കോഴിക്കോട് ജില്ലയില്‍ വിവിധ വകുപ്പുകളില്‍ എല്‍.ഡി ടൈപ്പിസ്റ്റ് (എസ് ആര്‍ ഫോര്‍ എസ് സി/എസ് റ്റി മാത്രം) (കാറ്റഗറി നം 311/2018)  തസ്തികകളുടെ ടെ റാങ്ക് പട്ടിക പ്രസിദ്ധീകരിച്ചതായി ജില്ലാ പി എസ് സി ഓഫീസർ അറിയിച്ചു.

                             
അഴിയൂര്‍ ഗ്രാമപഞ്ചായത്തില്‍  മഹാത്മാഗാന്ധി  ദേശീയ ഗ്രാമീണ തൊഴിലുറപ്പ് പദ്ധതിയില്‍  അക്രഡിറ്റഡ് എഞ്ചിനീയറുടെ  ഒഴിവിൽ   താല്‍ക്കാലിക നിയമനം നടത്തുന്നതിന് സിവില്‍/അഗ്രികള്‍ച്ചറല്‍  എഞ്ചിനീയറിങ്  ബിരുദധാരികളില്‍  നിന്ന്  അപേക്ഷ   ക്ഷണിച്ചു.   രേഖകളുടെ പകര്‍പ്പ്    സഹിതം  secretaryagp@gmail.com  എന്ന ഇ മെയില്‍ വിലാസത്തിൽ ജൂലൈ രണ്ടിന് വൈകീട്ട്  അഞ്ചിനകം അപേക്ഷിക്കണം.

           
തൃശ്ശൂരിലെ കേരള ഇന്‍സ്റ്റിറ്റ്യൂട്ട് ഓഫ് ലോക്കല്‍ അഡ്മിനിസ്‌ട്രേഷന്‍ (കില) കിഫ്ബി ധനസഹായത്തോടെ നടപ്പാക്കുന്ന പ്രോജക്ടിലെ വിവിധ പ്രോജ്ക്ട് എഞ്ചിനീയര്‍ (സിവില്‍ - 3 , ഐ.ടി - 1) തസ്തികകളിലേക്ക് കരാര്‍ അടിസ്ഥാനത്തില്‍ നിയമനം നടത്തുന്നതിന് അപേക്ഷ ക്ഷണിച്ചു. അവസാന തീയതി ജൂലൈ 10. കൂടുതല്‍ വിവരങ്ങള്‍ക്ക്  www.kila.ac.in/careers  സന്ദര്‍ശിക്കുക.  

 ഓൺലൈൻ പഠനം നടത്താൻ സ്മാർട്ട്ഫോണും ടാബും ഇല്ലാത്ത വിദ്യാർത്ഥികൾക്ക് കൈത്താങ്ങാവുന്ന 'കൈമാറാം  കരുത്താവാം' സ്മാർട്ട് ചാലഞ്ചിന്‌ ജില്ലയിൽ തുടക്കമായി.  പരിപാടിയുടെ ജില്ലാതല ഉദ്ഘാടനവും ലോഗോ പ്രകാശനവും ജില്ലാ കലക്ടർ സാംബശിവറാവു നിർവഹിച്ചു.
കോഴിക്കോട് ജില്ലാ ഭരണകൂടവും കണക്ടഡ് ഇനിഷ്യേറ്റിവും ജില്ലാ ശുചിത്വമിഷനും ഡിജിറ്റൽ റീട്ടെയിൽ ശൃംഖലയായ മൈജിയും  സംയുക്തമായാണ് പരിപാടി  സംഘടിപ്പിക്കുന്നത്.

കോഴിക്കോട് ജില്ലയില്‍ ഇന്ന് (24.06.20) പുതുതായി വന്ന 1165 പേര്‍ ഉള്‍പ്പെടെ 15567 പേര്‍ നിരീക്ഷണത്തില്‍്. ഇതുവരെ 43668 പേര്‍ നിരീക്ഷണം പൂര്‍ത്തിയാക്കി. ഇന്ന് പുതുതായി വന്ന 37 പേര്‍ ഉള്‍പ്പെടെ 223 പേരാണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 143 പേര്‍ മെഡിക്കല്‍ കോളേജിലും 80 പേര്‍ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററിലുമാണ്. 15 പേര്‍ ഡിസ്ചാര്‍ജ്ജ് ആയി.

രണ്ട് കണ്ണൂര്‍ സ്വദേശികളടക്കം 35 പേര്‍ക്ക് ഇന്ന് രോഗമുക്തി;

മൂന്ന് പേര്‍ക്ക് കൂടി കോവിഡ്

കോഴിക്കോട് ജില്ലയില്‍ ഇന്ന് (24.06.20) മൂന്ന് പേര്‍ക്ക് കൂടി കോവിഡ് സ്ഥിരീകരിച്ചതായും രണ്ട് കണ്ണൂര്‍ സ്വദേശികള്‍ ഉള്‍പ്പെടെ 35 പേര്‍ രോഗമുക്തരായതായും ജില്ലാ മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു. പോസിറ്റീവായവരെല്ലാം വിദേശത്ത് നിന്നു വന്നവരാണ്. (സൗദി, ഖത്തര്‍, കുവൈത്ത്- ഒന്നു വീതം). ജില്ലയിലെ രോഗമുക്തി നിരക്ക് ഇന്ന് 60 ശതമാനം കടന്നു.

പോസിറ്റീവായവര്‍:

കെ.എസ്.ആർ.ടി.സി സോഷ്യൽ മീഡിയാ സെൽ കോവിഡ് ബോധവത്കരണത്തിന്റെ ഭാഗമായി നിർമിച്ച 'തിരിച്ചറിവ്' ഹ്രസ്വ ചിത്രം ഗതാഗതമന്ത്രി എ.കെ. ശശീന്ദ്രൻ പ്രകാശനം ചെയ്തു.

യാത്രക്കാർക്ക് ബുദ്ധിമുട്ടുകൾ ഒഴിവാക്കി സുരക്ഷിതമായി ലക്ഷ്യ സ്ഥാനങ്ങളിൽ എത്തിക്കാൻ കെ.എസ്.ആർ.ടി.സി ആവിഷ്‌കരിച്ച 'ബസ് ഓൺ ഡിമാൻറ്' ( BOND ) പദ്ധതി ഗതാഗതമന്ത്രി എ.കെ. ശശീന്ദ്രൻ ഉദ്ഘാടനം ചെയ്തു.
ആദ്യഘട്ടത്തിൽ തിരുവനന്തപുരം നഗരത്തിലുള്ള സെക്രട്ടേറിയറ്റ്, പബ്ളിക് ഓഫീസ്, ജലഭവൻ, പി.എസ്.സി ഓഫീസ്, എസ്.എ.ടി, ആർ.സി.സി തുടങ്ങിയ സ്ഥലങ്ങളിലേക്ക് സ്ഥിരമായി യാത്ര ചെയ്യുന്ന ജീവനക്കാരേയും ഉദ്യോഗസ്ഥരെയും ഉദ്ദേശിച്ചാണ് ഇത്തരം സർവീസുകൾ പരീക്ഷണാടിസ്ഥാനത്തിൽ ആരംഭിക്കുന്നത്. നെയ്യാറ്റിൻകര, നെടുമങ്ങാട് ഡിപ്പോകളിൽ നിന്ന് രണ്ടുവീതം സർവീസുകളാകും ബുധനാഴ്ച മുതൽ ആരംഭിക്കുക.

കേരള സംസ്ഥാന ശാസ്ത്ര സാങ്കേതിക പരിസ്ഥിതി കൗൺസിലിന്റെ ശാസ്ത്ര സാഹിത്യ പുരസ്‌കാരത്തിന് അപേക്ഷ / നാമനിർദ്ദേശം ക്ഷണിച്ചു. മലയാള സാഹിത്യത്തിലൂടെ ശാസ്ത്ര വിഷയങ്ങളെ ജനകീയവത്കരിക്കുന്നതിൽ സംഭാവനകൾ നൽകിയിട്ടുളള വ്യക്തികൾക്കാണ് പുരസ്‌കാരം നൽകുക. 2019-ൽ പ്രസിദ്ധീകരിച്ച ശാസ്ത്രാവബോധം വളർത്താൻ സഹായകമായതും അന്വേഷണാത്മകമായതുമായ രചനകൾ പുരസ്‌കാരത്തിനായി പരിഗണിക്കും. ബാലശാസ്ത്ര സാഹിത്യം, ജനപ്രിയ ശാസ്ത്ര സാഹിത്യം,ഗഹനമായ വൈജ്ഞാനിക ശാസ്ത്ര സാഹിത്യം, ശാസ്ത്ര പത്ര പ്രവർത്തനം, ശാസ്ത്ര ഗ്രന്ഥ വിവർത്തനം (മലയാളം) എന്നീ അഞ്ചു വിഭാഗങ്ങളിലാണ് അവാർഡ്.  അൻപതിനായിരം രൂപയും, ഫലകവും, പ്രശസ്തി പത്രവും അടങ്ങുന്നതാണ് അവാർഡ്.