കേരള ഇന്‍സ്റ്റിറ്റ്യൂട്ട് ഓഫ് ലോക്കല്‍ അഡ്മിനിസ്‌ട്രേഷന്‍ (കില) കിഫ്ബി ധനസഹായത്തോടെ നടപ്പാക്കുന്ന പ്രോജക്ടിലേക്ക് പ്രോജക്ട് എഞ്ചിനിയര്‍ (സിവില്‍)-3, പ്രോജക്ട് എഞ്ചിനിയര്‍ (ഐ.ടി) -1 എന്നീ തസ്തികളിലേക്ക് അപേക്ഷ ക്ഷണിച്ചു. അവസാന തിയ്യതി ജൂലൈ 10. കൂടുതല്‍ വിവരങ്ങള്‍ക്ക് www.kila.ac.in ദഎന്ന വെബ്‌സൈറ്റ് സന്ദര്‍ശിക്കുക.

    മീനങ്ങാടി ഗവണ്‍മെന്റ് കൊമേഴ്‌സ്യല്‍ ഇന്‍സ്റ്റിറ്റ്യൂട്ടില്‍ നിലവിലുള്ള ഇന്‍സ്ട്രക്ടര്‍ തസ്തികയിലേക്ക് ഗസ്റ്റ് അദ്ധ്യപകരെ നിയമിക്കുന്നു. എതെങ്കിലും അംഗീകൃത സര്‍വകലാശാലയില്‍ നിന്നും കൊമേഴ്‌സ് ബിരുദം, ഡിപ്ലോമ ഇന്‍ സെക്രട്ടേറിയല്‍ പ്രാക്ടീസ്, ഡി.റ്റി.പി (ഇംഗ്ലീഷ്,മലയാളം),ടാലി, വേഡ് പ്രാസസ്സിങ്ങ് (ഇംഗ്ലീഷ്, മലയാളം)
എന്നിവയില്‍ യോഗ്യതയുള്ള ഉദ്യോഗാര്‍ത്ഥികള്‍ അസ്സല്‍ രേഖകള്‍ സഹിതം ജൂണ്‍ 29 ന് രാവിലെ 11 ന് ഓഫീസില്‍ ഹാജരാകണം. ഫോണ്‍ 04936 248380.

      വരദൂര്‍ പ്രാഥമിക ആരോഗ്യ കേന്ദ്രത്തില്‍ ഈവനിംഗ് ഒ.പി തുടങ്ങുന്നതിനായി അസിസ്റ്റന്റ് സര്‍ജന്‍, ഫാര്‍മസിസ്റ്റ്, ക്ലീനിംഗ് സ്റ്റാഫ് എന്നിവരെ താല്‍ക്കാലികമായി നിയമിക്കുന്നു. തസ്തികയിലേക്കുളള ഇന്റര്‍വ്യൂ ജൂണ്‍ 30 ന് രാവിലെ 11 ന് ആരോഗ്യ കേന്ദ്രത്തില്‍ നടക്കും. നിശ്ചിത യോഗ്യതയുള്ള ഉദ്യോഗാര്‍ഥികള്‍ phc.varadoor@gmail.com   എന്ന ഇ മെയില്‍ വിലാസത്തില്‍  സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്‍പ്പ് അയക്കണം. ഫോണ്‍. 04936 289166.

      2010-21 ലെ കേരള ബജറ്റില്‍ പ്രഖ്യാപിച്ച വാറ്റ്, കെ.ജി.എസ്.ടി, എ.ഐ.ടി കുടിശ്ശിക നിവാരണവുമായി ബന്ധപ്പെട്ട് സമാശ്വാസ പദ്ധതികള്‍ക്ക് ജൂലൈ 31 വരെ വ്യാപാരികള്‍ക്ക് അപേക്ഷിക്കാം. പദ്ധതി പ്രകാരം പലിശ, പിഴ പലിശ എന്നിവ പൂര്‍ണ്ണമായും ഒഴിവാക്കും. കുടിശ്ശിക നികുതി ഒറ്റ തവണയില്‍ അടയ്ക്കുകയാണെങ്കില്‍ കുടിശ്ശിക 60 ശതമാനം ഒഴിവാക്കും. കുടിശ്ശിക നികുതി തവണ വ്യവസ്ഥയില്‍ അടയ്ക്കുകയാണെങ്കില്‍ കുടിശ്ശികയുടെ 50 ശതമാനം ഒഴിവാക്കും. www.keralataxes.gov.in  എന്ന വിലാസത്തില്‍ അപേക്ഷകള്‍ സമര്‍പ്പിക്കാം.ഫോണ്‍. 8330011252.

     ദുരന്തനിവാരണ പ്രവര്‍ത്തനങ്ങളുടെ ആവിശ്യത്തിലേക്കായി ജില്ലാ ഭരണകുടം വിവിധ സാധന സാമഗ്രികള്‍ക്ക് ടെന്‍ണ്ടര്‍ ക്ഷണിച്ചു. റെയിന്‍ കോട്ട്, ഗം ബൂട്ടുകള്‍, ഗ്ലൗസ്, കുടകള്‍, ഡെസ്‌ക്‌ടോപ്പ്, ലാപ്പ്‌ടോപ്പ്, പോര്‍ട്ടബിള്‍ പ്രൊജക്ടര്‍ തുടങ്ങിയവയ്ക്കാണ് ടെന്‍ണ്ടര്‍ ക്ഷണിച്ചിട്ടുള്ളത്. ടെന്‍ണ്ടര്‍ ഫോറം  ജൂണ്‍ 26 ന് വൈകീട്ട് 4.30 നകം  കളക്‌ട്രേറ്റ് ഹുസൂര്‍ ശിരസ്തദാര്‍ മുമ്പാകെ സമര്‍പ്പിക്കണം. ഫോണ്‍. 04936 204151.

          കോവിഡ് പശ്ചാത്തലത്തില്‍ എടവക ഗ്രാമപഞ്ചായത്ത് ഓഫീസില്‍ വിവിധ ആവശ്യങ്ങള്‍ക്കായി എത്തുന്ന പൊതുജനങ്ങള്‍ പ്രതിരോധ മുന്‍കരുതല്‍ കര്‍ശനമായി പാലിക്കണമെന്ന് ഗ്രാമ പഞ്ചായത്ത് സെക്രട്ടറി അറിയിച്ചു. ഓഫീസില്‍ എത്തുന്നവര്‍ താഴെപറയുന്ന നിര്‍ദേശങ്ങള്‍ കര്‍ശനമായി പാലിക്കണം.

· എടവക ഗ്രാമപഞ്ചായത്തില്‍ വിവിധ ആവശ്യങ്ങള്‍ക്കായി എത്തുന്ന സന്ദര്‍ശകരുടെ പേര്, മേല്‍വിലാസം, സന്ദര്‍ശന സമയം, ഫോണ്‍ നമ്പര്‍, കാണേണ്ട ഉദ്യോഗസ്ഥരുടെ പേര് എന്നിവ പ്രത്യേകം രജിസ്റ്ററില്‍ രേഖപ്പെടുത്തേണ്ടതാണ്.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂൺ 24)  വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 17 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 71 പ്രതികളിൽ 17 പേരെ അറസ്റ്റ് ചെയ്തു. 7 വാഹനങ്ങൾ പിടിച്ചെടുത്തു. നിർദ്ദേശങ്ങൾ ലംഘിച്ച്  പ്രതിഷേധ പ്രകടനങ്ങൾ  നടത്തിയതിനാണ് കേസ് രജിസ്റ്റർ ചെയ്തത്. സാമൂഹിക അകലം പാലിക്കുന്നതിനെക്കുറിച്ച് ബോധവത്കരണം നടത്തുന്നതിന്റെ ഭാഗമായി രണ്ട് ദിവസങ്ങളിലായി പോലീസ് സ്പെഷ്യൽ ഡ്രൈവും നടത്തുന്നുണ്ട്.

 മാസ്ക് ധരിക്കാത്ത 278 പേർക്കെതിരെ കേസ് 

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 195 പേരാണ് ചികിത്സയിലുള്ളത്. ഇന്ന് (ജൂണ്‍ 24) ജില്ലയില്‍ 16 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 29 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 16742 സാമ്പിളുകള്‍ പരിശോധനയ്ക്കായി അയച്ചതില്‍ 15640 പരിശോധനാ ഫലങ്ങളാണ് ലഭ്യമായത്. 411 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇന്ന് 176 പരിശോധനാ ഫലങ്ങളാണ് ലഭിച്ചത്. ഇതുവരെ 213 പേർ രോഗമുക്തി നേടി.  പുതുതായി 504 സാമ്പിളുകളും അയച്ചു. 

പാലക്കാട് ജില്ലയിൽ ഇന്ന്(ജൂൺ 24) 16പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.ഇതിൽ ഒരാൾ മഞ്ചേരി മെഡിക്കൽ കോളേജിൽ ചികിത്സയിലാണ്. ജില്ലയിൽ ഒരാൾക്ക് രോഗമുക്തിയുള്ളതായും അധികൃതർ അറിയിച്ചിട്ടുണ്ട്.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

കുവൈത്ത്-7
മുതുതല പെരുമുടിയൂർ  സ്വദേശി (48 പുരുഷൻ),

കാരാകുറുശ്ശി സ്വദേശി (25 പുരുഷൻ),

ജൂൺ 20ന് വന്ന വിളയൂർ സ്വദേശി(38 പുരുഷൻ). ഇദ്ദേഹം മഞ്ചേരി മെഡിക്കൽ കോളേജിൽ ചികിത്സയിലാണ്.

കോവിഡ് പ്രതിരോധ പ്രവര്‍ത്തനങ്ങള്‍  ഉര്‍ജ്ജിതപ്പെടുത്തുന്നതിന്റെ  ഭാഗമായി ജില്ലയിലെ സ്വകാര്യ ആശുപത്രികളിലെ മാനേജ്‌മെന്റ്  അംഗങ്ങളുടെയും  ഡോക്ടര്‍മാരുടെയും  യോഗം ജില്ലാ മെഡിക്കല്‍ ഓഫീസര്‍ ഡോ എ വി രാംദാസിന്റെ നേതൃത്വത്തില്‍ ചേര്‍ന്നു. ജില്ലയിലെ  സ്വകാര്യ  ആശുപത്രി സംവിധാനങ്ങള്‍ വിപുലീകരിക്കുന്നതിനാവശ്യമായ മാര്‍ഗ്ഗനിര്‍ദ്ദേശങ്ങള്‍ നല്‍കുകയും കോവിഡ് രോഗികളെ തുടക്കംമുതല്‍  കണ്ടെത്തി ചികിത്സ ലഭ്യമാക്കുന്നതിന് തയ്യാറാക്കിയ മാര്‍ഗരേഖ നല്‍കുകയും ചെയ്തു.   ആശുപത്രിയില്‍ നിലവിലുള്ള സൗകര്യങ്ങള്‍ ഇതിനായി ഉപയോഗിക്കേണ്ടതാണ്.