திருவனந்தபுரம்,

എസ്.എസ്.എൽ.സി/ ടി.എച്ച്.എസ്.എൽ.സി/ എസ്.എസ്.എൽ.സി (എച്ച്.ഐ)/ ടി.എച്ച്.എസ്.എൽ.സി  (എച്ച്.ഐ)/എ.എച്ച്.എസ്.എൽ.സി പരീക്ഷകളുടെ ഫലം ജൂൺ 30ന് പ്രഖ്യാപിക്കും.
ഹയർസെക്കൻററി/വൊക്കേഷണൽ ഹയർസെക്കൻഡറി പരീക്ഷകളുടെ ഫലം ജൂലൈ 10 നകം പ്രഖ്യാപിക്കുമെന്നും പൊതു വിദ്യാഭ്യാസ ഡയറക്ടർ അറിയിച്ചു.
മാർച്ച് 10ന് ആരംഭിച്ച എസ്.എസ്.എൽ.സി/ ഹയർസെക്കൻഡറി/ വൊക്കേഷണൽ ഹയർ സെക്കൻഡറി പൊതു പരീക്ഷകൾ മാർച്ച് 10ന് ആരംഭിച്ചെങ്കിലും മാർച്ച് 19ന് കോവിഡ്19 പശ്ചാത്തലത്തിൽ താത്കാലികമായി നിർത്തിവെച്ചിരുന്നു. പിന്നീട് മെയ് 26 മുതൽ 30 വരെയുള്ള തീയതികളിലാണ് പുനഃക്രമീകരിച്ച് നടത്തിയത്.
പി.എൻ.എക്സ്. 2276/2020

സന്നദ്ധ സേനാ വോളണ്ടിയർമാർക്കുള്ള ഓൺലൈൻ പരിശീലനം 25ന് ആരംഭിക്കും. ആദ്യഘട്ടത്തിൽ പ്രീ മൺസൂൺ പരിശീലനം 20,000 പേർക്ക് നൽകും. രജിസ്റ്റർ ചെയ്ത മൂന്നര ലക്ഷം വോളണ്ടിയർമാർക്ക് ആഗസ്‌റ്റോടെ പരിശീലനം നൽകും. പരിശീലനം വിജയകരമായി പൂർത്തിയാക്കുന്നവർക്ക് ഐഡി കാർഡ്, സർട്ടിഫിക്കറ്റ് എന്നിവയും നൽകും.
പി.എൻ.എക്സ്. 2275/2020

മടങ്ങിയെത്തുന്ന അതിഥി തൊഴിലാളികളെ കോൺട്രാക്ടറുടെ ഉത്തരവാദിത്വത്തിൽ ക്വാറന്റൈനിലാക്കുമെന്ന് മുഖ്യമന്ത്രി പിണറായി വിജയൻ പറഞ്ഞു. യാത്രാപാസില്ലാതെയും ഏറ്റെടുക്കാൻ കോൺട്രാക്ടറില്ലാതെയും ഉള്ള അതിഥി തൊഴിലാളികളെ നിരീക്ഷണ കേന്ദ്രത്തിലേക്ക് അയയ്ക്കും. ഇവർക്ക് പോകേണ്ട ജില്ലയിലാവും ക്വാറന്റൈൻ സംവിധാനം ഒരുക്കുക. നിലവിൽ ഇങ്ങനെ എത്തുന്നവരെ റെയിൽവേ സ്‌റ്റേഷനിൽ നിർത്തിയ ശേഷം മടങ്ങിപ്പോകുന്ന ട്രെയിനുകളിൽ കയറ്റി വിടുന്ന സ്ഥിതയാണ്. ഇങ്ങനെ തിരിച്ചു വിടരുതെന്ന് മുഖ്യമന്ത്രി പറഞ്ഞു. ഇവിടെ തൊഴിലെടുക്കുന്നതിന് അവസരം നൽകാൻ ജില്ലാതലത്തിൽ സൗകര്യങ്ങൾ ഒരുക്കണമെന്നും മുഖ്യമന്ത്രി അറിയിച്ചു.

*കേരളത്തിലെ വിമാനത്താവളങ്ങളിൽ പരിശോധന സൗകര്യം ഒരുക്കും
സൗദി അറേബ്യയിൽ നിന്ന് വരുന്നവരും കുവൈറ്റിൽ നിന്ന് പരിശോധന നടത്താതെ വരുന്നവരും എൻ 95 മാസ്‌ക്ക്, ഫേസ് ഷീൽഡ്, കൈയുറ എന്നിവയ്‌ക്കൊപ്പം പി. പി. ഇ കിറ്റും ധരിക്കണമെന്ന് മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞു. കേരളത്തിലെ വിമാനത്താവളങ്ങളിൽ പരിശോധന സൗകര്യവും ഒരുക്കും. വിമാനത്താവളങ്ങളിൽ എല്ലാവരും പരിശോധനയ്ക്ക് വിധേയരാകണം. യാത്രക്കാർ ഉപയോഗിക്കുന്ന പി. പി. ഇ കിറ്റ്, കൈയുറ, മാസ്‌ക്ക് എന്നിവ വിമാനത്താവളങ്ങളിൽ വച്ച് സുരക്ഷിതമായി നീക്കാൻ ആരോഗ്യവകുപ്പ് അധികൃതർ നടപടി സ്വീകരിക്കും.

ಚಿಕಿತ್ಸೆಯಲ್ಲಿರುವವರು 1691 ಜನರು;14 ಹೊಸ ಹಾಟ್ ಸ್ಪಾಟ್‌ಗಳು

കോവിഡ് സ്ഥിരീകരിച്ച് പാരിപ്പള്ളി മെഡിക്കല്‍ കോളേജില്‍ ചികിത്സയിലിരുന്നയാള്‍ ഫലം നെഗറ്റീവായ ശേഷം മരിച്ചു. പെരിനാട് ഞാറയ്ക്കല്‍ സ്വദേശി ശശിധരന്‍പിള്ള(68) ഹൃദയാഘാതത്തെ തുടര്‍ന്നു മരിച്ചതായി മെഡിക്കല്‍ ബുള്ളറ്റിന്‍. ദുബായില്‍ നിന്നും ജൂണ്‍ 16 ന് തിരുവനന്തപുരത്ത് എത്തിയപ്പോള്‍ വിമാനത്താവളത്തില്‍ നടത്തിയ സ്രവ പരിശോധനയില്‍ 18ന് പോസിറ്റീവായതിനെ തുടര്‍ന്ന് പാരിപ്പള്ളി മെഡിക്കല്‍ കോളേജില്‍ പ്രവേശിപ്പിച്ചിരുന്നു. നേരത്തെ ദുബായില്‍ ഏപ്രില്‍ 12 ന് കോവിഡ് സ്ഥിരീകരിച്ച് ചികിത്സയിലായിരുന്നു.

ഫിഷറീസ് വകുപ്പ് ജില്ലയിലെ എല്ലാ മത്സ്യ വിത്തുൽപാദന പരിപാലന വിപണന കേന്ദ്രങ്ങളും സീഡ് ഫാമുകളും സംസ്ഥാന മത്സ്യ കേന്ദ്രത്തിൽ രജിസ്റ്റർ ചെയ്ത് ലൈസൻസ് എടുക്കുന്നതിന് വേണ്ടി അപേക്ഷകൾ ക്ഷണിച്ചു. അപേക്ഷകർ ഭൂമി ഉടമസ്ഥ അവകാശ രേഖ, ലൊക്കേഷൻ പ്ലാൻ, ഉടമസ്ഥന്റെ തിരിച്ചറിയൽ കാർഡ് പകർപ്പ്, ഫാമുകളുടെ പദ്ധതി രേഖ, നിശ്ചിത ഫീസ് ഒടുക്കിയ രേഖ, എന്നിവ അപേക്ഷയോടൊപ്പം സമർപ്പിക്കേണ്ടതാണ്. കൂടുതൽ വിവരങ്ങൾക്കായി തൃശൂർ ഫിഷറീസ് അസിസ്റ്റന്റ് ഡയറക്ടറെ സമീപിക്കുക. ഫോൺ - 0487 2421090

ജില്ലയിൽ വർദ്ധിച്ചു വരുന്ന അനധികൃത ഗ്യാസ് വിൽപ്പനക്കെതിരെ കർശന നടപടിയെടുക്കുമെന്ന് ജില്ലാ കളക്ടർ എസ് ഷാനവാസ്. വടക്കേക്കാട് വൈലേരി പീടികയിലെ ഒഴിഞ്ഞ പറമ്പിൽ നിന്നും പാചകവാതക വിതരണ കേന്ദ്രം അനധികൃതമായി സൂക്ഷിച്ചിരുന്ന സിലിണ്ടറുകൾ പിടിച്ചെടുത്ത കേസിൽ ഗ്യാസ് ഏജൻസികളോട് കളക്ടർക്ക് വിശദീകരണം തേടി. അനധികൃത വിൽപന അമർച്ച ചെയ്യുന്നതിനൊപ്പം ഇവർക്ക് കൂട്ട് നിൽക്കുന്ന ഗ്യാസ് ഏജൻസികളുടെ ലൈസൻസ് പിൻവലിക്കുമെവന്നും കളക്ടർ അറിയിച്ചു.