌റേ ഫിലിം എന്നിവ എത്തിച്ചു നല്‍കുന്നതിന് താല്പര്യമുളളവരില്‍ നിന്ന് ദര്‍ഘാസ് ക്ഷണിച്ചു. മാര്‍ച്ച് 27 രാവിലെ 10.30നകം ആശുപത്രി സൂപ്രണ്ടിന്  നല്‍കണം. ഫോണ്‍: 0481 2507866

   പോലീസ് കംപ്ലയിന്റ് അതോറിറ്റി മാര്‍ച്ച് 16 രാവിലെ 11ന്  കളക്ടറേറ്റ് കോണ്‍ഫറന്‍സ് ഹാളില്‍    നടത്താനിരുന്ന സിറ്റിംഗ് മാറ്റിവച്ചു. ഈ ദിവസത്തെ കേസുകള്‍ ഏപ്രില്‍ 20ന് നടത്തുന്ന സിറ്റിംഗില്‍ പരിഗണിക്കുന്നതാണെന്ന് അധികൃതര്‍ അറിയിച്ചു.  

    സാമൂഹ്യ പ്രശ്‌നങ്ങള്‍ നേരിടുന്ന മിശ്രവിവാഹ ദമ്പതികള്‍ക്ക് പരമാവധി ഒരു വര്‍ഷം സുരക്ഷിതമായി താമസിക്കുന്നതിനുളള സെയ്ഫ് ഹോമുകള്‍ ഒരുക്കുന്നതിന് സന്നദ്ധ സംഘടനകളില്‍ നിന്ന് സാമൂഹ്യനീതി വകുപ്പ് പ്രൊപ്പോസല്‍ ക്ഷണിച്ചു. മാര്‍ച്ച് 20നകം ജില്ലാ സാമൂഹ്യനീതി ഓഫീസില്‍ നല്‍കണം. കൂടുതല്‍ വിവരങ്ങള്‍ക്ക് ഫോണ്‍: 0471 2306040  

        സംസ്ഥാന വനിതാ കമ്മീഷന്‍ ഇന്ന് (മാര്‍ച്ച് 13) ജില്ലാ പഞ്ചായത്ത് ഹാളില്‍ നടത്താന്‍ നിശ്ചയിച്ചിരുന്ന അദാലത്ത് മാറ്റിവച്ചു. പുതുക്കിയ തീയതി പിന്നീട് അറിയിക്കും.

      ജില്ലയില്‍ കോവിഡ്-19 ആശങ്ക പടര്‍ത്തുന്ന സാഹചര്യത്തില്‍ ഇല്ലിക്കല്‍കല്ല്, അരുവിക്കുഴി, എരുമേലി  എന്നീ വിനോദസഞ്ചാര കേന്ദ്രങ്ങളില്‍ സന്ദര്‍ശകരുടെ പ്രവേശനം താല്ക്കാലികമായി  നിരോധിച്ചു.  

സര്‍ക്കാര്‍ സ്ഥാപനമായ സി ഡിറ്റിന്റെ കവടിയാര്‍ കേന്ദ്രത്തില്‍ വിഷ്വല്‍ മീഡിയ കോഴ്‌സുകള്‍ക്ക് അപേക്ഷ ക്ഷണിച്ചു. ആറ് മാസം ദൈര്‍ഘ്യമുള്ള ഡിപ്ലോമ ഇന്‍ ഡിജിറ്റല്‍ മീഡിയ  പ്രൊഡക്ഷന്‍, ഡിപ്ലോമ കോഴ്‌സ് ഇന്‍ വെബ് ഡിസൈന്‍ ആന്റ് ഡെവലപ്‌മെന്റ്, മൂന്ന് മാസത്തെ  സര്‍ട്ടിഫിക്കറ്റ് കോഴ്‌സ് ഇന്‍ വീഡിയോഗ്രാഫി, സര്‍ട്ടിഫിക്കറ്റ് കോഴ്‌സ് ഇന്‍ നോണ്‍ ലീനിയര്‍ എഡിറ്റിംഗ്,  അഞ്ച് ആഴ്ച ദൈര്‍ഘ്യമുള്ള  സര്‍ട്ടിഫിക്കറ്റ് കോഴ്‌സ് ഡിജിറ്റല്‍ സ്റ്റില്‍ ഫോട്ടോഗ്രാഫി  എന്നീ കോഴ്‌സുകള്‍ക്ക്  പ്ലസ്ടു യോഗ്യതയുള്ളവര്‍ക്ക് അപേക്ഷിക്കാം. അപേക്ഷിക്കേണ്ടണ്‍ അവസാന തീയതി മാര്‍ച്ച് 20.