ഇതര സംസ്ഥാനങ്ങളിൽ  നിന്ന് വാളയാർ ചെക്പോസ്റ്റ് വഴി ഇന്ന്   ( ജൂൺ അഞ്ചിന് വൈകിട്ട് 6  വരെ) 1229 പേർ  കേരളത്തിൽ എത്തിയതായി സ്പെഷ്യൽ ബ്രാഞ്ച് ഡി.വൈ.എസ്.പി ആർ. മനോജ് കുമാർ അറിയിച്ചു.699 പുരുഷൻമാരും 342 സ്ത്രീകളും 188
കുട്ടികളുമുൾപ്പെടെയുള്ളവർ 476 വാഹനങ്ങളിലായാണ് കേരളത്തിലേക്ക് എത്തിയത്. 371 കാറുകൾ, 55 ഇരുചക്രവാഹനങ്ങൾ, 13 ട്രാവലറുകൾ, 30 മിനി ബസുകൾ, 7 ഓട്ടോറിക്ഷകൾ   എന്നിവയാണ് അതിർത്തി കടന്ന് കേരളത്തിലെത്തിയത്.
 

പാലക്കാട് ജില്ലയിൽ ഇന്ന്(ജൂൺ അഞ്ച്) ഒരു തമിഴ് നാട് സ്വദേശിക്ക് ഉൾപ്പെടെ 40 പേർക്ക് കോവിഡ് 19  സ്ഥിരീകരിച്ചു. ഇതോടെ  ജില്ലയിൽ കോവിഡ്‌  സ്ഥിരീകരിച്ച്  181 പേരാണ് ചികിത്സയിൽ ഉള്ളത്. സമ്പർക്കത്തിലൂടെ അഞ്ച് പേർക്കും ഇതര സംസ്ഥാനങ്ങളിൽ നിന്നും വിദേശത്തു നിന്നും ആയി വന്ന 35 പേർക്കുമാണ് രോഗം സ്വീകരിച്ചിട്ടുള്ളത്.ഇതിൽ ആന്ധ്രാപ്രദേശിൽ നിന്നും ജില്ലയിൽ എത്തിയിട്ടുള്ള ഒരു തമിഴ്നാട് സ്വദേശിയും ഉൾപ്പെടുന്നുണ്ട്.

 ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

ഭൂനികുതി: ഓണ്‍ലൈന്‍ അപേക്ഷകളില്‍
അതത് ദിവസം നടപടിയെടുക്കാന്‍ നിര്‍ദ്ദേശം
കോവിഡ് പ്രതിരോധത്തിന്റെ ഭാഗമായി കൂടുതല്‍ ആളുകള്‍ ഓണ്‍ലൈനായി ഭൂനികുതി അടയ്ക്കാന്‍ മുന്നോട്ടുവരുന്ന സാഹചര്യത്തില്‍ ഭൂനികുതി അപേക്ഷ ഓണ്‍ലൈനായി ലഭിക്കുന്ന ദിവസം തന്നെ വില്ലേജ് ഓഫീസര്‍ അതില്‍ നടപടി സ്വീകരിക്കണമെന്ന് ജില്ലാ കലക്ടര്‍ നിര്‍ദേശം നല്‍കി. വില്ലേജ് ഓഫീസറുടെ അംഗീകാരത്തിനായി നികുതി ദായകന്‍ ദിവസങ്ങള്‍ കാത്തിരിക്കേണ്ടി വരുന്നുവെന്ന പരാതിയെ തുടര്‍ന്നാണ് നടപടി.
പി എന്‍ സി/1849/2020

ജില്ലയില്‍ സുഭിക്ഷ കേരളം പദ്ധതിയുടെ നടത്തിപ്പുമായി ബന്ധപ്പെട്ട് ജില്ലാ കലക്ടര്‍ എച്ച്.ദിനേശന്റെ അധ്യക്ഷതയില്‍ കലക്ട്രേറ്റില്‍ ജില്ലാതല അവലോകന യോഗം ചേര്‍ന്നു. ഇടുക്കി ജില്ലയുടെ സമഗ്രവികസനം ലക്ഷ്യമാക്കി കാര്‍ഷിക -മൃഗസംരക്ഷണ- ക്ഷീര വികസന, മത്സ്യ വികസന മേഖലകള്‍ ഏകോപിപ്പിച്ചു കൊണ്ടുള്ള പ്രവര്‍ത്തനമാണ് പദ്ധതിയിലൂടെ നടപ്പാക്കുന്നത്. സുഭിക്ഷ കേരളം - ഒരു കോടി ഫലവൃക്ഷ തൈ വിതരണത്തിന്റെ ഭാഗമായി ജില്ലയില്‍ ഒരു ലക്ഷത്തില്‍പരം തൈകള്‍ വിതരണം ചെയ്യും. ഇതിനായി തൈകള്‍ വിവിധ കേന്ദ്രങ്ങളില്‍ തയ്യാറായി കഴിഞ്ഞു.

ഇടുക്കി ജില്ലാ പഞ്ചായത്തിന്റെ മെച്ചപ്പെട്ട വിദ്യാഭ്യാസ പദ്ധതി നിര്‍വ്വഹണത്തിന്റെ ഭാഗമായി 5, പ്ലസ് വണ്‍ ക്ലാസുകളിലേക്ക് 2020-21 അധ്യയന വര്‍ഷം പ്രവേശനം ആഗ്രഹിക്കുന്ന പട്ടികവര്‍ഗ്ഗ വിഭാഗത്തില്‍പ്പെട്ട 40 വിദ്യാര്‍ത്ഥികളെ ജില്ലയിലെ മികച്ച രീതിയില്‍ പ്രവര്‍ത്തിക്കുന്ന സ്‌കൂളുകളില്‍ സര്‍ക്കാര്‍ ചെലവില്‍ താമസിപ്പിച്ച് പഠിപ്പിക്കുന്നതിന് അപേക്ഷ ക്ഷണിച്ചു.

സംസ്ഥാനത്ത് ഇന്ന് (09.06.2020) അർദ്ധരാത്രി മുതൽ ആരംഭിക്കുന്ന ട്രോളിംഗ് നിരോധനവുമായി മത്സ്യത്തൊഴിലാളികളും ട്രേഡ് യൂണിയൻ-സന്നദ്ധ സംഘടനകളും സഹകരിക്കണമെന്ന് ഫിഷറീസ് മന്ത്രി ജെ.മേഴ്‌സിക്കുട്ടി അമ്മ അറിയിച്ചു.

അന്ത്യോദയ അന്നയോജന കാര്‍ഡുടമകള്‍ക്ക് 30 കിലോ അരിയും അഞ്ച് കിലോ ഗോതമ്പും സൗജന്യമായും ഒരു കിലോ പഞ്ചസാര 21 രൂപയ്ക്കും ലഭിക്കും. കേന്ദ്ര സര്‍ക്കാരിന്റെ പി.എം.ജി.കെ.എ.വൈ പദ്ധതി പ്രകാരം കാര്‍ഡിന് ഒരു കിലോ പയര്‍ അല്ലെങ്കില്‍ കടല സൗജന്യമായി ലഭിക്കും.(ഏപ്രില്‍ , മെയ് മാസങ്ങളിലെ പയര്‍/ കടല ലഭിക്കാത്തവര്‍ക്ക് അതും കൂടിചേര്‍ത്ത് മൂന്ന് കിലോ ലഭിക്കും.) ജൂണ്‍ 21 മുതല്‍ പി.എം.ജി.കെ.എ.വൈ പദ്ധതി പ്രകാരം കാര്‍ഡിലെ ഓരോ അംഗത്തിനും അഞ്ച് കിലോ അരി സൗജന്യമായി ലഭിക്കും.  മുന്‍ഗണന വിഭാഗം കാര്‍ഡിലെ ഓരോ അംഗത്തിനും നാല് കിലോ അരിയും ഒരു കിലോ ഗോതമ്പും കിലോയ്ക്ക് രണ്ട് രൂപ നിരക്കില്‍ ലഭിക്കും.

കോവിഡ് 19 പ്രതിരോധ പ്രവര്‍ത്തനങ്ങളുടെ ജില്ലയിലെ ഇതു വരെയുള്ള  പ്രവര്‍ത്തനങ്ങള്‍ വിലയിരുത്തുന്നതിനും തുടര്‍ തീരുമാനങ്ങള്‍ കൈക്കൊള്ളുന്നതിനുമായി വൈദ്യുതി വകുപ്പ് മന്ത്രി എംഎം മണിയുടെ അധ്യക്ഷതയില്‍ സര്‍വകക്ഷി യോഗം ഇന്ന് (4) രാവിലെ 11 മണിക്ക് കളക്ട്രേറ്റ് കോണ്‍ഫറന്‍സ് ഹാളില്‍ ചേരും.
 

സംസ്ഥാനത്തെ തദ്ദേശ സ്വയംഭരണ സ്ഥാപനങ്ങളിലേയ്ക്കുള്ള പൊതു തിരഞ്ഞെടുപ്പിനുള്ള വോട്ടർപട്ടിക ജൂൺ 17 ന് പ്രസിദ്ധീകരിക്കുമെന്ന് സംസ്ഥാന തിരഞ്ഞെടുപ്പ് കമ്മീഷണർ വി. ഭാസ്‌കരൻ അറിയിച്ചു.  
കണ്ണൂരിലെ മട്ടന്നൂർ നഗരസഭ ഒഴികെയുള്ള തദ്ദേശ സ്വയംഭരണ സ്ഥാപനങ്ങളിലേക്ക് ഈ വർഷം പൊതു തിരഞ്ഞെടുപ്പ് നടത്തുന്നതുമായി ബന്ധപ്പെട്ടാണ് വോട്ടർപട്ടിക പ്രസിദ്ധീകരിക്കുന്നത്. 941 ഗ്രാമപഞ്ചായത്തുകൾ 152 ബ്ലോക്ക് പഞ്ചായത്തുകൾ, 14 ജില്ലാ പഞ്ചായത്തുകൾ, 86 മുനിസിപ്പാലിറ്റികൾ, ആറ് മുനിസിപ്പൽ കോർപ്പറേഷനുകൾ എന്നിവിടങ്ങളിലേക്കാണ് ഈ വർഷം പൊതു തിരഞ്ഞെടുപ്പ് നടത്തുന്നത്.