വടവാതൂര്‍ ജവഹര്‍ നവോദയ വിദ്യാലയത്തില്‍ ആറ്, ഒന്‍പത് ക്ലാസുകളിലെ പ്രവേശനത്തിന് നടത്തിയ പരീക്ഷയുടെ ഫലം പ്രസിദ്ധീകരിച്ചു.navodaya.gov.in/nvs/nvs-school/KOTTAYAM/en  എന്ന വെബ്സൈറ്റില്‍ ലഭിക്കും. ഫോണ്‍: 9207213047

കൊല്ലം, പത്തനംതിട്ട ജില്ലകളിലെ ഇ.എസ്.ഐ ഡിസ്പെന്‍സറികളില്‍ ഉണ്ടാകാനിടയുള്ള അലോപ്പതി വിഭാഗം മെഡിക്കല്‍ ഓഫീസര്‍മാരുടെ തസ്തികകളില്‍  താത്കാലിക നിയമനത്തിന്  അപേക്ഷ ക്ഷണിച്ചു.  എം.ബി.ബി.എസ് ഡിഗ്രിയും ടി.സി.എം.സി രജിസ്ട്രേഷനും ഉണ്ടായിരിക്കണം. പ്രതിമാസ ശമ്പളം- 56395 രൂപ. 

അപേക്ഷയുടെ മാതൃകയും വിശദവിവരങ്ങളും www.ims.kerala.gov.in    എന്ന വെബ്സൈറ്റില്‍ ലഭിക്കും. പൂരിപ്പിച്ച അപേക്ഷ ഫോറം ജൂണ്‍ 30ന് വൈകുന്നേരം അഞ്ചിനകം rddsz.ims@kerala.gov.in  എന്ന ഇ-മെയില്‍ വിലാസത്തില്‍ അയയ്ക്കണം

 കോവിഡ് ലോക് ഡൗണിനെത്തുടര്‍ന്ന് തൊഴില്‍ നഷ്ടപ്പെട്ടവര്‍ക്ക് സംസ്ഥാന അസംഘടിത തൊഴിലാളി സാമൂഹ്യ സുരക്ഷാബോര്‍ഡ് 1000 രൂപ ധനസഹായം നല്‍കും. കേരള കൈത്തൊഴിലാളി -വിദഗ്ദ്ധ തൊഴിലാളി ക്ഷേമ പദ്ധതി, ബാര്‍ബര്‍ ബ്യൂട്ടീഷന്‍ ക്ഷേമ പദ്ധതി, അലക്കു തൊഴിലാളി  ക്ഷേമ പദ്ധതി, പാചക തൊഴിലാളി ക്ഷേമ പദ്ധതി എന്നിവയില്‍ അംഗത്വമുളളവര്‍ക്കാണ് ആനുകൂല്യം ലഭിക്കുക.

നാട്ടകം പ്രാഥമികാരോഗ്യ കേന്ദ്രത്തില്‍ ലാബ് ടെക്നീഷ്യന്‍ ഗ്രേഡ് -2,  പാലിയേറ്റീവ് കെയര്‍ നഴ്സ് ഗ്രേഡ്-2, അറ്റന്‍ഡര്‍ ഗ്രേഡ് -2, ഡ്രൈവര്‍ തസ്തികകളില്‍ കരാര്‍ നിയമനത്തിന് ഇന്ന് (ജൂണ്‍ 25) രാവിലെ 10.30ന് ഇന്‍റര്‍വ്യൂ നടത്തും. അപേക്ഷ സമര്‍പ്പിച്ചിട്ടുളളവര്‍ കോട്ടയം മുനിസിപ്പാലിറ്റി കൗണ്‍സില്‍ ഹാളില്‍ അസല്‍ സര്‍ട്ടിഫിക്കറ്റുകള്‍ സഹിതം  ഹാജരാകണം.

ഡെങ്കിപ്പനി പ്രതിരോധ നടപടികളുടെ ഭാഗമായി  തോട്ടങ്ങളിലെ കൊതുകു സാന്ദ്രത കുറയ്ക്കുന്നതിന് ആരോഗ്യ വകുപ്പ് 'തോട്ടങ്ങളിലേക്ക് നീങ്ങാം' എന്ന പേരില്‍ നടത്തുന്ന കാമ്പയിനിന് ഇന്ന് (ജൂണ്‍ 25) തുടക്കം കുറിക്കും. ഇതിന്‍റെ ഭാഗമായി ജനപ്രതിനിധികള്‍, ആരോഗ്യ വകുപ്പ് ഉദ്യോഗസ്ഥര്‍, ആശാ പ്രവര്‍ത്തകര്‍, ആരോഗ്യസേന എന്നിവരടങ്ങുന്ന സംഘം പൊതുജന പങ്കാളിത്തത്തോടെ റബര്‍, പൈനാപ്പിള്‍, കൊക്കോ തോട്ടങ്ങളില്‍ ഈഡിസ് കൊതുകിന്‍റെ ഉറവിട നശീകരണം നടത്തും.

കോവിഡ് ജാഗ്രത തുടരുന്നതിനിടെ ജില്ലയുടെ കിഴക്കന്‍ മേഖലയില്‍ മണ്ണിടിച്ചിലും വെള്ളപ്പൊക്കവുമുണ്ടായാല്‍ എന്തു ചെയ്യും? മുന്‍പെങ്ങുമില്ലാതിരുന്ന ഈ സാഹചര്യം നേരിടുന്നതിന് ജില്ല എത്രമാത്രം സജ്ജമാണെന്ന് കണ്ടെത്തുന്നതിനായി ജില്ലാ ദുരന്തനിവാരണ അതോറിറ്റി തീക്കോയി പഞ്ചായത്തില്‍ നടത്തിയ മോക് ഡ്രില്‍ വിവിധ വകുപ്പുകളും സന്നദ്ധ പ്രവര്‍ത്തകരും ജനപ്രതിനിധികളും തമ്മിലുള്ള കൃത്യമായ ഏകോപനത്തിന്‍റെ മികവില്‍ വിജയമായി. 

മലപ്പുറം ജില്ലയിലെ ഏഴ് വാര്‍ഡുകള്‍ കൂടി കണ്ടെയിന്‍മെന്റ് സോണില്‍ നിന്നും ഒഴിവാക്കി. രോഗ വ്യാപന സാധ്യതയില്ലെന്ന കാരണത്താലാണിതെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു.  ആതവനാട് ഗ്രാമപഞ്ചായത്തിലെ 04, 05, 06, 07, 20 വാര്‍ഡുകളും കല്‍പകഞ്ചേരിയിലെ 12-ാം വാര്‍ഡും  തിരുരങ്ങാടി നഗരസഭയിലെ  38-ാം വാര്‍ഡുമാണ് കണ്ടെയിന്‍മെന്റ് സോണില്‍ നിന്ന് ഒഴിവാക്കിയത്.
(എം.പി.എം 2364/2020)
 

കോവിഡ് 19 പ്രതിരോധത്തിന്റെ ഭാഗമായുള്ള ആരോഗ്യ ജാഗ്രത ലംഘിച്ചതിന് മലപ്പുറം ജില്ലയില്‍ 84 കേസുകള്‍ കൂടി ഇന്നലെ (ജൂണ്‍ 24) രജിസ്റ്റര്‍ ചെയ്തതായി ജില്ലാ പൊലീസ് മേധാവി യു. അബ്ദുള്‍ കരീം അറിയിച്ചു.  വിവിധ സ്റ്റേഷനുകളിലായി 140 പേരെ ഇന്നലെ അറസ്റ്റു ചെയ്തു. അഞ്ച് വാഹനങ്ങളും പിടിച്ചെടുത്തു. ഇതോടെ ആരോഗ്യ ജാഗ്രത ലംഘിച്ചതിന് പൊലീസ് രജിസ്റ്റര്‍ ചെയ്ത കേസുകളുടെ എണ്ണം 4,737 ആയി. 5,860 പേരെയാണ് ഇതുവരെ അറസ്റ്റു ചെയ്തത്. ജില്ലയിലാകെ ഇതുവരെ 2,627 വാഹനങ്ങളും പിടിച്ചെടുത്തിട്ടുണ്‍്.

ആരോഗ്യ വകുപ്പിന്റെ കോവിഡ് പ്രതിരോധ പ്രവര്‍ത്തനങ്ങള്‍ക്ക് കരുത്ത് പകര്‍ന്ന് മലപ്പുറം ജില്ലയില്‍ അഞ്ചുപേര്‍കൂടി രോഗമുക്തരായി. വിദേശത്തുനിന്നും അന്യസംസ്ഥാനങ്ങളില്‍ നിന്നും എത്തി കോവിഡ് 19 സ്ഥിരീകരിച്ചവരാണ് രോഗം ഭേദമായി മഞ്ചേരി ഗവ.മെഡിക്കല്‍ കോളജ് ആശുപത്രിയില്‍ നിന്ന് വീട്ടിലേക്ക് മടങ്ങിയത്.