പാലക്കാട് ജില്ലയിൽ ഇന്ന്(ജൂൺ ആറ്)  11 പേർക്ക്  കോവിഡ് 19  സ്ഥിരീകരിച്ചു.  

 ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

 അബുദാബി -2
പട്ടാമ്പി സ്വദേശി (33 പുരുഷൻ),
പട്ടാമ്പി മരുതൂർ സ്വദേശി (32 പുരുഷൻ)

 സമ്പർക്കം -5
ജില്ലാ ആശുപത്രി ജീവനക്കാരായ   (53 പുരുഷൻ),
 (51 പുരുഷൻ),
(37, പുരുഷൻ),   (46 സ്ത്രീ),
 (49 പുരുഷൻ) എന്നിവർക്ക് സമ്പർക്കത്തിലൂടെ രോഗം സ്ഥിരീകരിച്ചിട്ടുണ്ട്. 

ലോക്ക് ഡൗണിന്റെ പശ്ചാത്തലത്തിൽ പാലക്കാട്‌ ജില്ലയിൽ നിന്നും നാട്ടിലേക്ക് മടങ്ങാൻ താല്പര്യമുള്ള ജില്ലയിൽ അവശേഷിക്കുന്ന  അതിഥി തൊഴിലാളികൾ 24 മണിക്കൂർ  പ്രവർത്തിക്കുന്ന 8301803282 (കലക്ട്രേറ്റ് പാലക്കാട്), 0491 - 2505584 (ജില്ലാ ലേബർ ഓഫീസ് പാലക്കാട്) എന്നീ നമ്പറുകളിൽ ബന്ധപ്പെട്ട് ഫോൺ നമ്പർ, സ്വന്തം ജില്ല, സംസ്ഥാനം തുടങ്ങിയ വിവരങ്ങൾ ഇന്നുതന്നെ (ജൂൺ 6) രജിസ്റ്റർ ചെയ്യണമെന്ന് ജില്ലാ ദുരന്തനിവാരണ അതോറിറ്റി ചെയർമാൻ കൂടിയായ ജില്ലാ കലക്ടർ അറിയിച്ചു. 

കോവിഡ് കാലത്ത് നിസ്വാര്‍ഥ സേവനം  നടത്തുന്ന പൊലീസുകാര്‍ക്ക് ആദരവുമായി സൈനികര്‍. ജില്ലയിലെ സൈനികരുടെ വാട്‌സ്ആപ് കൂട്ടായ്മയായ കണ്ണൂര്‍ വാരിയേഴ്സാണ് പൊലീസുകാര്‍ക്ക് ആദരമൊരുക്കിയത്. ജില്ലയിലെ എല്ലാ പൊലീസ് സ്റ്റേഷനിലേക്കും പെഡല്‍ ഓപ്പറേറ്റഡ് സാനിറ്റൈസര്‍ മെഷീനും വനിതാ പൊലീസുകാര്‍ക്ക് മാസ്‌കും  നല്‍കിയാണ് പട്ടാളക്കാര്‍ തങ്ങളുടെ ആദരവ് അറിയിച്ചത്.
  ഡി ഐ ജി ഓഫീസ് പരിസരത്ത് നടന്ന ചടങ്ങില്‍ ഡി ഐ ജി കെ സേതുരാമന്‍ സൈനികരില്‍ നിന്നും സാനിറ്റൈസര്‍ മെഷീന്‍ ഏറ്റുവാങ്ങി.  ജില്ലയിലെ വനിതാ പൊലീസുകാര്‍ക്കുള്ള മാസ്‌ക് വനിതാസെല്‍ എസ് ഐ ടി പി സുധയ്ക്ക് കൈമാറി.

തരൂർ മണ്ഡലത്തിലെ വിദ്യാര്‍ത്ഥികള്‍ക്ക് ഓണ്‍ലൈന്‍ സൗകര്യങ്ങളുടെ അഭാവത്തില്‍ പഠനം മുടങ്ങാതിരിക്കാൻ    സാഹചര്യങ്ങള്‍ ഒരുക്കി നിയമ, സാംസ്ക്കാരിക,പട്ടികജാതി, പട്ടികവർഗ്ഗ വകുപ്പ് മന്ത്രി എ.കെ ബാലന്‍. കോവിഡ് 19ന്റെ പശ്ചാത്തലത്തില്‍ പൊതുവിദ്യാഭ്യാസ വകുപ്പ് ക്ലാസ്സുകള്‍ ഓണ്‍ലൈനായി ആരംഭിച്ച സാഹചര്യത്തില്‍ ഒരു വിദ്യാര്‍ത്ഥി പോലും പരിമിതിക്കുള്ളില്‍ ഒതുങ്ങരുതെന്ന ലക്ഷ്യത്തോടെ തരൂർ മണ്ഡലത്തിലെ പഞ്ചായത്തുകളിലേക്ക് ടെലിവിഷനുകള്‍ വിതരണം ചെയ്തു കഴിഞ്ഞു. പഞ്ചായത്തുകളിലെ അതത് കേന്ദ്രങ്ങളിലെത്തി വിദ്യാര്‍ത്ഥികള്‍ക്ക് ക്ലാസ്സുകൾ കേട്ടു പഠിക്കാം.

മസ്കറ്റ്, ഖത്തർ എന്നിവിടങ്ങളിൽ നിന്നും  നെടുമ്പാശ്ശേരി അന്താരാഷ്ട്ര വിമാനത്താവളത്തിൽ  ഇന്നലെ (ജൂൺ 5) ജില്ലയിലെത്തിയത് 43 പാലക്കാട് സ്വദേശികൾ.  ഇവർ 43 പേരും  ഇൻസ്റ്റിറ്റ്യൂഷനൽ ക്വാറന്റൈനിൽ പ്രവേശിച്ചു.  

മസ്കറ്റിൽ നിന്നും നെടുമ്പാശ്ശേരി അന്താരാഷ്ട്ര വിമാനത്താവളത്തിൽ എത്തിയ 37 പാലക്കാട് സ്വദേശികളും ഖത്തറിൽ നിന്നും നെടുമ്പാശ്ശേരിയിൽ   എത്തിയ 6 പാലക്കാട് സ്വദേശികളും  ഇൻസ്റ്റിറ്റ്യൂഷനൽ ക്വാറന്റൈനിൽ പ്രവേശിച്ചു. 

അട്ടപ്പാടിയിലെ ഓൺ ലൈൻ പഠന സൗകര്യമില്ലാത്ത മുഴുവൻ ഊരുകളിലേക്കും ജില്ലാ പഞ്ചായത്ത്  ടി.വി ലഭ്യമാക്കുമെന്ന് ജില്ല പഞ്ചായത്ത് പ്രസിഡൻ്റ് അഡ്വ.കെ.ശാന്തകുമാരി അറിയിച്ചു. അട്ടപ്പാടിയിലെ 69 ഊരുകളിലായി 650 ഓളം വരുന്ന കുട്ടികൾക്കാണ് ഓൺ ലൈൻ പഠന സൗകര്യം ഇല്ലായെന്ന്  കണ്ടെത്തിയത്.  ഇതിനു പുറമെ ഓൺലൈൻ പഠന സൗകര്യം ഇല്ലാത്ത
മറ്റു പ്രദേശങ്ങളിലെ  കുട്ടികൾക്കും  ടി.വി ലഭ്യമാക്കും. ഇതിനായി  ജില്ലാ പഞ്ചായത്ത്‌ ഓൺ ഫണ്ടിൽ നിന്നും  10 ലക്ഷം രൂപ ചിലവഴിക്കുമെന്നും ജില്ല പഞ്ചായത്ത്  പ്രസിഡന്റ്‌  അറിയിച്ചു.
 

ഓണ്‍ലൈന്‍ പഠന സൗകര്യം ലഭ്യമല്ലാത്ത ഒരു കുട്ടിപോലും ജില്ലയില്‍ ഇല്ലെന്ന് ഉറപ്പാക്കുക എന്ന ലക്ഷ്യത്തോടെ പൊതുവിദ്യാഭ്യാസ സംരക്ഷണ സമിതിയുടെ നേതൃത്വത്തില്‍ ആരംഭിച്ച ഇ-ക്ലാസ് ചലഞ്ചില്‍ സഹായ പ്രവാഹം തുടരുന്നു. വീടുകളില്‍ ടിവിയോ സ്മാര്‍ട്ട് ഫോണോ ഇല്ലാത്ത വിദ്യാര്‍ഥികള്‍ക്ക് ആവശ്യമായ സൗകര്യം ഒരുക്കുന്നതിനായി വിദ്യാര്‍ഥി, യുവജന സംഘടനകള്‍, സന്നദ്ധ സംഘടനകള്‍, വ്യക്തികള്‍, സ്ഥാപനങ്ങള്‍ എന്നിവയുടെ നേതൃത്വത്തില്‍ സഹായം തുടരുകയാണ്. ചലഞ്ചിന്റെ ഭാഗമായി വ്യാഴാഴ്ചയും ടിവി സെറ്റുകള്‍ വിതരണം ചെയ്തു.

കൊലുമ്പനും ഇടുക്കിയും ശങ്കരാടിയും മുതല്‍ മമ്മൂക്കയും ലാലേട്ടനും തങ്കുപ്പൂച്ചയും വരെ.... പറഞ്ഞ് വരുന്നത് കൊറോണ ബോധവല്‍ക്കരണത്തിനായി തൊടുപുഴയില്‍ വിരിഞ്ഞ കാര്‍ട്ടൂണ്‍ വസന്തത്തെക്കുറിച്ചാണ്. കേരളാ കാര്‍ട്ടൂണ്‍ അക്കാഡമിയും കേരളാ സാമൂഹ്യ സുരക്ഷാ മിഷനും ചേര്‍ന്നാണ് വ്യത്യസ്ഥതയാര്‍ന്ന കൊറോണ ബോധവല്‍ക്കരണം സംഘടിപ്പിച്ചത്. തൊടുപുഴ ഗാന്ധിസ്‌ക്വയറിന് സമീപം പൊതുമരാമത്ത് വകുപ്പിന്റെ ചുവരിലാണ് 12 കാര്‍ട്ടൂണ്‍ ചിത്രങ്ങള്‍ പൂര്‍ത്തിയാക്കിയത്.

ജില്ലയിൽ നിന്നും 1377 അതിഥി തൊഴിലാളികൾ ഇന്ന് (ജൂൺ 5) പുലർച്ചെ രണ്ടിന് പാലക്കാട് ജംഗ്ഷൻ റെയിൽവേ സ്റ്റേഷനിൽ നിന്നും വെസ്റ്റ് ബംഗാളിലേക്ക് മടങ്ങി. പാലക്കാട്, മണ്ണാർക്കാട് , ഒറ്റപ്പാലം,  പട്ടാമ്പി താലൂക്കുകളിൽ നിന്നുള്ള അതിഥി തൊഴിലാളികളാണ് നാട്ടിലേക്ക് തിരിച്ചത്. 

 ഇതര സംസ്ഥാനങ്ങളിൽ  നിന്ന് വാളയാർ ചെക്പോസ്റ്റ് വഴി ഇന്നലെ   ( ജൂൺ അഞ്ചിന് രാവിലെ 6 മുതൽ ജൂൺ ആറിന് രാവിലെ 6 വരെ) 1494 പേർ  കേരളത്തിൽ എത്തിയതായി സ്പെഷ്യൽ ബ്രാഞ്ച് ഡി.വൈ.എസ്.പി ആർ. മനോജ് കുമാർ അറിയിച്ചു. 896 പുരുഷൻമാരും 391 സ്ത്രീകളും 207
കുട്ടികളുമുൾപ്പെടെയുള്ളവർ 563 വാഹനങ്ങളിലായാണ് കേരളത്തിലേക്ക് എത്തിയത്. 415 കാറുകൾ, 62 ഇരുചക്രവാഹനങ്ങൾ,27 ട്രാവലറുകൾ,52 മിനി ബസുകൾ, 7 ഓട്ടോറിക്ഷകൾ എന്നിവയാണ് അതിർത്തി കടന്ന് കേരളത്തിലെത്തിയത്.